Barua ya Vatesalonike ya mbele 1:5 - MMA SHIYYA

⁵ Fulya nrumi ii yeru ya ifura nta yamufikia kwa firero fo feni da ndi, kake ikaira finya na yavio̱ Mumuyo Nsongori na irambuka iingi. Neeni mwishi sha lia tikee na mikae yeru kwanu kiimba kyanu.

Barua ya Vatesalonike ya mbele 1:5 ပူးပေါင်းရင်းမြစ်များ

Mariko 16:20

Na vaseṛo vamwi vakaenda vakakwanisa mboni shinuru ta Iṛuva koose. Na Nndumi katana mashoṛa andu emwi nawo kakaarisa firero filya fawo na myorusie ilya ya finya iilunganii nawo.

Barua ya Vatesalonike ya mbele 2:13

Kiimba kya ikyo neese tiawuaa yaana Iṛuva, fulya kitaare mundewaria kirero kilya kya Iṛuva mundeitia kweru nta nsha kirero kya vandu, kake nsha kirero kya Iṛuva kikee kya dede. Nakyo nkyo kikee iṛunda mashoṛa kari kanu ini mukusurie.

Barua ya Petiro ya mbele 1:12

Vakarambuywa sheeli nkiimba kyawo veni ndi, kake nkwa kiimba kyanu vandeatarikia mboni to. Na alli tamoongoywa kwanu vvalya vandemwendee ini nrumi shisha kwa finya ya Mumuyo Nsongori anderumwa auka iṛuvewu. Mboni to na akwaa vvamalaika valangie itilla.

Barua ya Vatesalonike ya kavili 2:14

Nkyo andemuvaangia ini na nrumi shisha yeru, amu mukooye unini lwa Nndumi weru Yesu Kristo.

Barua ya Vakorinto ya mbele 4:20

Amu umangi lwa Iṛuva lukee alya irera firero likai ndi, kake lukee alya finya ikai na mitanie.

Barua ya Vaefeso 3:20

Ito akee imakii itana fa mmwasi fikilie ifo foose tikee ifitereva ana tikee ifikusaṛa kwa kiṛengo kya finya ilya ikee iṛunda mashoṛa kari keru

Barua ya Varome 1:16

Amu noore sonu ya nrumi yo ya Kristo ndi, fulya ikee finya ya Iṛuva ya ikiṛa valya woose vaikusuraa, lya mbele Vayuda na akwaa vVagiriki nawo.

Mitanie ya varumi 11:21

Na uko lwa Nndumi lwikee andu emwi nawo na vandu veengi vakailashika vakakusura Nndumi.

Barua ya Timoteo ya kavili 2:10

Nkyo kiimba nasisiria findo foose kiimba kya vasaue valya, amu nawo vakooye ikiṛwa lia likee kari ka Kristo Yesu andu emwi na unini lwa miṛeṛe.

Barua ya Timoteo ya kavili 2:8

Kumbua Yesu Kristo ulya andeṛutwa autwa kwa vafu, amilie ufwariń lwa Davidi, sheeli nrumi shisha ikee irera ilya nkee ikwanisa.

Barua ya Vafilipi 4:9

Ifo nafo mundefundio̱ na ifikulosha mukafiwaria mukafiita mukafilolia kwakwa niń, alli fitaniń! Na Iṛuva muni unambwe avaa neeni.

Barua ya Petiro ya kavili 1:10

Kiimba kya ikyo vanavama, kutomariseń kya mmwasi iseṛeesa kyumu ivaangwa lyanu na isaulwa lyanu, amu itana kuro nta mubaaywaa kutu ndi.

Barua ya Petiro ya mbele 1:3

Aarafumwa Iṛuva akee Nde wa Nndumi weru Yesu Kristo andetililia na ililia lyamwi iingi katiira lya kavili tiware iverea linnde muu kiimba kya miṛukie ya Yesu Kristo kwa vafu.

Barua ya Vaebrania 6:11

Kake tifurie nnu, oo umwi wanu akutomarise kuro da, amu amakii iwara iverea lyeru lyoose kumande ifurumia.

Barua ya Vafilipi 2:13

Amu Iṛuva yye amuṛundiaa mirimiń yanu eemuniingaa finya ya ibooka mashoṛa anu na yamarisia, amu munsenye.

