Barua ya Vakorinto ya kavili 13:11 - MMA SHIYYA

¹¹ Ifurumia, vanavama, fureń, mukuselevende, mukwikimbe, mirima yanu ive kimwi, mukaa unambweń, llyo Iṛuva muni ikunda na unambwe akaa andu emwi neeni.

Barua ya Vakorinto ya kavili 13:11 ပူးပေါင်းရင်းမြစ်များ

Barua ya Vaebrania 12:14

Ruyeń utomari lwa iva na unambwe na vandu woose na usongovisi; amu nta nndu umwi aloliaa Nndumi kitaare aluwore.

Barua ya Vakorinto ya mbele 1:10

Kyasia vanavama namutereva na irina lya Nndumi weru Yesu Kristo: Murere kimwi mu woose, manya kwanu utave-fo mwavanu, kake muve na ikusaṛo limwi na ifukya limwi.

Barua ya Varome 12:16

Ngoo tanu toose kyawara tive kimwi! Manya mutakwareesie filya fikee firoo, kake kuwaraniń na valya vannya! Manya mutakumanyi mu veni sheeli mukee vaṛango!

Barua ya Varome 15:33

Iṛuva muni unambwe ave andu emwi neeni mu woose. Amen.

Barua ya Varome 12:18

Veń na unambwe na vandu woose, kwakooya mumakii!

Mariko 9:50

Munyu nkindo kisha. Kake munya ukavva kyoongio, muulorisaa na kiki? Veń na munyu kari kanu, mukaa na unambwe ini mu veni na mu veni.

Barua ya Petiro ya mbele 3:11

Eewukane na fikasha atane finuru. Aṛuye unambwe alusoṛe.

Barua ya Vakorinto ya kavili 13:9

Amu tikee ifura kwakooya ise tava vatanyari neeni mukava na finya. Lingi ifi nafo tikee itereva mukooye iselevendwa.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Petiro ya mbele 3:8

Kyasia kirero kya ifurumia ni iki: Ini mu woose muve va mikae imwi na va ndewu shooṛoo na vawore witanu na va mililie na va utele.

Barua ya Yakobo 1:4

Kake ikuumisa kyawara limarisie mashoṛa ayo, amu mwawutie ishia na isumanika mutarewa numa kya ifi na ifi.

Barua ya Vatesalonike ya kavili 2:16

Na Nndumi weru Yesu Kristo muni na Iṛuva Nde yeru uu andetikunda katiniinga ifura lya miṛeṛe na iverea isha kwa uwoo lwamwi

Barua ya Vatesalonike ya mbele 4:1

Kyasia lingi tamutereva, muṛe vanavama, na imufunda, amu mukee va Nndumi Yesu: Mwengeṛie utomari na iṛunda sheeli tammulosha ikaa na iṛunda na isenya Iṛuva.

Barua ya Vafilipi 4:9

Ifo nafo mundefundio̱ na ifikulosha mukafiwaria mukafiita mukafilolia kwakwa niń, alli fitaniń! Na Iṛuva muni unambwe avaa neeni.

Barua ya Vafilipi 1:27

Kake weendo lwanu lusongove sheeli kisumani na nrumi ya Kristo, amu kwakooya nshaa na imulolia ini ana kitaare niiyo niite mboni tanu, sheeli muselele na utomari na ngoo imwi mwikabaniaa nrumi shisha na ikusura kwa nrima umwi.

Barua ya Varome 16:20

Nae Iṛuva muni unambwe avariavariaa Satana kwa si ya marende anu ree. Uwoo lwa Nndumi weru Yesu Kristo lukaa neeni! Amen.

Barua ya Varome 15:13

Nae Iṛuva uu muweree amwishuṛie ifura ini mu woose na unambwe fuukie ikusureń, na iverea lyanu lyengeṛio̱ finya mMumuyo Nsongori.

Urambuyo lwa Yohane 22:21

Uwoo lwa Nndumi Yesu Kristo lukaa na vasongori woose! Amen.

Barua ya Vaebrania 13:20

Iṛuva muni unambwe andeṛuta Nndumi weru Yesu akee mwisi nnini wa maanri ifo kwa vafu kwa usao lwa mma ya miṛeṛe,

Barua ya Timoteo ya kavili 2:22

Kake risha milangie ya ukoo, kulatie usumani na ikusura na ikunda na unambwe andu emwi na valya vakee ivaanga Nndumi na nrima mweelwa.

