Barua ya Vatesalonike ya mbele 5:12 - MMA SHIYYA

¹² Tamutereva, muṛe vanavama, indień valya vakee imuṛundia mashoṛa a siṛi na imushilia vakuwore na Nndumi na imufunda na imwikimba.

Barua ya Vatesalonike ya mbele 5:12 ပူးပေါင်းရင်းမြစ်များ

Barua ya Vaebrania 13:17

Irikień iwo vamwirie mbele na ivakunyiisia, fulya iwo valalaa rembo veekusaṛiaa mirima yanu, amu wwo vakaa vauṛwa kiimba kyayo. Kutomariseń itana kuro, amu vatane mashoṛa awo na ifura kitaare vakee idia, amu iki kimwelekaa ndi.

Barua ya Vaebrania 13:7

Kumbueń veesi vanu valya vandemuia kirero kya Iṛuva. Mulle nnu ifurumia lya weendo lwawo musoṛe ikusura lyawo.

Barua ya Vakorinto ya mbele 16:18

Amu wo vandeshiimurusa nrima wakwa na mirima yanu neeni. Kyasia vandu sha iwo vamanyiń ninnsha.

Barua ya Vakorinto ya mbele 16:16

Kyasia indień vandu sha iwo na akwaa vvalya vakee iṛunda mashoṛa andu emwi nawo na ikwatara.

Barua ya Vakorinto ya mbele 15:10

Kake kwa ililia lya Iṛuva nava sheeli nkai, na ililia lyamwi likee kwakwa lindeva lya ruu ndi. Kake nndeengeṛia nnu iṛunda mashoṛa kilanya ya woose, ana nta niń ndi, kake ni ililia lya Iṛuva likee nań.

Barua ya Tito 1:3

Kamanyisa kirero kyamwi kyeeri kya alli na mikwanisie linderambikio̱ niń kwa ivavaso lya Iṛuva nkiṛa weru.

Barua ya Vatesalonike ya mbele 5:14

Tamutereva, vanavama, ikimbeń valya vatakee na useli, kaariseń valya vakee na nrima ntanyari, niingeń valemwa finya, veń na ulalamboo kwa vandu woose.

Barua ya Vakorinto ya mbele 12:28

Veefo Iṛuva avarwaa ifo siṛiń: Va mbele warumi, va kavili waauya, va kararu vvalosha, lingi watana fa maṛiikiso, lingi waavie finya ta ikiṛa valole, lingi weeleki, lingi wairia mbele, lingi mmakanika a mirerie.

Barua ya Vakorinto ya mbele 3:9

Amu ise tiṛundaa mashoṛa andu emwi na Iṛuva, ini mukee nrema ya Iṛuva, lingi mukee numba ya Iṛuva.

Mitanie ya varumi 20:35

Niń nndemworusa foose sheeli kyatiwara ikwataria mashoṛa kuro da, amu timakii yelekia vatanyari tiikumbuaa firero filya fa Nndumi Yesu andefirera ye muni: Llyo ṅwana iniinga kita iwaria,

Mitanie ya varumi 20:28

Kuringeńń mu veni na shoo yoose, amu Mumuyo Nsongori amurambikia mwisalalie, mumakii itumbana siṛi ya Iṛuva andeiuṛa na usao lwamwi weni.

Luka 10:7

Kyasia kaań numba yo mwilyaa na inwa ifo vamuniinga. Amu muṛunda asumani iniingwa maṛe amwi. Manya mutasamisami mwikaa numba ii na ii.

Urambuyo lwa Yohane 1:20

Kya kiṛisi kya nyinyiri tilya mfungare kwatilolia ukoń lwakwa usha na kya taa tilya mfungare ta saabu manya: Nyinyiri tilya mfungare vveesi va siṛi tilya mfungare, na taa tilya mfungare nsiṛi tilya mfungare to sheni.

Barua ya Tito 1:5

Kiteveto nakurea kulya Kireta, naamu kumarise isongosia filya fiseere fa isongosia, kurwaa-fo vasuṛi va siṛi miṛiń yoose sha lia nndekuvavasia.

Barua ya Timoteo ya kavili 2:6

Kyawara nremi ulya akee iṛunda na nrike ave wa mbele ilya shoonga ya nrema.

Barua ya Vakolosai 1:29

Nań nkee ikwatara kwa ikyo na ikabana kwa finya ya ito akee nań na imakii lyamwi.

Barua ya Vafilipi 2:16

Wareń kirero kilya kinnde muu, nań nkooye tikisi yakwa ishivie nkonu ulya wa Kristo, fulya ntanderisha kya ruu ana ikwatara kya ruu.

