Barua ya Vatesalonike ya mbele 3:3 - MMA SHIYYA

³ Manya nndu atataṛaakiswa nngatara ti tanu ta kyeeri iki. Amu ini mu veni mwishi sheeli tirwaywaa ifo.

Barua ya Vatesalonike ya mbele 3:3 ပူးပေါင်းရင်းမြစ်များ

Mitanie ya varumi 14:22

veekaarisaa mirima ya vanalosho, amu vakaa ikusureń lia na ivaikimba sheeli kyatiwara yaka umangiń lwa Iṛuva na ngatara shiingi.

Barua ya Varome 5:3

Kake ni iki da ndi, na akwaa ni ngyukiveń teru tikee ikuṅinisa da, fulya tiishi sheeli ngatara nto timanyisaa isisira lya nndu.

Mitanie ya varumi 9:16

Nań mmworusaa matuṛulwa woose alya atuṛulwaa kiimba kya irina lyakwa.

Yohane 16:33

Ifi namuia amu mukooye unambwe mukulungie nań. Kunu isangeń mukooyaa ngatara. Kake kuwareń tabu! Niń nawinga isanga li.

Barua ya Vakorinto ya mbele 15:58

Kiimba kya ikyo vanavama vakunde, mukuumise koṛoń, manya mutasingesinge! Tanień utomari iṛunda mashoṛa a Nndumi kundo koose, fulya mwammanya yatarika lyanu mukee yatarika kiimba kya Nndumi llya ruu ndi.

Mitanie ya varumi 21:13

Llyo Paulo aaṛua: Mutanaa ki mwiyaa na ishifukya nrima? Amu niń nta ni ifingwa da ndi, nkudeeṛie na akwaa ni iwaywa Yerusalemu kiimba kya irina lya Nndumi Yesu.

Barua ya Vatesalonike ya mbele 5:9

Amu Iṛuva andetikusaṛia uumisio lwa itireta ndi, kake naamu tikiṛwa ni Nndumi weru Yesu Kristo

Barua ya Vakorinto ya mbele 4:9

Amu llolie sheeli Iṛuva antirwaa ise varumi tive va ifurumia sha vandu kyawara iwalwa tikavia isanga kindo kya iṛiikisa vamalaika na akwaa vvandu.

Barua ya Petiro ya mbele 2:21

Amu ikyo nkyo mwavaangio̱, fulya na Kristo antuṛulwa kiimba kyanu kamutia myorusie, amu mulatie mbayo tamwi.

Barua ya Vakolosai 1:23

kwakooya mukaa na inkusura na iwara tabu iverea lia nrumi shisha indemwendee. Nrumi ii mwamiita, nayo yankwanisio̱ fitani foose fikee kwa si ya iṛuvewu. Nań Paulo nawa ndundi wayo.

Barua ya Vaefeso 3:13

Nkyo namutereva manya mutaleleke kiimba kya ngatara takwa tishiwore. Tishiwore kiimba kyanu, amu mukooye nsendo nnuru.

Mitanie ya varumi 2:25

Amu Davidi ansenda eereraa kyamwi: ”Nalolia Nndumi mbele yakwa mikonu yoose, fulya akee taari ya uko usha lwakwa ntasenike.

Yohane 16:2

Na kita ifi kyeeri kishaa na ulya woose amuwaa akusaṛe, sheeli kuro llyo iṛundia Iṛuva.

Luka 21:12

Kake kitaare ifo foose favva, vamusaaṛiaa maako na imuumbuta veemurwaa numbeń tawo ta iterevia na imurwaa kifingioń. Vamukurikaa mbele ya mamangi na vashili kiimba kya irina lyakwa

Barua ya Timoteo ya kavili 1:8

Kyasia manya kutaire sonu ya irambua Nndumi weru ana manya kutashiirie sonu niń nkee mfinge kiimba kyamwi. Kake sisiria mavavio andu emwi nań kiimba kya nrumi shisha kwa kiṛengo kya finya ya Iṛuva.

Barua ya Vatesalonike ya kavili 1:4

Na akwaa ni ise ti veni takuṅinisa kiimba kyanu siṛiń ta Iṛuva kya isisiria lyanu na ikusura mukee nalyo kari ka matuṛulo anu woose na mavaviso mukee iliswa.

Urambuyo lwa Yohane 2:13

Niishi alya kukaa, ni io kifumbi kya Satana kikai. Nawe kukuwore nnu na irina lyakwa ana nta kundekana ikusura lya ishikusura niń ndi na akwaa nkyeeri kilya kya nrambua wakwa nsumani Antipa ulya andewaywa ifo kwanu ifo Satana awore kivasha kyamwi.

Urambuyo lwa Yohane 2:10

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Barua ya Vafilipi 1:28

Ana manya mutae-ṛeeswa mfituva fanu nta kwa kindo kimwi. Kwawo iwo kyavavia iki myorusie ya ireka, kake kwanu ini kyamuvia myorusie ya ikiṛwa lyanu, nakyo nkya mifurie ya Iṛuva.

Mitanie ya varumi 21:11

Katifikia kawara kitati kya Paulo kakwavika nakyo marende na maako. Kanumbua: Mumuyo Nsongori anumbua kuri: Kuro mfo Vayuda va Yerusalemu vafingaa nndu wa kitati ki. Nawo vanrambikiaa maakoń a vayavaṛumu.