Barua ya Vatesalonike ya mbele 3:11 - MMA SHIYYA

¹¹ Kyasia Iṛuva muni akee Nde yeru na Nndumi weru Yesu atiniinge shia yeru ya imufikia.

Barua ya Vatesalonike ya mbele 3:11 ပူးပေါင်းရင်းမြစ်များ

Matayo 6:32

Amu valya vateeshi Iṛuva wwo valangye findo fa mikae yo. Amu Nde yanu wa iṛuvewu yye eeshi sheeli muuṛi ifi foose.

Barua ya Vatesalonike ya kavili 2:16

Na Nndumi weru Yesu Kristo muni na Iṛuva Nde yeru uu andetikunda katiniinga ifura lya miṛeṛe na iverea isha kwa uwoo lwamwi

Barua ya Vatesalonike ya mbele 3:13

Amuumise ngoo tanu titomaa tikaa titawore ilomi, tive na usongori mbele ya Iṛuva Nde yeru kyeeri Nndumi weru Yesu ashaa andu emwi na vasongori vamwi woose.

Luka 12:32

Manya mutaeṛee, ini siṛi shinnya! Amu Nde yanu ansenywa imuniinga umangi.

Matayo 6:26

Lleń ndee ta kwa si ya iṛuvewu te! Nta teeṛaa mbeu ana tiilulaa ndi ana tisańiṛyaa makumbiń ndi. Na Nde yanu wa iṛuvewu yye awuurusaa ndee tilya. A ini ni ini mutiilanyi se?

Barua ya Yohane ya mbele 3:1

Lleń ikunda lia Nde antikunda nalyo, neese tivaangwaa vana va Iṛuva, neese tikee vana vamwi. Nkyo kiimba isanga litiishi ise ndi, fulya liteeshi Iṛuva.

Barua ya Vatesalonike ya kavili 3:5

Nndumi aoruse ngoo tanu mukooye ikunda lya Iṛuva na isisiria lya Kristo.

Luka 12:30

Amu ifi foose mfo fiṛuywaa vvandu va isanga. Kake Vaava wanu eeshi, sheeli ifi foose fimutinye.

Mariko 1:3

”Lwifo ununga lwa nndu akee ivaanga ṅṅaloń: Songosień shia ya Nndumi! Seṛeeseń miko yamwi!“

Barua ya Vagalatia 1:4

Yye uu andekuningia ufuń kiimba kya mareko eru, amu atikiṛe eetilakanisaa na isanga li ikasha lya alli, sheeli Iṛuva andekunda akee Vaava weru.

Barua ya Varome 1:3

Nayo mmboni ya Mwana wamwi Yesu Kristo ito awonikia ufwariń lwa Davidi kwa mikae ya kivvili.

Matayo 6:18

Amu kutamanyike vanduń sheeli kusindye kuro, kake kumanyikaa ifo kwa Nde yafo ito akee kiṛisiń. Na Nde yafo alolye kiṛisiń akwishuṛyaa na baa.

Matayo 6:14

Amu kwakooya mutiaa vandu vengi mareko awo, na Nde yanu wa iṛuvewu amutiaa neeni.

Matayo 6:6

Kake iwe ili kwiterevaa, aka kiṛiń kyafo kya kari. Kwammaa iraya mwaango, kutereve Nde yafo kiṛisiń. Na Nde yafo alolye kiṛisiń akwishuṛyaa na baa.

Barua ya Vakolosai 1:2

Ise na mwanamae weru Timoteo tamwisana ini mukee vanavamae veru va ifo Kolosai mukee vasongori mukuwore na Kristo. Uwoo lukaa neeni na unambwe fuukie kwa Iṛuva Nde yeru.

Barua ya Vakorinto ya kavili 6:18

Na lingi anumbua: ”Vvaa Nde yanu, neeni muvaa vana vakwa va kiwomi na va kika“. Mfo kuro Nndumi muni finya arera.

Matayo 6:4

Nsimbika wafo uve kwa kiṛisi, na Nde yafo alolye kwa kiṛisi akutaa na baa.

Yohane 20:17

Yesu kamwia: Manya kutashibaane, amu nanrwa kwa Nde yakwa ndi. Enda kwa vanavamae vakwa kundevaia: Nkee irwa na ule kwa Nde yakwa akee na Nde yanu. Nkee irwa kwa Iṛuva wakwa akee na Iṛuva wanu.

Barua ya Vatesalonike ya mbele 4:16

Amu Nndumi muni aolokaa iṛuvewu na kiṛoṛongyo kinini na ununga lwa mmalaika nnini, na wembe lwa Iṛuva lwivilio̱o̱ na valya veemfwaa veenkusuraa Kristo vabookaa iṛuka.

Barua ya Vatesalonike ya mbele 5:23

Na Iṛuva muni unambwe ye muni amwilise deń, na mumuyo wanu usumaniswa andu emwi na nrima na wili na iringwa liteefo ilomi, kumande Nndumi weru Yesu Kristo ashaa.

Barua ya Vatesalonike ya kavili 3:16

Alli Nndumi muni wa unambwe amuniinge unambwe kyeeri kyoose shień toose! Nndumi akaa neeni mu woose!

Urambuyo lwa Yohane 21:3

Naita ununga unini luuka kifumbiń kilya kya kimangi lwinumbuaa: ”A ki kirembo kya Iṛuva kikee andu emwi na vandu. Nae aruaa kwawo, nawo vavaa vandu vamwi. Na Iṛuva muni avaa andu emwi nawo.