Barua ya Vakorinto ya kavili 11:23 - MMA SHIYYA

²³ Wo waṛundia Kristo? — narera kya uketo — nniń kya mmwasi. Kari ka ngatara wakilie deń. Fifingioń wakilie deń. Fa ikabwa wakilie nnu kutu. Fitaniń fa ifwa nkeengi.

Barua ya Vakorinto ya kavili 11:23 ပူးပေါင်းရင်းမြစ်များ

Barua ya Vakorinto ya kavili 6:9

Tikee vandu vatamanyikie, kake timanyikaa. Tikee sha vakee ifwa, a te tikee na muu. Tikee sha vakee ituṛulwa, kake tawalwa ndi.

Barua ya Vakorinto ya kavili 3:6

Nae yye andetikaarisa tikava vaṛundi vasenye va mma shiiya, nta yyo ya mitisiṛie ndi, kake yya Mumuyo. Amu mitisiṛie innde ufu, kake Mumuyo annde muu.

Barua ya Vakorinto ya mbele 15:10

Kake kwa ililia lya Iṛuva nava sheeli nkai, na ililia lyamwi likee kwakwa lindeva lya ruu ndi. Kake nndeengeṛia nnu iṛunda mashoṛa kilanya ya woose, ana nta niń ndi, kake ni ililia lya Iṛuva likee nań.

Barua ya Vakolosai 1:29

Nań nkee ikwatara kwa ikyo na ikabana kwa finya ya ito akee nań na imakii lyamwi.

Barua ya Vakolosai 1:24

Alli noore ifura kiimba kya matuṛulo nndeakooya kiimba kyanu. Na lingi nkee yawutia alya aseere a matuṛulo a Kristo na wili wakwa kiimba kya wili wamwi, nto siṛi yamwi.

Mitanie ya varumi 9:16

Nań mmworusaa matuṛulwa woose alya atuṛulwaa kiimba kya irina lyakwa.

Barua ya Filemon 1:9

kake llolie llyo ṅwana nkutereve kiimba kya ikundana nawe, amu niń Paulo nkee nndu nkuu alii na mfinge kiimba kya Kristo Yesu.

Barua ya Timoteo ya kavili 2:9

Kiimba kyayo naliswa ukiva andu a ifingwa sha mutana fikasha. Kake kirero kya Iṛuva kivaa ifinga ndi.

Barua ya Vakorinto ya mbele 3:5

A Apolo wwa ki? Na Paulo wwa ki? Vvaṛundi vandemulosha ikusura Nndumi, na nndu woose weru akee iṛunda sheeli andeavio̱ ni Nndumi.

Barua ya Vaebrania 10:34

Amu valya vandefingwa mundelya ukiva andu emwi. Neeli mundesokwa filya mukee nafo, mukairikia na ifura mwimanyaa sheeli moore fuvavikilie kilya kikee kinuru, fulya itataṛaakuu.

Barua ya Timoteo ya kavili 1:16

Nndumi alilie va numba ya Onesiforo, amu keengi eekee ishiwiiṛia muu ana nta andeiria mise yakwa sonu ndi.

Barua ya Timoteo ya kavili 1:8

Kyasia manya kutaire sonu ya irambua Nndumi weru ana manya kutashiirie sonu niń nkee mfinge kiimba kyamwi. Kake sisiria mavavio andu emwi nań kiimba kya nrumi shisha kwa kiṛengo kya finya ya Iṛuva.

Barua ya Timoteo ya mbele 4:6

Kwallosha vanavamae mboni iti kuvaa ndundi nnuru wa Yesu Kristo na ilisa nrima wafo firero fa ikusura na fa miloshie ilya minuru kwisoṛie.

Barua ya Vatesalonike ya mbele 3:2

Tikaruma Timoteo mwanamae weru akee ndundi wa Iṛuva mashoṛeń a ikwanisa nrumi ya Kristo, amu amuumise ini na imukaarisia ikusureń lyanu.

Barua ya Vafilipi 2:17

Kake na kwakooya kyashiwara iniingia muu wakwa kiimba kya iṛundia ikusura lyanu uve sha kindo kya irasa, noore ifura, ni ifura lishilungie neeni mu woose.

Barua ya Vafilipi 1:13

Amu kyammanyika kwa varingi valya va Kaisari woose na kwa valya vengi woose sheeli nkee mfinge kiimba kya Kristo dede.

