Barua ya Vatesalonike ya mbele 3:8 - MMA SHIYYA

⁸ Alli tikee na finya, kwakooya muselele kyumu mukuwore na Nndumi.

Barua ya Vatesalonike ya mbele 3:8 ပူးပေါင်းရင်းမြစ်များ

Barua ya Vakolosai 1:23

kwakooya mukaa na inkusura na iwara tabu iverea lia nrumi shisha indemwendee. Nrumi ii mwamiita, nayo yankwanisio̱ fitani foose fikee kwa si ya iṛuvewu. Nań Paulo nawa ndundi wayo.

Barua ya Vakorinto ya mbele 16:13

Kaańń kya umbuura, kuumiseń muware ikusura, veń vandu vawore finya!

Urambuyo lwa Yohane 3:11

Nkee isha ree. Wara tabu ikyo kukee nakyo atashe nndu akusoka uṛeto lwafo.

Barua ya Vaebrania 10:23

Manya titaaraa irambua iverea lyeru, amu ulya andetiniinga kirekio ki wwa mma.

Barua ya Vaebrania 4:14

Kyasia toore nrasia weru nnini akilie vengi anderwa iṛuvewu yye Yesu Mwana wa Iṛuva, kwa ikyo tikuware nnu na inrambua lyeru.

Barua ya Vafilipi 1:21

Amu iki kyanshivia muu ni Kristo na ifwa llyo lishiviaa mbusha.

Urambuyo lwa Yohane 3:3

Kyasia kumbua sheeli kundewaria nrumi ilya shisha na iita. Iwara tabu na iilashika! Kake kwara kutalala rembo nshaa kwafo sha inini, nawe nta kumanyaa saa nshaa nayo kwafo ndi.

Barua ya Vaebrania 3:14

Amu tavva va kyama kimwi na Kristo, kwakooya tikuwaraa na ikusura kumande ifurumia lia lindebooka kweru.

Barua ya Vaefeso 3:17

Na Kristo amu akukaarise ngooń tanu kwa inkusura, neeni muve vandu vakuwore tabu na inkunda na ikundana mu veni na mu veni.

Mitanie ya varumi 11:23

Nae ili andemaa ifika kalolia wavi Iṛuva awaavia kafura nnu kaikimba woose vakuware na Nndumi na ngoo toore finya.

Barua ya Petiro ya kavili 3:17

Kyasia ini vakunde mukambooka imanya ifo kulleń neeni, amu mutaomuywa shia ta ureti lwa iwo vatakee iikimbika na ikasheesa finya ya ikusura lyanu.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Vafilipi 4:1

Kyasia vanavama vakwa vakunde mmuworie nyura ini mukee ifura lyakwa na tikisi yakwa, salaleń kyumu mukuwore na Nndumi.

Barua ya Vafilipi 1:27

Kake weendo lwanu lusongove sheeli kisumani na nrumi ya Kristo, amu kwakooya nshaa na imulolia ini ana kitaare niiyo niite mboni tanu, sheeli muselele na utomari na ngoo imwi mwikabaniaa nrumi shisha na ikusura kwa nrima umwi.

Barua ya Vakorinto ya mbele 15:58

Kiimba kya ikyo vanavama vakunde, mukuumise koṛoń, manya mutasingesinge! Tanień utomari iṛunda mashoṛa a Nndumi kundo koose, fulya mwammanya yatarika lyanu mukee yatarika kiimba kya Nndumi llya ruu ndi.

Yohane 15:7

Mukankaa mukulungie nań na firero fakwa likankaa mirimiń yanu muterevaa kindo kyoose mufurie nakyo mwawutio̱o̱.

Yohane 15:4

Kaań mukulungie nań, nań nkaa nkulungie neeni! Na sheeli iṛamba litamakii ivika nunda likee kyaanya kyayo litakee kiriń kyayo, mfo kuro neeni da nta kindo mumakii mutakulungie nań.

Barua ya Vagalatia 5:1

Kristo antitaua usingeń tive vana va diṅu. Kiimba kya iki kuumiseń, amu mutakiwarwa lingi nkifingio kya usinga!

Yohane 8:31

Kyasia Yesu kaia Vayuda valya veekusuriee: Mukakuwara na firero fakwa llyo muvaa vanalosho vakwa va dede.

Barua ya Vatesalonike ya mbele 3:7

Kiimba kya ikyo, vanavama, mirima yeru yawiiṛio̱ muu na mboni ti ta ikusura lyanu, na tikaroywa ni yatarika na mavaviso eru oose.