Barua ya Vakorinto ya kavili 1:12 - MMA SHIYYA

¹² Amu tikisi yeru ikee irambulwa mmirima yeru yyo ii sheeli: Tindekuwara na weendo kunu isangeń lukee lwa usongovisi na warutu luukie kwa Iṛuva, nta llwa uṛango lwa kivandu ndi, kake wweendo lukee ikuwara na ililia lya Iṛuva lukamanyika kwanu ini kya mmwasi.

Barua ya Vakorinto ya kavili 1:12 ပူးပေါင်းရင်းမြစ်များ

Barua ya Vakorinto ya mbele 2:13

Nafo mfo tikee ifirera ana tikee ifirera kwa firero talloshwa ni uṛango lwa kivandu ndi, kake talloshwa mMumuyo. Na ifo mboniń ta Mumuyo mfo tikee ikooya firero fa Mumuyo.

Barua ya Vakorinto ya kavili 2:17

Amu ise tikee sha iwo veengi vakee ikaba mbusha na kirero kya Iṛuva ndi. Kake tikee irera na weelwa lwa nrima luukie kwa Iṛuva tikee va Kristo kisanguń kya Iṛuva.

Barua ya Vatesalonike ya mbele 2:10

Ini na Iṛuva mukee varambua kasa tindekaa kwanu ini mukusurie na usongori na warutu na usaaṛi.

Barua ya Petiro ya mbele 3:21

Mura to mfwana ya mura ulya ukee imukiṛa neeni alli, ni ubatiso. Nalo lukee imuuta kiṛinda kya wili ndi, kake lukee itereva Iṛuva nrima nnuru uwore uumu kwa finya ya iṛuka lya Yesu Kristo.

Barua ya Vaebrania 13:18

Titerevień! Amu mirima yeru ikee itirambuya filya tiishi sheeli: Tifurie iva na weendo unuru findoń foose.

Barua ya Vakorinto ya kavili 8:8

Nkee irera amu mmuvavase ndi, kake ni utomari lwa valya vengi lukee ishiteveta neelelie udede lwa ikunda lyanu.

Barua ya Vakorinto ya kavili 4:2

Kake tallea findo fa usutu fa ifisafisa ana teendaa na mitambwe ndi ana isandasanda kirero kya Iṛuva na wongo ndi. Kake tireraa kilya kikee kya dede na baa, amu mirima ya vandu itirambue tikee kisanguń kya Iṛuva.

Barua ya Vakorinto ya mbele 15:10

Kake kwa ililia lya Iṛuva nava sheeli nkai, na ililia lyamwi likee kwakwa lindeva lya ruu ndi. Kake nndeengeṛia nnu iṛunda mashoṛa kilanya ya woose, ana nta niń ndi, kake ni ililia lya Iṛuva likee nań.

Mitanie ya varumi 24:16

Nkyo kikangio nakwishivisa vve na nrima utawore ilomi mbele ya Iṛuva na mbele ya vandu mikonu yoose.

Mitanie ya varumi 23:1

Paulo kalla vandu valya va kikwena kanumbua: Muṛe womi vanavama, niń kumande nkonu wa nnu nandundia Iṛuva na nrima mweelwa na usha lwakwa liteefo ilomi.

Barua ya Petiro ya mbele 3:16

Kake mumwaṛue na uwoo na weṛei mwivaa na nrima nnuru, amu valya vakee iruma weendo lwanu usha lwa kwa Kristo vasutwa.

Barua ya Timoteo ya mbele 1:5

Amu ifurumia lya ikwanisa nrumi shisha ni ikunda limilie ngooń sheelwa na makusaṛoń mesha na ikusureń litawore ukavili.

Barua ya Vafilipi 1:10

lya yelelia kilya kikee kinuru, amu muve vasongori na vandu vatawore ilomi kumande nkonu ulya Yesu Kristo ashaa nato

Barua ya Vaefeso 6:14

Kyasia salaleń mukufingie fitati fanu ifo kisiń, nafo mfindo fa dede. Muṛaa na kindo kya iringa mbafu, nakyo ni usumani.

Barua ya Vagalatia 6:4

Kake nndu woose akuelelie na mitanie yamwi muni, llyo akukabaa ye muni atandekaba vengi.

Barua ya Vakorinto ya kavili 11:3

Kake sheeli shoka ilya indelemba Eva na mitambwe yayo, noore weṛei kundo neeni murwaa makusaṛo anu mbaai mutamakii lingi ivandama Kristo ye muni da na ikaa nae.

Barua ya Vakorinto ya kavili 1:17

Kyasia ili nndekusaṛa kuri, naare? Nndekukundia kya beṛebeṛe da? Ana ifo nndekusaṛa, nndekusaṛa kinndu five fa wongo niinumbuaa ee nayo nkimwi na wode?

Barua ya Vakorinto ya mbele 5:8

Kyasia tile kisuku kyeru kiteefo kidooka kilya kikuu ana kiteefo kidooka kya ureti na ukasha. Kake tile kisuku kyeru kiwore findo fitadookie, yyo mirima myeelwa na udede.

Barua ya Vakorinto ya mbele 4:4

Niń niimakii inumbua da: Niishi nta kindo nankasheesa ndi, kake irera li llyo likee ishiniinga usongori kwa Iṛuva ndi. Eefo umwi tubu ashiuṛaa mashoṛa akwa na ishitaa. Nae ni Nndumi muni.

Barua ya Varome 9:1

Nkee irera kya dede nkee na Kristo, nkee irera wongo ndi, na nrima wakwa ukuwore na Mumuyo Nsongori ukee ishirambua

Barua ya Yakobo 4:6

Kake uwoo lo atiaviaa ni unini lwilanyi. Kwa ikyo mitisiṛie irerie: ”Iṛuva aleaa valya vakuṅinisaa, kake valya vakunyiisaa avaaviaa uwoo“.

Barua ya Tito 2:7

Kari ka findo foose kuvairie mbele iwe ku muni kwivaorusaa mitanie minuru, na ilosha kuvaloshe miloshie yafo na usaaṛi loose ateefo malomi.

Barua ya Vakorinto ya mbele 1:17

Amu Kristo ashiruma amu mbatise ndi, kake naamu nkwanise mboni ya ifura ya ikiṛwa. Nakyo kitave na firero fa imanya lya uṛango, amu nsalaba wa Kristo utabiṛwa.

Barua ya Vakorinto ya mbele 12:8

Fulya nndu umwi akee iniingwa kirero kya uṛango mMumuyo, na ungi kirero kya waṛia, kake Mumuyo ni ulya muni da.