Barua ya Vatesalonike ya mbele 5:23 - MMA SHIYYA

²³ Na Iṛuva muni unambwe ye muni amwilise deń, na mumuyo wanu usumaniswa andu emwi na nrima na wili na iringwa liteefo ilomi, kumande Nndumi weru Yesu Kristo ashaa.

Barua ya Vatesalonike ya mbele 5:23 ပူးပေါင်းရင်းမြစ်များ

Barua ya Yuda 1:24

Kake ito awore imakii lya imuringa mutakubaaye na imusumanisa musalale mbele ya unini lwamwi na inkabia mindoṛo ateefo malomi:

Barua ya Vaebrania 4:12

Amu kirero kya Iṛuva kiwore muu, lingi kiwore finya, lingi kiwore uvave kita shombo shooi kuvili. Lingi kitotaa na yaava nrima na ngoo na meeṛo na miingo ikee kari kayo. Lingi nkyaangu na yelelia makusaṛo na mifurie ya nrima.

Barua ya Vatesalonike ya mbele 3:13

Amuumise ngoo tanu titomaa tikaa titawore ilomi, tive na usongori mbele ya Iṛuva Nde yeru kyeeri Nndumi weru Yesu ashaa andu emwi na vasongori vamwi woose.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Vafilipi 1:10

lya yelelia kilya kikee kinuru, amu muve vasongori na vandu vatawore ilomi kumande nkonu ulya Yesu Kristo ashaa nato

Barua ya Petiro ya mbele 1:2

Fulya mwandengio̱ ni Iṛuva Nde mwiliswa mMumuyo Nsongori, amu mukooye ikusura Yesu Kristo na ifwalio̱ usao lwamwi. Uwoo na unambwe feengeṛio̱ kwanu!

Barua ya Vafilipi 1:6

Nań nkusurie sheeli Iṛuva andebooka ma-shoṛa manuru ngooń tanu aamarisiaa kumande nkonu ulya Yesu Kristo ashaa lingi.

Barua ya Petiro ya kavili 3:14

Kwa ikyo, vakunde, ili mukee iverea ifi, kuumiseń amu mukooywa unambweń mutaare ilomi ana usutu mbele yamwi.

Barua ya Vaebrania 2:11

Amu uu mwilisa na iwo veeliswa vawore Nde ii woose. Kiimba kya iki awore sonu ya ivavaanga vanavamae ndi

Barua ya Vakolosai 1:22

alli amuwiiṛa kwa Iṛuva eeniingiaa wili wamwi ufuń, amu amuseṛeese kisanguń kyamwi mukee vasongori vataare malomi ana ukavili,

Barua ya Vakorinto ya mbele 14:33

Amu Iṛuva ni Iṛuva wa mafulufulu ndi, kake wwa unambwe.

Barua ya Varome 15:13

Nae Iṛuva uu muweree amwishuṛie ifura ini mu woose na unambwe fuukie ikusureń, na iverea lyanu lyengeṛio̱ finya mMumuyo Nsongori.

Luka 1:46

Maria kanumbua: Nrima wakwa waṅinisa Nndumi,

Barua ya Vaebrania 13:20

Iṛuva muni unambwe andeṛuta Nndumi weru Yesu akee mwisi nnini wa maanri ifo kwa vafu kwa usao lwa mma ya miṛeṛe,

Barua ya Varome 15:5

Na Iṛuva muniinga vandu isisiria na muwolisa mirima ya vandu amuniinge mikae imwi nsi ya ikusaṛa mikae imwi mu veni na mu veni, sheeli kyawara valya vakee va Kristo Yesu,

Barua ya Vatesalonike ya kavili 3:16

Alli Nndumi muni wa unambwe amuniinge unambwe kyeeri kyoose shień toose! Nndumi akaa neeni mu woose!

Barua ya Vafilipi 4:9

Ifo nafo mundefundio̱ na ifikulosha mukafiwaria mukafiita mukafilolia kwakwa niń, alli fitaniń! Na Iṛuva muni unambwe avaa neeni.

Barua ya Vakorinto ya kavili 5:19

Fulya Iṛuva eekee na Kristo kaitanisa va isangeń nae ye muni, nta ivataalia mareko awo. Nae karwaa kirero kya witanu kari keru.

Mitanie ya varumi 26:18

Kuvarue miso awo varie llema vashe langeń, vauke ushiliń lwa Satana vaaṛukie Iṛuva. Kuro vakooye itio̱ lya mareko awo na diṅu kari ka iwo vamiiliswa veeshikusuraa niń.

Yohane 17:19

Na kiimba kyawo nakwilisa, naamu nawo vailiswa.

Barua ya Yuda 1:1

Niń Yuda nkee iketi lya Yesu Kristo na mwanamae wa Yakobo. Neesana vavaange valya vakee vakunde ni Iṛuva Nde na iringio Yesu Kristo.

Barua ya Vatesalonike ya mbele 4:3

Na mifurie ya Iṛuva yyo ii: Kusongoviseń ngoo mwiwukane na waaisi.

Barua ya Vakorinto ya mbele 1:2

Ise na Sositene mwanamae weru teesana siṛi ya Iṛuva ikee ifo Korinto tiisanaa valya vamiiliswa ni Kristo Yesu iwo vandevaangwa vave vasongori andu emwi na woose vakee yarafuma irina lya Nndumi weru Yesu Kristo andu woose kwawo na kweru.

Barua ya Varome 16:20

Nae Iṛuva muni unambwe avariavariaa Satana kwa si ya marende anu ree. Uwoo lwa Nndumi weru Yesu Kristo lukaa neeni! Amen.

Barua ya Varome 15:33

Iṛuva muni unambwe ave andu emwi neeni mu woose. Amen.

Mitanie ya varumi 20:32

Kyasia alli namurambikiań Iṛuva mukukaarise na kirero kyo kya ililia lyamwi. Ye amakii imusongovisa na imuniinga diṅu andu emwi na valya woose vamiiliswa.

Barua ya Vatesalonike ya mbele 2:19

Amu ni i akee iverea lyeru ana ifura lyeru ana nduma weru? A le ni ini se mbele ya Nndumi weru Yesu kyeeri ashaa?

Barua ya Vakorinto ya mbele 1:30

Kwamwi ye mfo mundeuka ini mukee va Kristo Yesu. Uu yye antitanio̱ ni Iṛuva ave mutiṛangusa na mutisumanisa na mutisongovisa na mutikiṛa.

Barua ya Vatesalonike ya mbele 3:11

Kyasia Iṛuva muni akee Nde yeru na Nndumi weru Yesu atiniinge shia yeru ya imufikia.

Barua ya Vatesalonike ya mbele 5:22

Iwukaniń na filya foose fikee fikasha.

Barua ya Yakobo 1:4

Kake ikuumisa kyawara limarisie mashoṛa ayo, amu mwawutie ishia na isumanika mutarewa numa kya ifi na ifi.