Barua ya Vatesalonike ya kavili 3:16

Alli Nndumi muni wa unambwe amuniinge unambwe kyeeri kyoose shień toose! Nndumi akaa neeni mu woose!

Barua ya Vatesalonike ya mbele 5:23

Na Iṛuva muni unambwe ye muni amwilise deń, na mumuyo wanu usumaniswa andu emwi na nrima na wili na iringwa liteefo ilomi, kumande Nndumi weru Yesu Kristo ashaa.

Barua ya Vatesalonike ya mbele 5:16

Fureń mikonu yoose.

Barua ya Vatesalonike ya mbele 5:13

Muvakunde kilanya kiimba kya mashoṛa awo. Veń na unambwe mu veni na mu veni.

Barua ya Vatesalonike ya mbele 4:18

Kyasia mukulembelembe mu veni na mu veni na firero ifi.

Barua ya Vafilipi 4:4

Fureń kyeeri kyoose, fulya mukee va Nndumi! Lingi namuia: Fureń!

Barua ya Vafilipi 4:2

Naikimba Evodia na iikimba Sintike vave kimwi kari ka Nndumi.

Barua ya Vafilipi 3:16

Kake io tamfika, yengeṛia teengeṛie kuro da.

Barua ya Vaefeso 6:23

Unambwe luve na vanavamae na ikunda andu emwi na ikusura fuukie kwa Iṛuva Nde na kwa Nndumi Yesu Kristo!

Barua ya Vakorinto ya kavili 1:4

Atiwiiṛia muu ngatareń teru toose, kaaṛa neese timakii iwiiṛia muu valya woose vakee valise ngyukiva tawo, ni iwiiṛia muu li tikee iliniingwa ni Iṛuva.

Mitanie ya varumi 23:30

Neeli nndeniingwa mboni sheeli wifo ntambwe mwoke vVayuda wa iwwaa nanrika kwafo. Navavasa na iwo vandendiinga varere mboni tamwi mbele yafo. Kaa na kibua.

Mitanie ya varumi 18:21

Kasamana nawo eenumbuaa: Kisuku ki kikee isha kyashiwara nkimarisie Yerusalemu. Iṛuva kankunda nuuyaa lingi kwanu. Kauka Efeso kaenda kyaaṛo kya nruveń.

Mitanie ya varumi 15:29

Mfo ifi: Mwiwukani na findo fa misimbika ya firasio ya fwana na usao na nyama takuṛwa na waaisi. Mukakwima ifo mutanaa kisha. Kaańń na kibua!

Yohane 17:23

Niń vve andu emwi nawo, nawe kuve andu emwi nań, nawo vave vandu va imarisia iva kimwi. Na va isanga vautie-wo imanya sheeli ni iwe kushirumie niń, lingi kwavvakunda sheeli kundeshikunda niń.

Luka 9:61

Na ungi kanumbua: Nkusoṛaa, Nndumi. Kake shiniinga mbele muumu nndeia va numba yakwa vakaa kibua.

Mariko 10:49

Yesu kasalala kanumbua: Vvaangeń! Vakavaanga nndu ulya mfu miso vakamwia: Uyo̱ mmuu! Kwimboo akee ikuvaanga.

Matayo 5:48

Kyasia ini veń vandu vasongovye, sheeli Nde yanu wa iṛuvewu asongovye.

Matayo 1:23

Lla te sambuṛa ikufingaa na iira mwana wa womi, na irina lyamwi vavvaangaa Imanueli. Nkimwi na: Iṛuva akee neese.

Barua ya Vaefeso 4:3

Kwa ikyo sheeli Mumuyo andemwaṛua mukava kimwi engeṛień ikulunga na witanu.

Barua ya Varome 14:19

Kyasia kwakooya nkuro tilatie findo finnde unambwe na findo feelekiaa ilungana ti veni na ti veni.

Barua ya Vaefeso 4:12

Kikava kuro, amu asumanise vasongori, amu mashoṛa a iṛundia vengi aawukie na vvili wa Kristo — nto ini — usongosio̱.

Barua ya Vatesalonike ya mbele 3:10

Tikee iiyaiya nae kio na nsanyiń tikwanie neeni kisangu kwa kisangu, amu timakii yengeṛia finya tanu ta ikusura Iṛuva akwaa aiyo andu taanguye.

Barua ya Vatesalonike ya kavili 3:1

Lya ifurumia vanavama, titerevień amu kirero kya Nndumi kikwani na iindio̱ sha kulya kwanu.