Barua ya Vakorinto ya kavili 10:5 - MMA SHIYYA

⁵ Tikee ifukyafukya na kilya kyoose kikee ikwimboyo uṛango lwa Iṛuva tiireyaa makusaṛo woose a vandu, amu vairikie Kristo.

Barua ya Vakorinto ya kavili 10:5 ပူးပေါင်းရင်းမြစ်များ

Barua ya Vaebrania 4:12

Amu kirero kya Iṛuva kiwore muu, lingi kiwore finya, lingi kiwore uvave kita shombo shooi kuvili. Lingi kitotaa na yaava nrima na ngoo na meeṛo na miingo ikee kari kayo. Lingi nkyaangu na yelelia makusaṛo na mifurie ya nrima.

Barua ya Varome 7:23

Kake kari ka meeṛo akwa nkee ilolia-fo mavavaso engi awore fira na ivavaso lia lya uṛango lwakwa na ishaaṛua mfungwa wa ivavaso lia lya mareko likee ifo meeṛoń akwa.

Matayo 15:19

Amu ifo nrimiń mfo kundo aukaa makusaṛo makasha na iwaa na waaisi na yaaika na unini na fa ukureki lwa wongo na nrumu.

Barua ya Varome 1:21

Fulya veeshi Iṛuva, kake vamwitikisa sheeli yye Iṛuva ndi ana nta imwaana. Kake varekia ifo iiṅaneń lyawo na mirima yawo ikasikio̱ ni llema.

Barua ya Vakorinto ya mbele 3:19

Amu uṛango lwa isanga li ni utondo mbele ya Iṛuva. Amu nkitisiṛe: ”Areyaa vaṛango ifo mitambweń yawo“.

Barua ya Vakorinto ya mbele 1:19

Amu nkitisiṛe: ”Nkasheesaa uṛango lwa iwo vakee vaṛango, na imanya lya vayauṛango llileaa“.

Barua ya Vaebrania 5:9

Ili andemaa yawutio̱, kaendee valya woose vankusurie ikia lya miṛeṛe.

Barua ya Petiro ya mbele 1:22

Mukammaa iilisa mirima yanu na iirikia filya fikee fa dede kumande mwafikia ikundana na vanavamae fitawore ukavili, kyasia engeṛień ikundana na nrima mu veni na mu veni.

Barua ya Vatesalonike ya kavili 2:8

Io llyo muni urekwa ulya alolikaa. Nae Nndumi Yesu antuulaa na mumuyo wa kana kamwi na inreta kyeeri kyamwi kya isha kikamfika.

Luka 1:51

Atana fa finya na uko lwamwi kanyanyata iwo vakee ikuṅinisa ifo makusaṛoń a mirima yawo.

Barua ya Vatesalonike ya kavili 2:4

Nae ni nkituva ulya akwimboyo kindo kyoose kivaangwaa Iṛuva ana kiwore windi. Na akwaa yye muni akukaarisaa rembo ifo numba ya Iṛuva eekworusaa kyaanya kyamwi sheeli ye yye Iṛuva.

Barua ya Vakorinto ya kavili 9:13

Fulya mukee yelelio̱ uṛundiń ilo, nawo veetikisaa Iṛuva kiimba kya windi lwanu lwa irambua nrumi shisha ya Kristo na kiimba kya miniingie yanu ya ivalilia mundeelekiana nawo na vandu woose.

Barua ya Varome 16:26

Kake kyeeri kya alli ikarambulwa kikamanyiswa kwa vandu va ngyuruka toose na mitisiṛie ya vaauya, sheeli Iṛuva wa miṛeṛe andevavasa, amu vakooye inkusura na imwirikia.

Barua ya Varome 1:5

Nae yye andeshililia na ishaavia imakii vve nrumi wa ilosha vayavaṛumu woose vankusure na iindia irina lyamwi.

Barua ya Petiro ya mbele 1:2

Fulya mwandengio̱ ni Iṛuva Nde mwiliswa mMumuyo Nsongori, amu mukooye ikusura Yesu Kristo na ifwalio̱ usao lwamwi. Uwoo na unambwe feengeṛio̱ kwanu!

Barua ya Vakorinto ya kavili 11:20

Fulya mukee isisiria, kwakooya nndu amurwaa usingeń ana imulemba ana imusoka filya fikee fanu ana ikuṅinisa kwanu ana imukaba kisa ngu.

Barua ya Vafilipi 4:7

Na unambwe lwa Iṛuva lwilanyi ngyuṛango toose lumuware ngoo tanu na makusaṛo anu mulungani na Kristo Yesu.