Barua ya Vatesalonike ya mbele 4:6 - MMA SHIYYA

⁶ Nta nndu atafukye mwanamae wamwi na illemba kiimba kya mbusha, fulya Nndumi aumisiaa ifi foose, sheeli tamukwanisia na imurambuya.

Barua ya Vatesalonike ya mbele 4:6 ပူးပေါင်းရင်းမြစ်များ

Barua ya Vaebrania 13:4

Ihingana lya vandu vaalikie liirio̱ sonu vvandu woose, na kiraa kyawo manya kitasutwa, amu Iṛuva aumisiaa vaya ukwe na vaaisi.

Barua ya Varome 12:19

Manya mutauṛe vengi kimini, muṛe vakunde vakwa, kake otoṛień Iṛuva mwaanya aumisie ye muni, fulya kikee kitisiṛe: ”Nndumi anumbua: Yuṛa kimini mmashoṛa akwa, nniń ntaa sile“.

Barua ya Varome 1:18

Fulya uvave lwa Iṛuva lwamanyiswa loolokaa luuka iṛuvewu lushee vandu woose valya vabiṛie Iṛuva, vafungiṛia kilya kikee kya dede na ukasha lwawo.

Barua ya Yakobo 5:4

Manyiń maṛe a vaṛundi valya vandeilula nremiń tanu alya ini mundevaima akee ikaba kiṛoṛongyo na fiiyo fa valya vandeilula famaaka marwiń a Nndumi akee muni matoroto.

Barua ya Yakobo 2:6

Kake ini mwamiila nkiva ulya. A masimba wwo se vakee imulamia na imurwaa mbele ya fifumbi fa uumisio?

Barua ya Vagalatia 5:21

na yaṛia ndaṛi na unangwa na ulafu na findo fingi fifivakie. Sha lia namaa imuia mbele, mfo kuro nkee imuia lingi: Valya vatanaa findo sha ifo vakooyaa diṅu ya umangi lwa Iṛuva ndi.

Barua ya Varome 13:4

Fulya ye ni ndundi wa Iṛuva wa ikuṛundia iwe kiimba kya finuru. Kake kwantana fikasha eṛea, amu awore shombo kya ruu ndi. Amu ni ndundi wa Iṛuva ataa kwa uvaave ulya akee itana fikasha.

Luka 12:5

Kake mmworusaa ulya mumweṛeaa. Eṛeeń ulya amakii iwaa, numa awore na finya ya yeeṛa nndu muroń. Ee namuia: Eṛeeń ito!

Barua ya Vatesalonike ya kavili 1:8

Na iva avaa sha kibalabala kya muro eetaa kimini kwa valya vateeshi Iṛuva na valya vataindiaa nrumi shisha ya Nndumi weru Yesu.

Barua ya Vaefeso 5:6

Nta mutalembwa ni nndu na firero fa iiṅana, amu kiimba kya findo fa mikae ii ituṛuka lya Iṛuva lyolokiaa valya vambiṛie.

Barua ya Vaefeso 4:17

Kyasia na alli nkee irera kirero iki niimwikimbaa nkuvavie na Nndumi sheeli: Manya mutakiende mwisoṛaa mikae ya vayavaṛumu vakee ilatia findo fikee fa ruu.

Mariko 10:19

Kwishi mavavaso alya: Kutawaa, kutaaike, kutaive, kutafingie nndu ungi kindo atatanie, kutalembe, kwindie ndeo na maa!

Barua ya Vaefeso 4:28

Ulya amiiva atakiive lingi ndi, kake asaṅiṛie masaa amwi eeṛundaa na maako amwi, amu akooye kya iniinga vakiva.

Luka 16:28

Amu noore-fo vanavama varaanu, avaikimbe, amu vatashe nawo kundo ku kwa ukiva.

Barua ya Vakorinto ya kavili 7:11

Amu lleń, inariswa lyo lya kiimba kya Iṛuva ili llyo lindemuniinga finya ini, ee na ikuuta, ee na ituṛuka, ee na weṛei, ee na itiṅwa, ee na itomaa, ee na itaa kimini! Amu kwa shia toose mundekworusa mu veni sheeli mukee vesha mwaanduń ulya.

Barua ya Vatesalonike ya mbele 2:11

Ikyo nakyo mwishi sheeli tindemuikimba ini na imukaarisa nndu woose kikwamwi, sheeli vaava alembalembaa vana vamwi,

Barua ya Vaebrania 2:6

Kake nndu umwi anderambua kuri andu alive eenumbuaa: ”Nndu yye ki ili kukee inkumbua, ana mwana wa nndu ili kukee imulla?