Barua ya Timoteo ya mbele 6:17 - MMA SHIYYA

¹⁷ Valya vawore masaa meengi kunu isangeń vaikimbe, kaaṛa vatakwishike ana manya vatakusurani na usimba, amu lutaṛakanaa ree. Kake kyawara vaveree Iṛuva uu atiaviaa foose na ififumbuta tikawuura kisha.

Barua ya Timoteo ya mbele 6:17 ပူးပေါင်းရင်းမြစ်များ

Mitanie ya varumi 14:17

Kake andeiwukana neeni ndi, fulya atana na finuru eemuniingaa fua yuka iṛuvewu na feeri fa iilula eemuwuurusaa mirima yanu shoonga na ifura.

Barua ya Timoteo ya mbele 4:10

Kiimba kya iki tikee yatarikia kirero iki na tikarumwa, fulya tikusurie Iṛuva muni muu akee nkiṛa wa vandu woose na kilanya wa iwo vamwirikie.

Matayo 19:23

Na Yesu kaia vaseṛo vamwi: Namuia kya dede: Nkyuumu nndu isimba afike umangiń lwa iṛuvewu.

Barua ya Tito 2:12

Nalyo likee itifunda tilakane na mikae yoose mikasha isule Iṛuva ya kunu isangeń. Na ikaa tikaa na useli na usumani na usha kyeeri tikikee kunu isangeń ili. Na iva tive vandu vavereaa Yesu Kristo na ikusura,

Barua ya Vakolosai 3:16

Kirero kya Kristo kiwore uṛango loose kiishue kari kanu bele! Mukuloshe na ikufunda mu veni na mu veni na fiimbo mukee iniingwa mMumuyo Nsongori, mwimbie Iṛuva ngooń tanu mwimwaanaa.

Luka 19:2

Neefo eeifoo nndu irina lyamwi nSakayo. Na nndu to eekee nnini wa vasaṅiṛia kyaalo, eekee na isimba.

Barua ya Varome 11:20

Nkisha, wo andeminywa kiimba kya ilea ikusura lyawo, nawe kuselele-wo kwa finya ya ikusura lyafo. Manya kutakwishike, kake kulle ku muni!

Barua ya Timoteo ya kavili 4:10

Amu Dema anshirea ankunda isanga li lya alli kaenda Tesalonike. Kiresike ameenda Galatia. Tito ameenda Dalimatia.

Barua ya Timoteo ya mbele 6:13

Nakuvavasa kisanguń kya Iṛuva aniingaa findo foose muu na kisanguń kya Kristo Yesu anderambua irambua inuru mbele ya Pontio Pilato,

Barua ya Timoteo ya mbele 1:3

Lia niimboo kyaaṛo kya yenda Makedonia nakuvavasia kukaa ifo Efeso, amu kwime vandu valive veeloshaa miloshie ya mikae ingi,

Barua ya Vatesalonike ya mbele 1:9

Fulya vandu vakee irambua wo veni mboni teru kasa mundetiwaria ili tindesha kwanu, na sheeli mundeaṛukia Iṛuva mukatia-wo fifu, amu muṛundie Iṛuva muni muu akee wa udede

Barua ya Vaefeso 5:5

Amu iki mumanyaa, sheeli nndu mwaaisi ana nndu awore ukwe ana nndu nnyuku akee sha nndu akee iṛundia iṛuva lya wongo arwaa diṅu ifo umangiń lwa Iṛuva na lwa Kristo ndi.

Mitanie ya varumi 17:25

Ana nta aṛundio̱o̱ kwa maako a vandu ndi ana nta kindo kintinye, amu yye aniingie woose muu na mumuyo na findo foose.

Mitanie ya varumi 14:27

Vammaa ifika-fo vakasandia siṛi yoose vakavaongoya filya foose Iṛuva andetana andu emwi nawo na sheeli anruya vayavaṛumu mwaango wa ikusura.

Mariko 10:24

Na vanalosho vamwi vakaṛiika kiimba kya firero fo famwi. Yesu kaaṛua lingi kavaia: Muṛe vana, lleń kasa kikee kyumu valya vakusurie masaa yaka umangiń lwa Iṛuva.

Matayo 27:57

Neeli kundeila kafika nndu umwi isimba wa kulya Arimatia, irina lyamwi ni Yosefu. Nae muni eekee mwanalosho wa Yesu.

Matayo 6:32

Amu valya vateeshi Iṛuva wwo valangye findo fa mikae yo. Amu Nde yanu wa iṛuvewu yye eeshi sheeli muuṛi ifi foose.

Barua ya Tito 3:6

katiwiiṛia na Mumuyo wamwi Nsongori. Katiavia Mumuyo uu lia aruma Yesu Kristo nkiṛa weru,

Barua ya Timoteo ya mbele 5:21

Nakuvavasa mbele ya Iṛuva na mbele ya Kristo Yesu na mbele ya vamalaika vasaue ringa ifo kitaare kwasuuya nndu ana kutatane kindo kwikundiaa nndu.

Barua ya Timoteo ya mbele 3:15

Kake nansinda, kumanye weendo kasa kyawara vandu veende ifo numba ya Iṛuva, nayo ikee siṛi ya Iṛuva muni muu, ikee ngo na mfulo wa udede.

Matayo 12:32

Nndu woose, areraa kirero kya iila Mwana wa nndu, ito alilyoo. Kake nndu, areraa kirero kya iila Mumuyo Nsongori, akooyaa ililyo nta isangeń ili lya alli ana nta isangeń lishaa numa ndi.

Luka 3:11

Nae kavaaṛua kavaia: Ulya awore miseto ivili aavie ulya atawore. Na ulya akooyaa awore shoonga atane kuro da.

Barua ya Timoteo ya mbele 6:9

Kake valya vafurie ifumbisa masaa awo vawaa nreyoń ana mfwaanriń na ilangeń iingi litawore misendie lya ikasheesa vandu na ivakunia uretiń.

Barua ya Petiro ya kavili 1:11

Amu kuro muniingwaa mboṛa ya miniingie ya yaka umangiń lwa miṛeṛe lwa Nndumi weru na nkiṛa weru Yesu Kristo.

Matayo 25:16

Ameenda, lia eni ulya andewaria feenga firaanu kawara shia kandekaba nafo mbusha. Kakooya mbusha ya feenga fingi firaanu.