Barua ya Vakorinto ya kavili 1:20 - MMA SHIYYA

²⁰ Amu firekio foose fa Iṛuva fammaa yawukia kari kamwi. Lingi kari kamwi ni Amen ilya, naamu Iṛuva aṅiniswa ni ise.

Barua ya Vakorinto ya kavili 1:20 ပူးပေါင်းရင်းမြစ်များ

Barua ya Vaebrania 13:8

Yesu Kristo wwa mikae imwi nsi kuuka mbele na alli na kumande miṛere.

Barua ya Vagalatia 3:22

Kake mitisiṛie yamfinga foose kwa si ya finya ya mareko, amu iwo woose vakusuraa vaniingwa kirekio kilya kya ikusura Yesu Kristo.

Urambuyo lwa Yohane 7:12

Amen! Tikisi na unini na uṛango na waanu na windi na imakii na finya mfa Iṛuva weru miṛeṛe na miṛeṛe uteefo mmando! Amen.

Barua ya Vaefeso 1:6

Katana kuro, amu uwoo lwamwi lukooye tikisi ilu andetiavia ilyo andeniingia Mwana wamwi nkunde.

Barua ya Varome 11:36

Fulya findo foose fuukie kwamwi fikakaariswa yye fikauya kwamwi. Aṅiniswa miṛeṛe na miṛeṛe! Amen.

Urambuyo lwa Yohane 3:14

Na mwisi ulya wa siṛi ya Laodikia ntisiṛie: A fi firero farerwa ni ito akee irera kirero kya mbooko na kirero kya ifurumia, akee nrambua nsongori na wa udede, akee mumbele wa filya foose fitani fa Iṛuva. Nafo mfo ifi:

Barua ya Vaefeso 2:7

Katana kuro, amu mikonu yo ishaa aoruse ililia lyamwi sheeli likee iingi litavaa yelelia ili atililia nalyo ise tilungani na Kristo Yesu.

Barua ya Varome 6:23

Amu maṛe a mareko ni ufu, kake wavi lwa Iṛuva mmuu wa miṛeṛe wanndwa ni Yesu Kristo Nndumi weru.

Barua ya Vaebrania 11:13

Iva woose vandefwa veekaa na ikusura kitaare vamaawutio̱ firekio filya. Kake vakafilolia fikee kwaasha na ifaaniṛia veerambuaa, sheeli vakee veeni na va ikwiria kunu isa-ngeń.

Barua ya Vaebrania 7:6

Kake ulya kitaare wwa uṛiti lwawo andewaria kyeenga kya ikumi kya findo filya fa Abraamu kanniinga mboṛa ulya akee na kirekio kilya.

Yohane 14:6

Yesu kamwia: Nniń shia yo na dede nniń na muu nniń. Eefo nndu afikaa kwa Nde kitaare ashiwore niń ndi.

Barua ya Vakorinto ya mbele 14:16

Amu kwatereva Iṛuva nrimiń kwimwaanaa kwakooya aiyo akee rembo-wo ateeshi yaana lyo lyafo, amakii are iirikia na inumbua Amen? Fulya ateeshi kilya kukee irera.

Barua ya Yohane ya mbele 5:11

Na mirambuye yyo ii sheeli: Iṛuva antiniinga muu wa miṛeṛe, nato mmuu Mwana wamwi auwore.

Barua ya Petiro ya mbele 1:12

Vakarambuywa sheeli nkiimba kyawo veni ndi, kake nkwa kiimba kyanu vandeatarikia mboni to. Na alli tamoongoywa kwanu vvalya vandemwendee ini nrumi shisha kwa finya ya Mumuyo Nsongori anderumwa auka iṛuvewu. Mboni to na akwaa vvamalaika valangie itilla.

Barua ya Vakolosai 1:27

Amu Iṛuva andekunda ivamanyisa usimba na unini lwa kiṛisi ki kari ka vayavaṛumu. Na usimba llo ilu: Kristo akee kari kanu munnde iverea lya unini lwa miṛeṛe.

Barua ya Vakorinto ya kavili 4:15

Amu ifi foose nkwa kiimba kyanu, amu ililio̱ lyo likameengeṛio̱ nnu kwa iwo vakee veengi liingifise yaana na Iṛuva eetikiswa.

Yohane 3:5

Yesu kamwaṛua: Nkue nakuia kya dede: Kwakooya nndu atairiwaa auka na mura na Mumuyo wa Iṛuva, amakii ifika umangiń lwa Iṛuva ndi.

Yohane 1:17

Amu mavavaso andeniinga mMose, kake uwoo lwa Iṛuva na udede lwamwi fikanndwa ni Yesu Kristo.

Barua ya Vatesalonike ya kavili 1:10

ili ye akaa ashe nkonu ulya, amu eetikiswa kari ka vasongori vamwi na iirikio̱ vvalya woose vamwirikie, — fulya irambua lyeru lyamiirikio̱ ni ini.

Barua ya Vakorinto ya kavili 4:6

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

Luka 2:14

Iṛuva aṅiniswa akee iṛuvewu na isangeń luve unambwe kwa vandu valya vankundaa.

Matayo 6:13

Kutatiotoṛye tiwe nreyoń, kake kutuute fikasha.