Barua ya Vakorinto ya kavili 11:20 - MMA SHIYYA

²⁰ Fulya mukee isisiria, kwakooya nndu amurwaa usingeń ana imulemba ana imusoka filya fikee fanu ana ikuṅinisa kwanu ana imukaba kisa ngu.

Barua ya Vakorinto ya kavili 11:20 ပူးပေါင်းရင်းမြစ်များ

Barua ya Vagalatia 2:4

Kake na vanavamae va wongo veeifoo vandekwata iwo vandeaka kwa kiṛisi, amu vaovie yotoṛwa lyeru tikee nalyo kari ka Kristo Yesu, amu vatiwiiṛe uketiń lwa uvavaso.

Barua ya Vagalatia 5:1

Kristo antitaua usingeń tive vana va diṅu. Kiimba kya iki kuumiseń, amu mutakiwarwa lingi nkifingio kya usinga!

Barua ya Vagalatia 4:9

Kake alli ili mwishi Iṛuva na kya mmwasi mwamiishiwa ni Iṛuva, naamu ki muuyaa lingi miloshień ilya ya mbele ikee mitanyari muve lingi maketi ayo, ikee yyo mulangie iiṛundia lingi?

Barua ya Vagalatia 4:3

Neese nkuro da: Lia tikee sha vana vati kitaare taṅṅina llyo tiikee vandu veetoṛioo mmilimu ya isanga tikava masinga ayo.

Barua ya Vakorinto ya kavili 1:24

Nta ni iitoṛo ikusura lyanu ndi, kake tikee veelekia va ifura lyanu, fulya mukuwore na ikusura lyanu tabu.

Luka 6:29

Na nndu kakukaba ui lwa usaa lumwi, mwaṛue na ilu lungi. Na nndu kakusoka nseto wa yeeṛia, manya kutamwime na ito kuṛee.

Barua ya Vatesalonike ya mbele 2:5

Amu tindeva na firero fa ikushiisa nta kyeeri kimwi sheeli mwishi ndi ana na firero fa dua fa ifisa unyuku, Iṛuva ni nrambua.

Barua ya Vafilipi 3:19

Mmando wawo ni ureti, ndewu yyo Iṛuva wawo, tikisi yawo iveendee usutu, wo kita findo fa isanga vakee ikusaṛia.

Barua ya Vagalatia 6:12

Woose vafurie isenya vandu veekuwaraa na findo fa kivvili wwo vakee imukabiṛia murinwa, na kiteveto vakatana kuro, naamu vatakooye yumbutwa kiimba kya nsalaba wa Kristo.

Barua ya Vagalatia 5:10

Neeli mukee va Nndumi, niń nkusurie sheeli mukiilashaa mirima yanu ndi. Kake uu andemufuluta akooyaa uumisio lwamwi na kava i.

Barua ya Vagalatia 4:25

Amu kirero ki Hagari kivakani na uro lwa Sinai lukee kulya Warabu, nalo luvakani na Yerusalemu ya alli, fulya yo ikee uketiń andu emwi na vana vayo.

Barua ya Vakorinto ya mbele 4:11

Kumande saa ii ya alli ise tikee iliwa nsoto na nyura, tikee kya ruu, tikee ikabwa ṅunde, lingi toore kyeń ndi.

Mariko 12:40

Ni iwo vakee ilya numba ta misikeeti na kwa ukavili vakee itereva fiterewo faasha. Nawo vakooyaa uumisio lukee unini kita.

Barua ya Vakorinto ya kavili 10:5

Tikee ifukyafukya na kilya kyoose kikee ikwimboyo uṛango lwa Iṛuva tiireyaa makusaṛo woose a vandu, amu vairikie Kristo.

Barua ya Vakorinto ya kavili 11:3

Kake sheeli shoka ilya indelemba Eva na mitambwe yayo, noore weṛei kundo neeni murwaa makusaṛo anu mbaai mutamakii lingi ivandama Kristo ye muni da na ikaa nae.

Barua ya Vakorinto ya kavili 12:16

Kyasia niń nammutuṛua ndi, kake veefo vakee inumbua, ni uṛango lwakwa ukasha nndemuwara nalo kwa ntambwe.