Barua ya Vagalatia 4:11

Neeṛee kitave eeba nankwareesa kya ruu kiimba kyanu.

Barua ya Vakorinto ya kavili 11:23

Wo waṛundia Kristo? — narera kya uketo — nniń kya mmwasi. Kari ka ngatara wakilie deń. Fifingioń wakilie deń. Fa ikabwa wakilie nnu kutu. Fitaniń fa ifwa nkeengi.

Barua ya Vakorinto ya kavili 6:1

Kake ili ise tikee uṛundiń ilu lwa iṛundia Iṛuva, tikee imufunda: Manya mutawarie ililia lya Iṛuva kya ruu.

Barua ya Vakorinto ya kavili 5:9

Kwa ikyo tikee ikutomarisa tinsenye ye, ifo tikooya tikee na fa mivili ana ifo tikooya tallakana nafo.

Urambuyo lwa Yohane 3:14

Na mwisi ulya wa siṛi ya Laodikia ntisiṛie: A fi firero farerwa ni ito akee irera kirero kya mbooko na kirero kya ifurumia, akee nrambua nsongori na wa udede, akee mumbele wa filya foose fitani fa Iṛuva. Nafo mfo ifi:

Urambuyo lwa Yohane 3:7

Na mwisi ulya wa siṛi ikee Filadelifia ntisiṛie: A fi firero mfo akee irera ito akee nsongori muni wa udede awore ufunguo lwa Davidi. Ito aruaa ateefo arayaa. Nae arayaa ana nta eefo amaa ndi. Na firero famwi mfo ifi: Niishi mitanie yafo.

Urambuyo lwa Yohane 3:1

Na mwisi ulya wa siṛi yo ikee Saride ntisiṛie: A fi firero farerwa ni ito awore mimuyo ilya mfungare ya Iṛuva na nyinyiri tilya mfungare. Nafo mfo ifi: Niishi mitanie yafo. Kwasendwa sheeli kukee na muu, nawe kukee mfu.

Urambuyo lwa Yohane 2:18

Na mwisi ulya wa siṛi ikee Tiatira ntisiṛie: A fi firero Mwana wa Iṛuva afirera awore miso akee sha kibalabala kya muro na marende amwi avakani na minya ya arera ikee shisokue nnu. Nafo mfo ifi:

Urambuyo lwa Yohane 2:12

Na mwisi ulya wa siṛi ikee Perigamo ntisiṛie: A fi firero ito arera awore shombo ilya shooi kuvili. Nafo mfo ifi:

Urambuyo lwa Yohane 2:8

Na mwisi ulya wa siṛi ikee Simirina ntisiṛie: A fi firero arera ito akee wa ibooka na wa ifurumia, ni ito eekee mfu kawara lingi muu. Nafo mfo ifi:

Urambuyo lwa Yohane 2:3

Lingi kundekukaarisa na iva na isisiria na kiimba kyakwa kwakwatara nta yaaraa.

Barua ya Vatesalonike ya mbele 2:9

Amu, vanavama, mukumbue ngatara teru na yatarika lyeru, fulya tindeṛunda mashoṛa kio na nsanyiń, kaaṛa titasisiṛe nta nndu umwi wanu, ili tindemukwanisia nrumi ya Iṛuva kuro.

Yohane 4:38

Niń mmurumie mundeilula kindo mutakikwataria. Vvengi vakwatarie, neeni mwawwaria ngatara tawo.

Barua ya Tito 2:15

Rera firero fo kuvaikimbe na ivareria na finya toose. Manya kutailwa nta ni nndu umwi.

Barua ya Timoteo ya mbele 5:20

Valya varekio̱ kindo kuvarerie kisanguń kya vasuṛi woose, amu na vengi vautie-wo yeṛea.

Barua ya Timoteo ya mbele 5:1

Nndu nsuṛi manya kutannaiye, kake mwikimbe sha vaava, na iva vakoo kuvarerie sha vanavamae.

Barua ya Vafilipi 2:19

Vverie Nndumi Yesu airikie nrume Timoteo kwanu ree, amu nrima wakwa wimuye, ili mmanyaa mboni tanu kasa tikai.

Barua ya Varome 16:6

Shiisanień Maria andetikwareesia nnu kiimba kyanu.

Barua ya Varome 16:12

Shiisanień Tirifaina na Tirifosa vakee vakwataria Nndumi. Shiisanień Perisi nkunde andekwareesia Nndumi.

Barua ya Vatesalonike ya mbele 4:1

Kyasia lingi tamutereva, muṛe vanavama, na imufunda, amu mukee va Nndumi Yesu: Mwengeṛie utomari na iṛunda sheeli tammulosha ikaa na iṛunda na isenya Iṛuva.