Barua ya Vaefeso 6:20

Yyo nndeivia nrumi na kunu kifingioń. Shiterevień, amu mmakii iikwanisa na baa ntawore weṛei, sheeli kyawara nrere.

Barua ya Vaefeso 4:1

Kyasia niń nkee mfinge kiimba kya Nndumi namwikimba ini muware weendo lusumani na ivaangwa li mwavaangwa nalyo.

Barua ya Vaefeso 3:1

Kiimba kya ikyo niń Paulo nkee mfinge wa Kristo Yesu kiimba kyanu ini vayavaṛumu.

Barua ya Vakorinto ya kavili 11:5

Kake nkusaṛie, kiifo llemwaa ndi kwa valya woose vakee ikuniinga tikisi toose ta urumi.

Barua ya Vakorinto ya kavili 10:7

Lleń filya fikee mbele ya miso anu! Nndu kankumanya ye muni sheeli wwa Kristo akusaṛe lingi nrimiń wamwi: sheeli ye akee nndu wa Kristo, mfo kuro da neese tikee vandu va Kristo.

Barua ya Vakorinto ya kavili 4:11

Amu ise tikee va Yesu tikee iniingio̱ nkonu woose tifwe kiimba kya Yesu, amu na muu wa Yesu ulolikie miviliń yeru ya ufu.

Barua ya Varome 8:36

Nsheeli kyatisiṛwa: ”Kwa kiimba kyafo tikee iwalwa nkonu tiṛi, tivakie maanri akee isikywa tubu“.

Mitanie ya varumi 28:30

Paulo kakaa kiṛengo kya myaka ivili iishule numba yo yamwi eekaii kawaria vandu woose valya veekee inshea

Mitanie ya varumi 28:16

Ili tindefika Rome nshili ulya karambikia vafinge maakoń a nshili wa varingi va Kaisari. Kake Paulo kaniingwa muumu wa ikaa kyaanya ye muni andu emwi na nsikari ulya eenringiee.

Mitanie ya varumi 27:1

Kyasia ili kindevavaswa kyaaṛo kyeeni kya yenda Italia vakarambikia Paulo na vafingwa vengi maakoń a nshili umwi irina lyamwi ni Yulio wa kyama kya Kaisari.

Mitanie ya varumi 25:14

Nawo vankaa ifo mikonu kiindi Festo kaongoya mangi mboni ta Paulo kamwia: Ia aiyo nndu atio̱ kifingioń mFelikisi.

Mitanie ya varumi 21:11

Katifikia kawara kitati kya Paulo kakwavika nakyo marende na maako. Kanumbua: Mumuyo Nsongori anumbua kuri: Kuro mfo Vayuda va Yerusalemu vafingaa nndu wa kitati ki. Nawo vanrambikiaa maakoń a vayavaṛumu.

Mitanie ya varumi 20:23

kita Mumuyo Nsongori akee ishirambuya muṛi kwa muṛi eenumbuaa: Fifingio na ngyukiva fishiveree.

Mitanie ya varumi 14:19

Veeifoo Vayuda vandefika-fo vauka Antiokia na Ikonio vakakuria syamu vakakaba Paulo na mawe vakansuṛuya wooṛo ya muṛi veekusaṛaa ammaa ifwa.

Barua ya Vakorinto ya mbele 4:1

Ise vakwanisa kirero kya Iṛuva tifurie ilolio̱ ni nndu woose sheeli tikee vaṛundi va Kristo na varingi va fiṛisi fa Iṛuva.

Barua ya Vakorinto ya mbele 4:9

Amu llolie sheeli Iṛuva antirwaa ise varumi tive va ifurumia sha vandu kyawara iwalwa tikavia isanga kindo kya iṛiikisa vamalaika na akwaa vvandu.

Barua ya Vakorinto ya mbele 4:11

Kumande saa ii ya alli ise tikee iliwa nsoto na nyura, tikee kya ruu, tikee ikabwa ṅunde, lingi toore kyeń ndi.

Barua ya Vagalatia 6:17

Kuuka alli manya nndu akishivinaa, amu ifo vviliń wakwa nrie fiwoṛo fa Nndumi Yesu.

Barua ya Timoteo ya kavili 3:11

Lingi kwalatia na ngyukiva takwa na matuṛulo akwa alya natuṛulio̱ kulya Antiokia na Ikonio na kulya Lisitira. Mikae yoose ya ngatara nasisiria. Nae Nndumi ashikiṛa toose.