Barua ya Vatesalonike ya mbele 4:4 - MMA SHIYYA

⁴ Nndu woose wanu akufunde isaua nka wamwi na insongosia na iṅṅinisa,

Barua ya Vatesalonike ya mbele 4:4 ပူးပေါင်းရင်းမြစ်များ

Barua ya Vakorinto ya mbele 7:9

Kake kwakooya vatamakii isisiria, vaalike. Amu llyo ṅwana yalika kita ikoṛwa ni ilanga.

Barua ya Varome 12:1

Muṛe vanavama, ini mukee vandu vallilio̱ ni Iṛuva. Nkyo kiimba namwikimba: Muniingie mivili yanu ive nsimbika nsongovisi uwore muu wa isenya Iṛuva, kuro llyo iṛundia Iṛuva na imwindia na uṛango usha.

Barua ya Petiro ya mbele 3:7

Mfo kuro neeni womi, kaań na vaka vanu na uṛango na imanya mumanye sheeli wo wandu vatawore finya sha ini. Vaiteń mbele, fulya na akwaa wwo vandu valilio̱ ni Iṛuva na iva vawa vayadiṅu ya muu utakisiaa. Taniń kuro, amu mutaire singiri mulemwa itereva Iṛuva.

Barua ya Vaebrania 13:4

Ihingana lya vandu vaalikie liirio̱ sonu vvandu woose, na kiraa kyawo manya kitasutwa, amu Iṛuva aumisiaa vaya ukwe na vaaisi.

Barua ya Vakorinto ya mbele 6:15

A le mwishi se sheeli mivili yanu mmeeṛo a Kristo? Naniingiań meeṛo va akee a Kristo na yaaṛua ave meeṛo a nka wa shia? Wode!

Barua ya Vakorinto ya mbele 7:2

Kake kiimba kya ikwima waaisi nndumi woose ave na nka wamwi ye muni na nka woose ave na mmi wamwi ye muni.

Barua ya Vafilipi 4:8

Lya ifurumia vanavama, kusaṛeń filya fikee fa dede na filya fikee fa sonu shisha na filya fikee fa langa na filya fisenyie na filya fikee fisha fa irera na filya foore tikisi shisha fikusaṛień.

Barua ya Varome 6:19

Narera kwa mikae ya kivandu kiimba kya utanyari lwa mivili yanu. Amu sheeli mwaniingia meeṛo anu akava masinga a itana fa kiṛinda na fa ureti, mfo kuroń na alli niingień meeṛo anu ave masinga a usumani mukooye iiliswa!

Barua ya Varome 1:24

Kiimba kya ikyo Iṛuva kavatia vakuatie ifo ilangeń lya mirima yawo vasoṛe ukwe, kumande vatuṛiaa mivili yawo sonu.

Mitanie ya varumi 9:15

Nndumi kamwia: Kwendie da, amu nansaua nndu uu ave ndundi wakwa aende ikurika irina lyakwa kwa vandu va isangeń vatashiishi na kwa mamangi na kwa vana va Isiraeli.

Barua ya Vakorinto ya kavili 4:7

Kake tirie masaa wo fiyeń fikee sha fa uteri, amu finya ii iṅini kuri imanyike sheeli yya Iṛuva, yyeru ndi.