Barua ya Timoteo ya mbele 6:12 - MMA SHIYYA

¹² Kabana ngabanu shisha ya ikusura lyafo! Wara muu utasiaa uve uvingo lwafo nto kwawaangio̱, amu kwarambua irambua inuru mbele ya varambua veengi.

Barua ya Timoteo ya mbele 6:12 ပူးပေါင်းရင်းမြစ်များ

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Timoteo ya mbele 1:18

Mwanakwa Timoteo, nankurambikia ivavaso lyo kufifise fisumani na firero fa vaauya findesendwa mbele yafo, amu kukabane ngabanu shinuru kwa finya yayo,

Barua ya Timoteo ya kavili 4:7

Nammaa ikabana fira shinuru, nammaa imarisia weendo lwakwa, nanringa ikusura.

Urambuyo lwa Yohane 3:3

Kyasia kumbua sheeli kundewaria nrumi ilya shisha na iita. Iwara tabu na iilashika! Kake kwara kutalala rembo nshaa kwafo sha inini, nawe nta kumanyaa saa nshaa nayo kwafo ndi.

Barua ya Timoteo ya mbele 6:13

Nakuvavasa kisanguń kya Iṛuva aniingaa findo foose muu na kisanguń kya Kristo Yesu anderambua irambua inuru mbele ya Pontio Pilato,

Barua ya Yohane ya mbele 2:25

Na iki nkyo kirekio kilya Yesu muni andetirekia, nato mmuu wa miṛeṛe.

Barua ya Vaebrania 6:18

Kakunda ifo fili fivili fiteelashike kutu, amu kivaa Iṛuva arere wongo ndi, naamu fitiniinge iwoliswa lyoore finya ise tinderishia iwara iverea lyeru teemfisio̱o̱.

Barua ya Timoteo ya kavili 1:9

Yye uu andetikiṛa kativaangia fuva shisongori kitaare nkwa mitanie yeru ise, kake nkwa kiṛengo kya wafio lwamwi muni na uwoo lwamwi. Uwoo lo tindeniingwa nKristo Yesu kuuka mbooko.

Barua ya Vakolosai 3:15

Na unambwe lwa Kristo lushilie ngoo tanu, fulya unambwe ilu llo mwavaangio, amu mukee wili umwi. Muve na vandu vaana Iṛuva!

Barua ya Timoteo ya mbele 6:19

Kuro llyo ikufisia diṅu ivavie kirembo kinuru kyeeri kilya kishaa, amu vakooye muu ukee muu wa dede.

Barua ya Vaebrania 3:14

Amu tavva va kyama kimwi na Kristo, kwakooya tikuwaraa na ikusura kumande ifurumia lia lindebooka kweru.

Barua ya Vatesalonike ya mbele 2:12

amu mwende sheeli kyawara kwa Iṛuva andemuvaangia umangi lwamwi na unini lwamwi.

Barua ya Petiro ya mbele 3:9

Mutataa kikasha na kikasha ana kirumu na kirumu, kake niingeń valya vamutuṛua mboṛa, fulya iva wwo mashoṛa anu mwa-vaangio̱, amu murwaa diṅu ya mboṛa ya Iṛuva.

Barua ya Vatesalonike ya kavili 2:14

Nkyo andemuvaangia ini na nrumi shisha yeru, amu mukooye unini lwa Nndumi weru Yesu Kristo.

Barua ya Vakorinto ya kavili 9:13

Fulya mukee yelelio̱ uṛundiń ilo, nawo veetikisaa Iṛuva kiimba kya windi lwanu lwa irambua nrumi shisha ya Kristo na kiimba kya miniingie yanu ya ivalilia mundeelekiana nawo na vandu woose.

Barua ya Vaebrania 13:23

Manyiń sheeli mwanamae weru Timoteo ammaa iboṛomulwa. Kansha ree tikwaniaa neeni andu emwi nae.

Barua ya Vakorinto ya kavili 6:7

Na fa firero fa dede na fa finya ya Iṛuva andu emwi na fiya fa usumani fa ikabana na ikuringa uko usha na uko umuso.

Barua ya Vafilipi 1:30

Ngabanu ii mundelolia kwakwa na iita, sheeli nkee nayo kumande alli.

Barua ya Timoteo ya mbele 1:19

kwiwaraa ikusura na nrima mweelwa. Veefo kiindi vandefikumba kwaasha vakareta ikusura lyawo.

Barua ya Timoteo ya mbele 4:14

Kutave kutaṛunda na wavi lua lwa Iṛuva kukee nalo. Kundeluniingwa kwa wauya usongori lia kwekeṛio̱ maako wasuṛi va siṛi.

Barua ya Timoteo ya kavili 2:2

Na findo filya kundefiitia kwakwa mbele ya varambua veengi ifo kurambikie vandu vawore usuro iwo veeshi ilosha vengi.

Barua ya Yuda 1:3

Vakunde, ili niikee itania utomari nnu imutisiṛia mboni ta ikia lyeru ise ti woose, nalolia sheeli kyanshiwara imutisiṛia niimwikimbaa, amu muvinganie ikusura lyo linderambikio̱ vasongori limwi nsi.