Barua ya Vatesalonike ya mbele 3:6 - MMA SHIYYA

⁶ Kake ili Timoteo antishea auka kwanu kateendie mboni shinuru ta ikusura lyanu na ikunda lyanu na sheeli mutikumbuye mikonu yoose kisha mwilangaa itilolia ise sheeli neese tilangie imulolia ini.

Barua ya Vatesalonike ya mbele 3:6 ပူးပေါင်းရင်းမြစ်များ

Barua ya Vakorinto ya mbele 11:2

Kyasia nkee imwitikisa, fulya mushikumbue kya findo foose, neeni mukawara mavavaso akwa alya nndemuniingia.

Barua ya Vatesalonike ya mbele 1:3

Amu tilemwaa ikumbua mbele ya Iṛuva Nde yeru mashoṛa anu a ikusura ndi na ngatara tanu ta ikunda na isisiria lyanu lya iverea isha lya Nndumi weru Yesu Kristo.

Mitanie ya varumi 18:5

Neeli Sila na Timoteo vandemaa ifika vauka urukeń lwa Makedonia Paulo kaengeṛia nnu ikwanisa kirero kilya eerambuyaa Vayuda sheeli Yesu nKristo.

Barua ya Vafilipi 1:8

Amu Iṛuva eeshi sheeli niń mmuworie nnu mire ini mu woose, nayo imilie ikundeń lia sheeli Kristo akee nalyo.

Barua ya Yohane ya mbele 3:23

Na ivavaso lyamwi llyo ili: Tikusurane na irina lya Mwana wamwi Yesu Kristo na ikundana ise ti veni na ti veni, sheeli ye antivavasa.

Barua ya Vaebrania 13:7

Kumbueń veesi vanu valya vandemuia kirero kya Iṛuva. Mulle nnu ifurumia lya weendo lwawo musoṛe ikusura lyawo.

Barua ya Vaebrania 13:3

Kumbueń iwo vakee vafinge sheeli neeni mwafingwa andu emwi nawo. Mukumbue iwo vakee ituṛulwa, amu mukee na vvili shawo.

Barua ya Filemon 1:5

Amu neeta mboni ta ikunda lyafo na ikusura kukee nalyo lya ikuwara na Nndumi Yesu na vasongori woose.

Barua ya Timoteo ya kavili 1:3

Nkee yaana Iṛuva uu ninterevaa kuuka ilyo mbooko ya vakuuku vakwa na nrima mweelwa, sheeli nkukumbuaa iwe matika woose fiterevioń fakwa kio na nsanyiń ntalemwa.

Barua ya Timoteo ya mbele 1:5

Amu ifurumia lya ikwanisa nrumi shisha ni ikunda limilie ngooń sheelwa na makusaṛoń mesha na ikusureń litawore ukavili.

Barua ya Vatesalonike ya kavili 1:3

Vanavama, kyatiwara yaana Iṛuva kyeeri kyoose kiimba kyanu. Kisumani kuro, fulya ikusura lyanu likee iṅina nnu na ikunda lia mukundani nalyo lyankwengeṛia kwa nndu woose wanu.

Barua ya Vatesalonike ya mbele 2:17

Kake ise, vanavama, ili tiikee kwaasha neeni kyeeri kyaangu kwa kisangu, nkwa nrima ndi, tindeengeṛia nnu ilanga imulolia fisangu fanu.

Barua ya Vatesalonike ya mbele 2:9

Amu, vanavama, mukumbue ngatara teru na yatarika lyeru, fulya tindeṛunda mashoṛa kio na nsanyiń, kaaṛa titasisiṛe nta nndu umwi wanu, ili tindemukwanisia nrumi ya Iṛuva kuro.

Barua ya Vakolosai 4:18

A li iisana likee lya uko lwakwa niń Paulo. Kumbueń ifingwa lyakwa! Uwoo lukaa neeni!

Barua ya Vakolosai 1:4

Fulya tamiita mboni ta ikusura lyanu lya ikusura Kristo Yesu na ta ikunda lyanu mukundani nalyo na vasongori woose.

Barua ya Vagalatia 5:6

Amu tikankaa na Kristo Yesu irinwa ana ilea irinwa liwore ngo ndi, kake ni ikusura lya ikusura Kristo lyawutio̱o̱ ni ikundana.

Barua ya Vakorinto ya mbele 13:13

Kyasia alli kilya kikaa ni ikusura na ba na ikunda, ifi fili firaru. Kake kari ka ifo kilya kikee kiroo ni ikunda.

Mitanie ya varumi 18:1

Numa ya ifi Paulo kauka Atene kafika muṛiń wa Korinto.

Mitanie ya varumi 16:1

Kyasia kafika Deribe na Lisitira. Na ifo eeifoo mwanalosho umwi irina lyamwi nTimoteo akee mwana wa nka Muyuda akusurie. Na ndee eekee Ngiriki (=muyavaṛumu).

Barua ya Vatesalonike ya mbele 3:7

Kiimba kya ikyo, vanavama, mirima yeru yawiiṛio̱ muu na mboni ti ta ikusura lyanu, na tikaroywa ni yatarika na mavaviso eru oose.