Barua ya Vakorinto ya kavili 12:1 - MMA SHIYYA

¹ Ikuṅinisa shi muni niimakii ikuṅinisa da, kake kisheelekaa kindo ndi. Alli aranyiń mmurambue findo fa maṛiikiso, kasa naoruswa na irambuywa ni Nndumi muni.

Barua ya Vakorinto ya kavili 12:1 ပူးပေါင်းရင်းမြစ်များ

Barua ya Vagalatia 1:12

Amu naiwaria kwa vandu ana naloshwa ni nndu ndi, kake naiwaria kwa myorusie ya Yesu Kristo.

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.

Barua ya Vakorinto ya kavili 12:7

Kiifo na kindo kingi kikee ishiima niikuṅinisaa kya mirambuye ilya minini: Nanrwaywa mfifi wiliń wakwa, nato ukee ishituṛua wishiilikaa sha kivambo kyoi. Nakyo kikava sha nrumi wa Satana anderumwa amu ashikabe na ṅunde, kaaṛa ntakushombe.

Barua ya Vagalatia 2:2

Nań naimboo kyaaṛo kilya, fulya neemiitikwaa mmyorusie ya Iṛuva. Navaongoya nrumi ilya ya ifura sheeli noongoyaa vayavaṛumu, na mmwasi naongoya valya vawore tikisi kari ka siṛi, kitave eeba nkee irisha kya ruu ana filya nkee ifirishia mfa ruu.

Barua ya Vakorinto ya kavili 12:11

Nawa nriṅani. Ni ini mwashikabiṛia. Amu kyeenshiwaraa niirikie ni ini, fulya kiteefo kyashirwaa numa ya valya vakulolie vakee varumi va dede, lla kasa ntakee kindo.

Barua ya Vakorinto ya kavili 8:10

Na kya ishoṛa lya isaṅiṛia nsimbika ulya nkee imuia kya uṛango lwakwa: Ishoṛa fi fimwelekaa ini, fulya mwambooka wamiira mwaka umwi nta ni iuṛundia da ndi, kake na akwaa ni ifura iiria vengi mbele.

Barua ya Vakorinto ya mbele 10:23

Mwanumbua: ”Findo foose fikee fisha toore muumu wa ikuṛu-ndia nafo“. Ee, kake mfindo foose feelekaa ndi. Mwanumbua: ”Findo foose fikee fisha toore muumu wa ikuṛundia nafo“. Ee, kake mfoose fisongosiaa ndi.

Mitanie ya varumi 23:11

Kio kilya Nndumi kasalala kufui nae kanumbua: Va na ngoo shuumu Paulo! Amu sheeli kundeshirambua mboni takwa kunu Yerusalemu, kyakuwara ishirambua kuro kulya Rome nafo.

Mitanie ya varumi 18:9

Nndumi karera na Paulo myorusień kio eemwiaa: Manya kuteeṛee, kake rera manya kutasie do!

Yohane 16:7

Kake niń namuia kikee kya dede: Ili neendaa llyo kimwelekaa ini. Amu niń nara ntaenda kwakwa, Ntirishi amusheaa ndi. Kake nammeenda ninrumaa kwanu.

Barua ya Vakorinto ya mbele 6:12

Mwanumbua: ”Findo foose kwakwa mfisha“. Ee, kake mfoose feelekiaa ndi. Mwanumbua: ”Findo foose kwakwa mfisha“. Ee, kake kilya kitashiviaa nkitinywa ndi na kikava ki.

Yohane 18:14

Na Kayafa yye ulya andeia Vayuda sheeli: Llyo ṅwana nndu umwi afwe andu a vandu woose va uruka.

Barua ya Vaefeso 3:3

Amu nnderambuywa kiṛisi kyo na myorusie, sheeli nndebooka itisiṛa kwa firero faangu.

Barua ya Vakorinto ya mbele 14:6

Kake alli, vanavama, nasha kwanu niireraa mirerie miini, mmwelekiaa ki ntaare narera neeni kwa shia ya irambuywa ana kwa shia ya uṛango ana kwa shia ya yongoya ana kwa shia ya ilosha?

Barua ya Vakorinto ya kavili 12:5

Kiimba kya nndu to nkuṅinisaa, kake kya kiimba kyakwa shi muni mmakii ndi. Kindo kishikangiaa nkuṅinise ni utanyari lwakwa.

Barua ya Vakorinto ya kavili 12:9

Nae kashiia: ”Ililia lyakwa likufile, amu kwa nndu ntanyari mfo finya yakwa ikooyaa mwaanya wa iṛunda“. Kiimba kya iki kindo nkee ikuṅinisa nakyo ni utanyari lwakwa, amu finya ya Kristo ikooye mwaanya wa iṛunda kari kakwa.

Barua ya Vatesalonike ya mbele 4:15

Fulya mboni ii tikee imuia ikee kirero kya Nndumi muni tikamuia: Ise tikee na muu fiseere isangeń kumande Nndumi ashaa tiiriaa valya veemfwaa mbele ndi.