Barua ya Vatesalonike ya mbele 5:10 - MMA SHIYYA

¹⁰ ulya andetifiya, amu tive na muu andu emwi nae, kwakooya tikee kya umbuura ana tilele.

Barua ya Vatesalonike ya mbele 5:10 ပူးပေါင်းရင်းမြစ်များ

Barua ya Petiro ya mbele 3:18

Amu nae Kristo afwe limwi tubu kiimba kya mareko eru ye akee nsumani kafwa kiimba kyeru ise varekwa, amu atirwaa kwa Iṛuva. Kawalwa kivvili, kake kawiiṛwa muuń kimumuyo.

Barua ya Vaefeso 5:2

Muware ikundana, sheeli na Kristo andetikunda kakuniingia kiimba kyeru ave nsimbika wa kirasio kya kwa Iṛuva kiwore nningo uwore kisaamu kinuru.

Barua ya Varome 8:34

Ni i avaumisiaa? Kristo Yesu eefo ulya andefwa, na kita ikyo andeṛuka akee uko usha lwa Iṛuva, lingi yye akee ititerevia.

Barua ya Vatesalonike ya mbele 4:17

Numa tikurikwaa ise tikee na muu fiseere isangeń maṛumbeń andu emwi nawo tikwanie na Nndumi ringewu. Na numa tikaa kwa Nndumi matika woose.

Barua ya Vakorinto ya kavili 5:21

Amaaṛua uu ateeishii ireko kava nrekwa kiimba kyeru, amu ise tive veni usumani lwa Iṛuva tikuwore nae.

Barua ya Vakorinto ya kavili 5:15

Nae afwe kiimba kya woose, amu valya vakee na muu vatakaa na muu kiimba kyawo wo veni, kake nkiimba kya ulya andefwa kaṛutwa kiimba kyawo.

Barua ya Petiro ya mbele 2:24

Yye muni akurika mareko eru kaarosia kiriń kya nsalaba andu emwi na wili wamwi, amu ise tilakaniswa na mareko na ikaa tikaa na muu wa iṛundia usumani. Mfaasha famwi findemukiṛa ini.

Barua ya Tito 2:14

Na nkiṛa uu yye akuniingia kiimba kyeru. Na kiteveto katana kuro, naamu atitaue ukasheń loose na itisangya atisangye mirima, neese tive vandu vamwi vatomari vawore mitanie minuru.

Barua ya Timoteo ya mbele 2:6

kakuniingia ye muni ave ntaua wa itaua vandu woose. Ii yyo mirambuye ikwaniswaa koose kyeeri kyayo kikamfika.

Barua ya Vatesalonike ya mbele 4:13

Vanavama, tindemufisa mboni ya valya veemfwaa ndi, amu mutaṛiike sha valya vatawore ba ya iṛuka lya vafu.

Barua ya Vakorinto ya mbele 15:3

Amu niń mbooko nndemumanyisa filya nndewaria nań, sheeli Kristo afwe kiimba kya mareko eru sheeli mitisiṛie ikee irera.

Yohane 15:13

Nta eefo nndu awore ikunda inini kita ito aniingiaa muu wamwi kiimba kya ndoo tamwi ndi.

Yohane 10:17

Nkyo kikangio Nde kashikunda, fulya nanreka muu wakwa, amu nuuwarie lingi.

Yohane 10:11

Niń nniń mwisi nnuru. Mwisi nnuru akuniingiaa kiimba kya mburu tamwi.

Matayo 20:28

Sheeli na Mwana wa nndu atashe, amu aṛundyo, kake ashe aṛundye vengi na iniingya muu wamwi, amu uve kirasyo kya veengi.

Yohane 10:15

sheeli Nde yakwa ashiishi niń, nań namanya Nde. Nań nareka muu wakwa kiimba kya mburu takwa.

Barua ya Vatesalonike ya mbele 4:15

Fulya mboni ii tikee imuia ikee kirero kya Nndumi muni tikamuia: Ise tikee na muu fiseere isangeń kumande Nndumi ashaa tiiriaa valya veemfwaa mbele ndi.

Barua ya Vatesalonike ya mbele 5:6

Kyasia manya titalale sha valya vengi, kake tikaa kya umbuura na iva na kiṛengo.

Barua ya Timoteo ya kavili 2:11

Kirero kya ikusurwa nkyo iki: Kwakooya tafwa andu emwi nae, tikaa na muu andu emwi nae da.