Barua ya Vakorinto ya kavili 1:21 - MMA SHIYYA

²¹ Kyasia ulya atiniinga finya andu emwi neeni tilungani na Kristo na itiilisa yye Iṛuva.

Barua ya Vakorinto ya kavili 1:21 ပူးပေါင်းရင်းမြစ်များ

Yohane 3:34

Amu ulya anderumwa ni Iṛuva areraa firero fa Iṛuva. Fulya Iṛuva ataniingaa nndu Mumuyo wa kyelelio ndi.

Mitanie ya varumi 10:38

Yesu wa Nasareti Mumuyo Nsongori na finya. Nae kaṛuaṛua na itania kinuru valya woose veekee iliswa ukiva nSatana na ivakiṛa, fulya Iṛuva eekee andu emwi nae.

Barua ya Varome 16:25

Iṛuva yye awore finya ya imukaarisa ikusureń lyanu ili lisumani na nrumi ya ifura ya ikwanisa Yesu Kristo, sheeli niń nkee iikwanisa, likasumana na irambulwa lya kiṛisi kilya kiikee kifise kuuka kala.

Barua ya Varome 8:9

Kake ini mukikee va mikae ilya ya nndu meni ndi, mwawa va mikae ya kwa Iṛuva, kwakooya Mumuyo wa Iṛuva akee kari kanu. Amu ulya atawore Mumuyo wa Kristo, a wa nndu wamwi ndi.

Barua ya Vakorinto ya mbele 1:8

Nae yye amuniingaa finya kumande ifurumia, amu mukooywa mutawore malomi nkonu ulya Nndumi weru Yesu Kristo ashaa nato.

Barua ya Vakorinto ya kavili 5:5

Amu uu andetisongosia iki ni Iṛuva uu antiniinga Mumuyo ave nrendekye weru.

Barua ya Vakolosai 2:7

Muve vakuveekia si kwamwi na ikusongosia na ikukaarisia ikusureń sheeli mundeloshwa na yengeṛia iniingia yaana.

Barua ya Vatesalonike ya mbele 3:13

Amuumise ngoo tanu titomaa tikaa titawore ilomi, tive na usongori mbele ya Iṛuva Nde yeru kyeeri Nndumi weru Yesu ashaa andu emwi na vasongori vamwi woose.

Barua ya Vatesalonike ya kavili 2:17

ye amuwiiṛie mirima yanu muu na imutomarisa fireroń foose na mitanień misha.

Barua ya Vatesalonike ya kavili 2:8

Io llyo muni urekwa ulya alolikaa. Nae Nndumi Yesu antuulaa na mumuyo wa kana kamwi na inreta kyeeri kyamwi kya isha kikamfika.

Barua ya Vatesalonike ya kavili 3:3

Kake Nndumi wwa usuro, nae amuaviaa finya na imuringa Nkasha ulya.

Barua ya Vaebrania 13:9

Manya mutafulutwa mmiloshie ingi itasumani imusheaa. Amu kilya kikee kisha kya yumisa ngoo ni uwoo lwa Iṛuva, nta mmiliye ya shoonga ndi. Yo yendee valya vakee ikwataria nayo mbusha ndi.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Yohane ya mbele 2:20

Neeni mwamaambwa mafura ni ulya akee nsongori mukamanya foose.

Barua ya Yohane ya mbele 2:27

Neeni yaambwa li mwawaria lyukie kwamwi llyo likaa neeni matika woose. Neeni muuṛi mifundie ingi ndi. Myaambie yamwi ikee imulosha foose, nayo ikee ya dede, wwongo ndi. Kyasia kaań nae, sheeli mundeloshwa.

Urambuyo lwa Yohane 1:6

Katiaṛua mamangi na vakohani kisanguń kya Ndee Iṛuva. Unini llwamwi na finya kumande miṛeṛe na miṛeṛe. Amen.

Urambuyo lwa Yohane 3:18

Nkee ikwia: Uṛa saabu kwakwa shisangye na muro, amu kuve isimba. Uṛa na masaṛa meelwa, amu usutu lwafo lwa ikaa kya ruu lutalolike. Uṛa na nri wa miso wa yaamba miso afo, amu kulolie.