Barua ya Timoteo ya mbele 6:10 - MMA SHIYYA

¹⁰ Amu kilya kyantaa ukasha loose ni ilafuka na fesa. Veefo vandelilatia vakareta ikusura Iṛuva vakakuniinga mavaviso meengi wo veni.

Barua ya Timoteo ya mbele 6:10 ပူးပေါင်းရင်းမြစ်များ

Barua ya Timoteo ya mbele 6:9

Kake valya vafurie ifumbisa masaa awo vawaa nreyoń ana mfwaanriń na ilangeń iingi litawore misendie lya ikasheesa vandu na ivakunia uretiń.

Barua ya Tito 1:11

Wwo vandu vakee ifuluta vandu va numba yoose veeloshaa filya kitaare favawara kiimba kya mbusha ya usutu.

Barua ya Yuda 1:11

Ushi wo, fulya vandeenda shień ya Kain veesoṛaa urekwa lwa Bileamu kiimba kya maṛe a ulembi, nawo vakarekia uretiń sha Kora.

Barua ya Timoteo ya kavili 4:10

Amu Dema anshirea ankunda isanga li lya alli kaenda Tesalonike. Kiresike ameenda Galatia. Tito ameenda Dalimatia.

Barua ya Timoteo ya mbele 3:3

Manya atave nndu aṛemie na wari ana nndu wa nkuru. Kake ave nndu wwoo atawore myaandu ana unyuku.

Matayo 23:13

Ushi ini vaaṛia va mitisine na Vafarisayo, mukee vamakavili! Ini murayaa vandu umangi lwa iṛuvewu. Fulya ini mu veni nta mwakaa-fo ndi ana iwo vafurie yaka nta mutakee ivaotoṛya vaake.

Barua ya Yakobo 5:19

Vanavama, kwakooya nndu wa kwanu arekio̱ kilya kikee kya dede na nndu ungi kawwiiṛa,

Barua ya Timoteo ya mbele 6:21

Veefo vakee ilatia ifi vakakumba ikusura lya dede. Uwoo lukaa nawe!

Urambuyo lwa Yohane 18:13

Na makanda a nri wa iṛovili na karafuu na mafura a kisaamu na ubani na mfinyo na mafura a misenifu na uro shinuru na ngano na numbe na maanri na farasi na magari na masinga na mirima ya vandu.

Matayo 6:19

Manya mutave vakusańiṛya masaa kunu isangeń. Amu aliwaa nkurukuru na nguraa na manini aremaa numba na iiva.

Matayo 13:22

Na ito andeeṛwa miingeń ito yye ulya aaranyaa kirero kawarwa ni utaṛawu lwa isanga li na ilembwa mmasaa, nafo fikafwa kirero kyo nta ivika kilimu.

Mariko 4:19

Na yatarika lya isanga li na ulembi lwa masaa na ilanga lya findo fiingi fikavashea fikafiṛa kirero kilya kitavike nunda.

Barua ya Vakolosai 3:5

Kyasia waań milangie ilya ya mivili yanu ikee ya kiisanga sha waaisi na ukwe na ilanga ikasha na makusaṛo a ruu andu emwi na unyuku lukee windi lwa maṛuva a wongo.

Barua ya Timoteo ya kavili 3:2

Amu vandu vakukundaa wo veni vakava vakunda mbesa vakava vakuṅinisi na vakufumbisi na varuma na vateendia vasuṛi vawo vatawore waanu, vataaṛie Iṛuva sonu.