Barua ya Timoteo ya mbele 1:15 - MMA SHIYYA

¹⁵ Na kirero ki nkya dede, nakyo kisumani iwarwa wandu woose: Kristo Yesu ashe isangeń, amu akiṛe varekwa. Nań kari kawo nkee wa mbele.

Barua ya Timoteo ya mbele 1:15 ပူးပေါင်းရင်းမြစ်များ

Mariko 2:17

Na Yesu kaita kavaia: Valya vatalole vaṛuyaa mwaanga ndi kita valya valole. Nansha ivaanga iwo vasumani ndi kita iwo varekwa.

Luka 19:10

Fulya Mwana wa nndu ansha iṛuva kilya kikee kireti na ikikiṛa.

Yohane 12:47

Na kwakooya nndu aitaa firero fakwa kara atafiwara, nniń mmwumisiaa ndi. Amu niń nansha nuumisie isanga ndi, nansha ikiṛa isanga.

Yohane 1:12

Kake valya woose vandewwaria kavaniinga imakii lya iva vana va Iṛuva, wwo valya vakusurani na irina lyamwi

Luka 5:32

Nansha ivaanga vasumani ndi, kake warekwa, amu vailashike nrimiń.

Barua ya Yohane ya mbele 3:5

Mwishi sheeli Yesu anshe yuta vandu ngyukasheń, nae awore ngyukasha kari kamwi ndi.

Barua ya Timoteo ya mbele 1:13

Nań lya mbele niikee muruma na mwumbuta na mutuṛua valya vakee vamwi. Kake nalilio̱, fulya natana ifo kwa utondo, amu neenkusuraa Nndumi ndi.

Matayo 20:28

Sheeli na Mwana wa nndu atashe, amu aṛundyo, kake ashe aṛundye vengi na iniingya muu wamwi, amu uve kirasyo kya veengi.

Barua ya Vakorinto ya mbele 15:9

Amu niń nkee munnya wa varumi ntasumani ivaangwa nrumi, fulya niń natuṛua siṛi ya Iṛuva.

Yohane 1:29

Neeli lya ndesi kalolia Yesu eeshaa na kwamwi kanumbua: A li yaanri lya Iṛuva likurikaa mareko a isanga!

Matayo 9:13

Endeń mundekulosha imanya kirero kilya: ”Kilya kishisenye niń ni ililya vandu, nta ni iraswa ndi“. Fulya niń nansha ivaanga valya vakee vasumani ndi kita valya vakee varekwa.

Matayo 1:21

Nae airaa mwana wa womi, na irina lyamwi kuvvaangaa Yesu. Amu yye akiṛaa vandu vamwi mareko awo.

Barua ya Vaebrania 7:25

Nae kiimba kya ikyo amakii ivakiṛa deń valya vasheaa Iṛuva veesalalio̱o̱ yye, fulya akee na muu kyeeri kilungani, amu avaterevie-wo.

Barua ya Timoteo ya mbele 4:9

Kirero ki nkya dede, nakyo kyawara kiirikio̱ wandu woose.

Barua ya Varome 5:6

Amu lia ise tikee vatanyari va mirima Ilyo Yesu ashe kashetifiya ise vandu tibiṛie Iṛuva.

Barua ya Yohane ya mbele 3:8

Ulya atanaa mareko wwa Satana, fulya Satana atanaa mareko kuuka mbooko. Nkyo kiimba Mwana wa Iṛuva kalolika, amu afukye mashoṛa a Satana.

Barua ya Timoteo ya mbele 3:1

Kirero ki nkya dede: Kwakooya nndu akunda mashoṛa a illa siṛi, alanga mashoṛa manuru.

Barua ya Vaefeso 3:8

Niń nkee munnya wa vasangori woose nndeniingwa ililia li lya ikwanisia vayavaṛumu usimba lwa Kristo lutawore mmando

Urambuyo lwa Yohane 22:6

Numa kashiia: Firero fi mfa iirikia na fa dede. Nae Nndumi Iṛuva wa mirima ya vaauya anruma malaika wamwi aoruse maketi amwi filya fitanikaa ree nkonu ukee kufui.

Urambuyo lwa Yohane 5:9

Nawo veekee iimba kiimbo kiiya veenumbuaa: Kusumani iwe iwaria kitabu ki na ifukya firingisio fayo, fulya kwansikywa kwauṛia Iṛuva vandu va ngyuṛiti toose na usao lwafo ńa ngyufwari na makanika.

Barua ya Tito 3:8

Nkirero kya ikusurwa. Na mboni to mfurie kurere na finya, amu valya vakusurie Iṛuva vakumbue uṛundi lwa iṛundia mitanie minuru. Ifi mfinuru fikaendee vandu mbusha.

Barua ya Timoteo ya kavili 2:11

Kirero kya ikusurwa nkyo iki: Kwakooya tafwa andu emwi nae, tikaa na muu andu emwi nae da.

Mitanie ya varumi 3:26

Ili Iṛuva andemaa iṛuta Mwanamwi Yesu, kanruma kwanu lya mbele, amu amuniinge mboṛa na nndu woose wanu autie-wo iiwukana na fikasha famwi.

Yohane 3:36

Ulya akusuraa Mwana ito avaa na muu utakisiaa. Na ulya atairikiaa Mwana akooyaa muu kutu ndi, kake uvave lwa Iṛuva lulunganaa nae.

Urambuyo lwa Yohane 21:5

Na ulya akee rembo kifumbiń kilya kya kimangi kanumbua: Lla te nkee yaṛua foose five fiiya. Kanumbua: Tisiṛa! Amu firero fo mfa dede na fa ikusurwa.

Barua ya Yohane ya mbele 5:11

Na mirambuye yyo ii sheeli: Iṛuva antiniinga muu wa miṛeṛe, nato mmuu Mwana wamwi auwore.

Barua ya Timoteo ya mbele 1:19

kwiwaraa ikusura na nrima mweelwa. Veefo kiindi vandefikumba kwaasha vakareta ikusura lyawo.

Matayo 18:10

Lleń nnu kaaṛa mutaile nta umwi wa iva vakee vannya! Nań namuia: Vamalaika vawo ifo iṛuvewu vakee illa kisangu kya Nde yakwa wa iṛuvewu mikonu yoose.

Mitanie ya varumi 11:18

Ili vandeita firero fo vakasia do vakaṅinisa Iṛuva veenumbuaa: Kyasia Iṛuva allilia na vayavaṛumu vakooye ikurra nawo vakooye muu.

Mitanie ya varumi 11:1

Kyasia varumi na vaaroe vawo vakee kulya Yudaya vakaita sheeli na vayavaṛumu vawwaria kirero kya Iṛuva.

Luka 15:2

Na Vafarisayo na vaaria va mitisine vakaṅṅuṅuria vakanumbua: Uu awariaa vandu varekwa na ilya nawo shoonga.

Barua ya Varome 11:14

niikutomarisaa wakangie vaire iriso iwo vakee va uṛiti lumwi nań na ikiṛa kiindi kyawo.

Barua ya Timoteo ya mbele 6:13

Nakuvavasa kisanguń kya Iṛuva aniingaa findo foose muu na kisanguń kya Kristo Yesu anderambua irambua inuru mbele ya Pontio Pilato,

Matayo 18:11

Amu Mwana wa nndu andesha ishekiṛa kilya kirekye.