Barua ya Vakorinto ya kavili 2:17 - MMA SHIYYA

¹⁷ Amu ise tikee sha iwo veengi vakee ikaba mbusha na kirero kya Iṛuva ndi. Kake tikee irera na weelwa lwa nrima luukie kwa Iṛuva tikee va Kristo kisanguń kya Iṛuva.

Barua ya Vakorinto ya kavili 2:17 ပူးပေါင်းရင်းမြစ်များ

Barua ya Vakorinto ya kavili 4:2

Kake tallea findo fa usutu fa ifisafisa ana teendaa na mitambwe ndi ana isandasanda kirero kya Iṛuva na wongo ndi. Kake tireraa kilya kikee kya dede na baa, amu mirima ya vandu itirambue tikee kisanguń kya Iṛuva.

Barua ya Vakorinto ya kavili 1:12

Amu tikisi yeru ikee irambulwa mmirima yeru yyo ii sheeli: Tindekuwara na weendo kunu isangeń lukee lwa usongovisi na warutu luukie kwa Iṛuva, nta llwa uṛango lwa kivandu ndi, kake wweendo lukee ikuwara na ililia lya Iṛuva lukamanyika kwanu ini kya mmwasi.

Urambuyo lwa Yohane 2:20

Kake lwifo wikimbi lwa ikwikimba, fulya nta kutakee ilea nka to Isebeli ito akusendaa sheeli mmwauya eeloshaa vandu kateveta maketi akwa vatane waaisi, lingi valye nyama shirasie maṛuva a wongo.

Barua ya Yuda 1:4

Amu veefo vandu vandekwata siṛiń kwa kiṛisi, nawo wandu vantisiṛio kuuka mbele uumisio ilu. Vvalea Iṛuva veekasheesaa uwoo lwa Iṛuva weru na waaisi Iwawo. Nawo vakee ikana ito akee nnini weru ye muni, yye Nndumi weru Yesu Kristo.

Barua ya Tito 1:11

Wwo vandu vakee ifuluta vandu va numba yoose veeloshaa filya kitaare favawara kiimba kya mbusha ya usutu.

Barua ya Vakorinto ya mbele 5:8

Kyasia tile kisuku kyeru kiteefo kidooka kilya kikuu ana kiteefo kidooka kya ureti na ukasha. Kake tile kisuku kyeru kiwore findo fitadookie, yyo mirima myeelwa na udede.

Matayo 24:24

Amu vakwimboo Makristo a wongo na vaauya va wongo, nawo vaorusyaa myorusye minini na maṛiikiso, amu varete na akwaa vvalya vakee vasaue, kwakooya kivaa.

Barua ya Yohane ya mbele 4:1

Muṛe vakunde, manya mutairikie mumuyo woose, kake elelień mbele mimuyo akwaa imilie kwa Iṛuva. Amu vaauya veengi va wongo vansha isangeń.

Mitanie ya varumi 20:20

Na lingi mwishi sheeli nta nndemufisa kirero kimwi kya imwelekia ndi. Kake nndemworusa na imulosha na baa na ifo numba ta vandu.

Urambuyo lwa Yohane 19:20

Na ifisi lia likawarwa andu emwi na mwauya ulya wa wongo ulya andetana maṛiikiso alya kisanguń kyayo, amu wwo andekaba nawo vandu nrwe valya vandewaria kiringisio kya ifisi lia na iindia fwana yayo. Iwo vali vavili vakakumbwa veefo na muu iruveń lia lya muro ukee yaka wa kibalabala.

Urambuyo lwa Yohane 12:9

Na ishoka lyo inini likakumbwa isangeń, ni ishoka lia ikuu livaangwaa nretai na Satana. Llyo llembi wa isanga lyoose. Kakumbwa isangeń, na vamalaika vamwi vakakumbwa andu emwi nae.

Mitanie ya varumi 20:27

Amu nalea imukwanisia mifurie yoose ya Iṛuva ndi.

Barua ya Vaebrania 11:27

Ni ikusura lindensomuta kulya Misiri nta yeṛea uvaave lwa mangi, amu andekuwara na ulya atalolio̱ sheeli allolie.

Barua ya Vakorinto ya kavili 1:18

Kake Iṛuva akee nrambua wakwa, sheeli kirero kyeru tindemwendee kiwore ee nkimwi na wode ndi.

Barua ya Vakorinto ya kavili 6:7

Na fa firero fa dede na fa finya ya Iṛuva andu emwi na fiya fa usumani fa ikabana na ikuringa uko usha na uko umuso.

Barua ya Vakorinto ya kavili 11:11

Nkiimba ki? Naare niikai ntamukundie ini? Iṛuva afiishi.

Barua ya Vakorinto ya kavili 12:19

Mwabooka kuuka mbele itikusaṛia sheeli tikee ikushiisa mbele yanu. Mbele ya Iṛuva tikee irera tikuwore na Kristo, na ifi foose nkiimba kya imusongosia ini, muṛe vakunde.

Barua ya Vagalatia 1:6

Ndiikie nnu kiimba kya llakanu wanu wa ilakana ree kuri na uu andemuvaanga kwa ililia lya Kristo na ilatia nrumi ingi.

Barua ya Vatesalonike ya mbele 2:4

Kake sheeli teemiirikio̱o̱ ni Iṛuva tirambikio̱ nrumi shisha, nkuro tireraa, nta naamu fisenye vandu ndi, kake naamu tisenye Iṛuva uu eelelia mirima yeru.

Barua ya Petiro ya mbele 4:11

Nndu karera arere kilya kisumani na Iṛuva. Nndu kaṛunda aṛunde sha nndu aniingio̱ mfinya ya Iṛuva, amu Iṛuva eetikiswa na ifi foose kari ka Kristo Yesu. Unini llwamwi na imakii miṛeṛe na miṛeṛe! Amen.