Barua ya Vakorinto ya kavili 10:18 - MMA SHIYYA

¹⁸ Amu ulya akee ikushomba ye muni wwa udede ndi kita ulya akee iitikiswa ni Nndumi.

Barua ya Vakorinto ya kavili 10:18 ပူးပေါင်းရင်းမြစ်များ

Luka 16:15

Kavaia: Ini mukee vandu nkikuniingaa usumani mu veni mbele ya vandu, kake Iṛuva eeshi mirima yanu. Amu kilya kikee kiitikise kunu vanduń, ifo kisanguń kya Iṛuva nkya usutu.

Barua ya Vakorinto ya mbele 4:5

Kyasia manya mutafukye alli kya mashoṛa eru kitaare Nndumi ansha, amu yye asherambuaa uṛikio loose lurikio̱ vvandu na imanyisa ashemanyisaa na baa makusaṛo a vandu afisio̱ ngooń. Llyo na nndu woose aavio̱o̱ maṛe amwi ni Iṛuva alya asumani na mashoṛa amwi.

Barua ya Varome 2:29

Kake ye mMuyuda wa dede akee Muyuda ifo nrimiń na urini llwa ngooń yamiiliswa mMumuyo liteefo ivavaso. Tikisi ya Muyuda uu yukie kwa vandu ndi kita nkwa Iṛuva muni.

Barua ya Vakorinto ya kavili 10:12

Amu nta timakii ikaṛia ikutaala andu emwi na kinga kya iwo vakee ikwitikisa wo veni ndi ana nta ikuvakanisa nawo ndi. Kake wo veni vakee ikwelelia imanyeń lyawo kwa imanya lyawo na ikuvakanisa imanya lyawo kwa imanya lyawo, nta vawore uṛango ndi.

Yohane 12:43

Amu wo veekundiee iitikiswa vvandu kita iitikiswa ni Iṛuva.

Barua ya Petiro ya mbele 1:7

amu ikusura lyanu lyelelio̱ kwakooya llya dede na ilolio̱ akwaa liwore uuru kita saabu ikashaa, nayo yelelio̱o̱ muroń kwakooya nshinuru. Mukawa kuro mukooyaa nsendo na tikisi na unini, ili Yesu Kristo alolikaa.

Barua ya Vakorinto ya kavili 13:7

Neese tikee itereva Iṛuva mutatane nta kikasha kimwi. Nta tikee itereva, amu ise tilolike sha vandu vesha ndi, kake naamu ini mutane kilya kikee kisha, neese tive sha vandu vakwa.

Barua ya Vakorinto ya kavili 6:4

Kake findoń foose tikee ikworusa sheeli tikee maketi a Iṛuva. Nafo mfa utele wiingi na fa ngyukiva na fa ngatara.

Barua ya Varome 14:18

Amu ulya akee iṛundia Kristo na findo fo akee isenya Iṛuva, lingi airikio̱o̱ vvandu.

Barua ya Timoteo ya kavili 2:15

Kutomarise ikworusa kwa Iṛuva sheeli kukee ndundi wa dede atatanaa findo fa usutu kwiṛundaa na kirero kya dede na useli.

Barua ya Vakorinto ya kavili 5:12

Amu nta tikee ikushomba lingi mbele yanu ndi, kake tikee imuniinga kiteveto kya ikushomba kiimba kyeru, amu mukooye iva nakyo mbele ya valya vakee ikushomba kya mboni ta wooṛo da, ana kitaare nkiimba kya mboni ta mirima.

Barua ya Vakorinto ya kavili 3:1

Naare? Tambooka lingi ikwitikisa ti veni? Ana tilangie sha vengi barua toore tikisi yeru tishe kwanu ana tuuke kwanu?

Barua ya Vakorinto ya mbele 11:19

Amu kyawara ikuraua live-fo kwanu, amu valya vakee va dede kwanu valolike na baa.

Barua ya Varome 16:10

Shiisanień na Apele akee nndu nkristo nsaari. Shiisanień valya va kyeń kwa Aristobulo.

Mitanie ya varumi 2:22

Muṛe womi va Isiraeli, aranyiń firero fi: Yesu uu wa Nasareti ni nndu anderumwa ni Iṛuva ilyo andesha kwanu, kamanyiswa na findo finini na maṛiikiso na myorusie Iṛuva andefitana na uko lwamwi mbele yanu, sheeli mwishi ini mu veni.