Barua ya Vakorinto ya kavili 11:6 - MMA SHIYYA

⁶ Na akwaa nava nriṅani wa irera, nta nkee nriṅani wa irambua ndi, neeni mwanshilolia sheeli nkee kuro kari ka findo foose.

Barua ya Vakorinto ya kavili 11:6 ပူးပေါင်းရင်းမြစ်များ

Barua ya Vaefeso 3:4

Mukaisoma mumakii imanya sheeli niishi kiṛisi kya Kristo.

Barua ya Vakorinto ya kavili 4:2

Kake tallea findo fa usutu fa ifisafisa ana teendaa na mitambwe ndi ana isandasanda kirero kya Iṛuva na wongo ndi. Kake tireraa kilya kikee kya dede na baa, amu mirima ya vandu itirambue tikee kisanguń kya Iṛuva.

Barua ya Vakorinto ya mbele 1:17

Amu Kristo ashiruma amu mbatise ndi, kake naamu nkwanise mboni ya ifura ya ikiṛwa. Nakyo kitave na firero fa imanya lya uṛango, amu nsalaba wa Kristo utabiṛwa.

Barua ya Vakorinto ya mbele 1:21

Amu kwa uṛango lo lwayo isanga li lindemanya Iniva na uṛango lwamwi lwa kiiṛuvewu lukee lwa dede ndi. Kwa ikyo Iṛuva andekunda ikiṛa valya vankusurie na mboni ikee ilolio̱ ni isanga sheeli yya uṛiṅani.

Barua ya Vakorinto ya kavili 12:12

Kilya kyorusaa nndu sheeli ni nrumi kyantanika kwanu kwa isisiria na kwa firingisio na myorusie na finya.

Barua ya Vakorinto ya kavili 10:10

Amu veefo vashireraa veenumbuaa: Barua tamwi nshuumu toore finya. Kake ili aiyo ye muni kwa kivvili ni ntanyari na mboni tamwi tirie ngo ndi.

Barua ya Vakorinto ya kavili 5:11

Kyasia tikammanya yeṛea Nndumi, tikee yomua vandu, kake tikee irambulwa mbele ya Iṛuva. Nań nkusurie sheeli neese tanrambulwa ifo mirimiń yanu kuro da.

Barua ya Vakorinto ya mbele 2:13

Nafo mfo tikee ifirera ana tikee ifirera kwa firero talloshwa ni uṛango lwa kivandu ndi, kake talloshwa mMumuyo. Na ifo mboniń ta Mumuyo mfo tikee ikooya firero fa Mumuyo.

Barua ya Vakorinto ya kavili 7:2

Tiniingień mwaanya mirimiń yanu. Nta nndu tindenretia kindo ana nta nndu tindenkasheesa ana nta tindellemba.

Barua ya Vakorinto ya mbele 12:8

Fulya nndu umwi akee iniingwa kirero kya uṛango mMumuyo, na ungi kirero kya waṛia, kake Mumuyo ni ulya muni da.

Barua ya Vakorinto ya kavili 6:6

Na fa unuru na fa imanya na isisiria na fa uwoo na fa Mumuyo Nsongori na fa ikundana litawore ukavili.