Barua ya Vaefeso 2:10

Fulya ise tindetanwa yye tikatanio̱ Kristo Yesu, amu tiṛunde mitanie yeru misha, ni ilya Iṛuva andetisongosia kuuka mbele tiilatie.

Barua ya Vagalatia 5:5

Amu ise kwa finya ya Mumuyo tikusurie sheeli tikooyaa usumani luuka na ifo ikusureń lyeru lya ikusura Kristo.

Barua ya Vagalatia 2:2

Nań naimboo kyaaṛo kilya, fulya neemiitikwaa mmyorusie ya Iṛuva. Navaongoya nrumi ilya ya ifura sheeli noongoyaa vayavaṛumu, na mmwasi naongoya valya vawore tikisi kari ka siṛi, kitave eeba nkee irisha kya ruu ana filya nkee ifirishia mfa ruu.

Barua ya Vakorinto ya kavili 3:6

Nae yye andetikaarisa tikava vaṛundi vasenye va mma shiiya, nta yyo ya mitisiṛie ndi, kake yya Mumuyo. Amu mitisiṛie innde ufu, kake Mumuyo annde muu.

Barua ya Vakorinto ya mbele 10:33

mfo kuro sheeli niń nkee isenya vandu woose findoń foose, nta ikunda mbusha yakwa shi muni, kake mbusha ya iwo vakee veengi vakooye ikiṛwa.

Barua ya Vakorinto ya mbele 3:16

Mwishi se sheeli ini mukee numba ya Iṛuva na sheeli Mumuyo Nsongori akaa kari kanu?

Barua ya Vakorinto ya mbele 3:6

Niń nndeveekya Apolo kanisa, kake Iṛuva yye andemirisa.

Barua ya Vakorinto ya mbele 1:24

Kake valya vandevaangwa kwakooya vVayuda ana kwakooya vVagiriki wwo tikee ivakwanisia Kristo sheeli mfinya ya Iṛuva, lingi ni uṛango lwa Iṛuva.

Barua ya Varome 2:16

Ifi Amanyikaa nkonu ulya ili Iṛuva aniingaa Yesu Kristo irambua fiṛisi fifisio̱ wandu. Ii yyo nrumi shisha nndeniingio̱.

Mitanie ya varumi 16:14

Nka umwi irina lyamwi ni Lidia akee nkumbi wa miseto itondoṛie akee wa muṛi wa Tiatira akusurie Iṛuva kataaranya. Na Nndumi kanrua nrima aware kisha firero filya Andererwa mPaulo.

Mitanie ya varumi 2:33

Kyasia ye ili amaa iroswa kumande uko usha lwa Iṛuva na iwaria kirekio kilya kya Mumuyo Nsongori kwa Ndee, amiirita kindo ki mukilolie alli na ikiita.

Barua ya Petiro ya kavili 1:19

Kiimba kya iki tiwore kirero kya vaauya na finya nnu. Na ini mukankilla mwantana kinuru, amu llanga ya imulikia andu a llema kumande kukyaa na nyinyiri ya ngama ikwimboo ngooń tanu.

Barua ya Petiro ya mbele 5:3

Ana manya mutakwaṛue mawomi ifo siṛiń tanu, kake veń vandu va iiria siṛi mbele.

Barua ya Vaebrania 10:22

kyasia tinserikie na ngoo ta warutu toore finya ya inkusura. Amu tamuutwa mikaeń ilya ya mbele tiifwalio̱o̱ mirima yeru na isangywa mivili yeru na mura nsha (ubatisoń).

Luka 1:1

Veefo vandu veengi vandeimboo maako vasańiṛie mboni ta findo filya findeawutio kunu kweru andu emwi,

Barua ya Varome 15:13

Nae Iṛuva uu muweree amwishuṛie ifura ini mu woose na unambwe fuukie ikusureń, na iverea lyanu lyengeṛio̱ finya mMumuyo Nsongori.

Barua ya Vakorinto ya mbele 9:14

Mfo kuro na Nndumi avavasie sheeli valya vakee ikwanisa nrumi shisha vakooye kyawo kyukie mikwanisień ilya.