Barua ya Vakorinto ya kavili 13:4 - MMA SHIYYA

⁴ Na kwakooya akabio̱ nsalabeń arie utanyari da, kake eefo na muu arie finya ya Iṛuva. Na akwaa ni ise tikee vatanyari da tikuvavie nae, kake tikaa na muu fiwarani nae kwa finya ya Iṛuva na ikuorusa tikuorusaa kuri kwanu.

Barua ya Vakorinto ya kavili 13:4 ပူးပေါင်းရင်းမြစ်များ

Barua ya Petiro ya mbele 3:18

Amu nae Kristo afwe limwi tubu kiimba kya mareko eru ye akee nsumani kafwa kiimba kyeru ise varekwa, amu atirwaa kwa Iṛuva. Kawalwa kivvili, kake kawiiṛwa muuń kimumuyo.

Barua ya Varome 6:4

Kyasia taṛikwa andu emwi nae ufuń lwamwi kwa shia ya ubatiso, amu sheeli Kristo anderetwa kwa vafu kwa shia ya unini lwa Ndee, mfo kuro neese tiṛue tirie muu mwiya.

Barua ya Vaebrania 5:7

Na mikonu ilya eekee na vvili wa kivandu anderasia ulya andemakii inkiṛa ufuń fiterewo na iiyaiya nae eekabaa kiṛoṛongyo na indonisia masoru kairikio̱ yye kautwa utiṛiń lwiwworee.

Barua ya Vakorinto ya mbele 15:43

Kikee iveekio̱ kya usutu na iṛutwa kiṛutwaa kiwore tikisi. Kikee iveekio̱ na utanyari na iṛutwa kiṛutwaa kiwore finya.

Barua ya Vakorinto ya mbele 2:3

Nań nakaa kwanu na mikae ya utanyari na weṛei na irerema iingi.

Barua ya Vafilipi 3:10

Nań nimmanye ye na imanya imakii lya iṛuka lyamwi na ilungana na mavaviso amwi, amu wakaniswa nae, na akwaa ni ufu lwakwa luvakane na lwamwi,

Barua ya Varome 14:9

Amu kwa ikyo nkyo Kristo afiya na iva lingi na muu, amu ashilie vafu na veefo na muu.

Yohane 10:18

Nta eefo nndu ashiusokaa ndi, kake nauniingia kwa ikunda lyakwa shi muni. Noore finya ya iuniingia. Noore na finya ya iuwara lingi. Llyo ivavaso nndeliwaria lyuka kwa Nde yakwa.

Barua ya Varome 1:4

Kalolika na baa sheeli mMwana wa Iṛuva muni finya kwa mikae ya kiMumuyo Nsongori eeṛutwaa kwa vafu, yye Yesu Kristo Nndumi weru.

Mitanie ya varumi 2:36

Kyasia iva woose va numba ya Isiraeli vamanyi ninsha, sheeli Iṛuva amaaṛua Yesu to mundenkabia nsalabeń ave Nndumi na Kristo.

Barua ya Petiro ya mbele 3:22

Nae akee uko usha lwa Iṛuva, ili amaa iroswa iṛuvewu. Mfo eerikio̱ wamalaika na vanini na va finya vakee kwa si yamwi.

Barua ya Vakorinto ya kavili 10:10

Amu veefo vashireraa veenumbuaa: Barua tamwi nshuumu toore finya. Kake ili aiyo ye muni kwa kivvili ni ntanyari na mboni tamwi tirie ngo ndi.

Mitanie ya varumi 3:16

Neeli nndu uu akusurie irina lyamwi, irina lyamwi Uyo lyanniinga uu mullolie na immanya finya. Na ikusura lyamwi alliniingwa ni Yesu Uyo ly ammuniinga ishia li mulolie ini mu woose.

Barua ya Vakorinto ya mbele 1:25

Amu kilya kikee kya utondo kyuka kwa Iṛuva kyo kikee na uṛango lukilie lwa vandu. Na kilya kikee kya utanyari kyuka kwa Iṛuva kyo kikee na finya ikilie ya vandu.

Barua ya Vakorinto ya mbele 6:14

Nae Iṛuva andeṛuta Nndumi atiṛutaa neese kwa finya yamwi.

Barua ya Vakorinto ya kavili 12:10

Nań nkuumisaań koṛoń kyeeri kya utanyari ana kya usutu lwa vandu ana kya ngyukiva ana kya matuṛulo ana kya weṛei nkee iliswa kiimba kya Kristo. Amu kyeeri nkee ntanyari llyo noore finya ya nrima.

Barua ya Vakorinto ya kavili 13:9

Amu tikee ifura kwakooya ise tava vatanyari neeni mukava na finya. Lingi ifi nafo tikee itereva mukooye iselevendwa.