Barua ya Vatesalonike ya mbele 1:10 - MMA SHIYYA

¹⁰ na iverea Mwana wamwi ashe auka iṛuvewu, nae yye andenduta kuuka kwa vafu, nae yye Yesu mutikiṛa uumisio lua lukaa lushe.

Barua ya Vatesalonike ya mbele 1:10 ပူးပေါင်းရင်းမြစ်များ

Barua ya Vatesalonike ya mbele 5:9

Amu Iṛuva andetikusaṛia uumisio lwa itireta ndi, kake naamu tikiṛwa ni Nndumi weru Yesu Kristo

Matayo 3:7

Neeli andelolia Vafarisayo na Vasadukayo veengi veeshaa na kwamwi amu avabatise, kavaia: Ini vana va vamakavili, ni i amufunda sheeli mumakii irisha uumisio lukaa lushe isangeń?

Mitanie ya varumi 2:24

Nae Iṛuva kanduta eeboṛomuaa kivawwo kya ufu, fulya kiteevaa luwware.

Barua ya Petiro ya mbele 3:18

Amu nae Kristo afwe limwi tubu kiimba kya mareko eru ye akee nsumani kafwa kiimba kyeru ise varekwa, amu atirwaa kwa Iṛuva. Kawalwa kivvili, kake kawiiṛwa muuń kimumuyo.

Barua ya Petiro ya mbele 1:3

Aarafumwa Iṛuva akee Nde wa Nndumi weru Yesu Kristo andetililia na ililia lyamwi iingi katiira lya kavili tiware iverea linnde muu kiimba kya miṛukie ya Yesu Kristo kwa vafu.

Barua ya Vaebrania 9:28

mfo kuro na Kristo ili andemaa irambikio̱ limwi akurike mareko a vandu veengi, alolikaa lingi lya kavili kwa iwo vavveree avakiṛe atakikwatarie mareko.

Barua ya Varome 4:25

amu yye andeniingio̱ kiimba kya mareko eru na iṛutwa, amu tikooye itaalio̱ usumani lweru.

Luka 3:7

Kyasia karera na isyamu lia lindenshea, amu vabatiswa yye kavaia: Ini ufwari lwa shoka, ni i andemwikimba ini murishe uumisio lwa Iṛuva lushaa?

Barua ya Petiro ya mbele 1:21

Amu yye andemwaṛua muve vakusura Iṛuva uu andenduta kwa vafu na inniinga unini. Nkyo kiimba ikusura ifi lyanu lirie na iverea lya iverea Iṛuva.

Barua ya Varome 8:34

Ni i avaumisiaa? Kristo Yesu eefo ulya andefwa, na kita ikyo andeṛuka akee uko usha lwa Iṛuva, lingi yye akee ititerevia.

Urambuyo lwa Yohane 1:18

Niń niikee mfu, a te nkee na muu alli na matika woose. Nań noore finya ya yuta vandu ufuń na ya ivinga ufu.

Mitanie ya varumi 1:11

Nawo vakavaia: Muṛe womi va Galilaya, nkiki ili muselele ia mwillaa iṛuvewu? Yesu uu, autwa kwanu karoswa iṛuvewu, nkuro akaa ashe lingi sheeli mwammulolia eerwaa iṛuvewu.

Barua ya Petiro ya kavili 3:14

Kwa ikyo, vakunde, ili mukee iverea ifi, kuumiseń amu mukooywa unambweń mutaare ilomi ana usutu mbele yamwi.

Barua ya Vatesalonike ya mbele 2:16

Lingi vakatiima ise fiireraa na vayavaṛumu kirero kya ikiṛwa lyawo. Kuro Ilyo yawutia mareko awo kyeeri kyoose. Kake uvave lwa Iṛuva lwavafikia kumande ifurumia.

Barua ya Vakorinto ya mbele 1:7

Kiimba kya iki nta wavi lumwi mwantuṛa ili mwivereaa ilolika lya Nndumi weru Yesu Kristo.

Barua ya Petiro ya kavili 3:12

Lingi muveree nkonu wa Nndumi umushee, amu mumakii inrishia. Amu nkyo kiimba iṛuvewu liveṛukaa liimuṛusoo mmuro na filya fiifo kuuka mbooko feetwaa mmuro.

Barua ya Vaebrania 10:27

kita ivera uumisio lushaa lwa yeṛeese na uvave lwa muro luwoyaa vabiṛa valya.

Barua ya Tito 2:13

kumande ashaa na unini, amu yye Iṛuva weru na nkiṛa weru nnini.

Barua ya Vafilipi 3:20

Kake ise kyeń kweru ni ifo iṛuvewu, lingi kuuka ifo tiveree Nndumi Yesu Kristo ashe akee Nkiṛa.

Barua ya Vagalatia 3:13

Kristo andetitaua kidengoń kya mavavaso eekurwaa kwa si ya kidengo kyo kiimba kyeru. Amu nkitisiṛe: ”Nndu ulya woose avanikwaa kiriń akee ndenge“.

Barua ya Varome 2:7

Iwo vatakee yaraa itana fisha veeṛuyaa unini na tikisi na ikaa kitaare vakashaa iwo avaniingaa muu utasiaa.

Mitanie ya varumi 17:31

Mfulya andeeṛia nkonu ashaa nato aumisie va isanga na usumani. Na uumisio lu kalurambikia nseṛo ulya andenduta kwa vafu kanrambuya vandu woose vautiewo inkusura.

Mitanie ya varumi 4:10

manyiń ini mu woose na vandu woose va Isiraeli, sheeli nkwa irina lya Yesu Kristo wa Nasareti ulya ini mundenkabia nsalabeń, na Iṛuva kanduta kwa vafu. Kwa irina lyo nndu uu aselele na finya mbele yanu.

Mitanie ya varumi 3:21

Nae kyawara awario̱ iṛuvewu kumande kishaa kyeeri findo foose fiwiiṛio̱o̱ wiya. Amu Iṛuva eenreraa kuuka mbele kwa kana ka vaauya fisuku vamwi.

Mitanie ya varumi 3:15

Kake ulya akee mangi ya muu mukawwaa. Na Iṛuva kanduta kwa vafu. Neese tikee varambua vamwi.

Matayo 1:21

Nae airaa mwana wa womi, na irina lyamwi kuvvaangaa Yesu. Amu yye akiṛaa vandu vamwi mareko awo.

Urambuyo lwa Yohane 1:7

Lleń te akee isha ariwa mmaṛumbe. Na miso woose alloliaa na a valya vandensimba. Na ngyufwari toose ta isanga vaishiṛaa kiimba kyamwi. Ee nkya dede. Amen.

Barua ya Petiro ya mbele 2:21

Amu ikyo nkyo mwavaangio̱, fulya na Kristo antuṛulwa kiimba kyanu kamutia myorusie, amu mulatie mbayo tamwi.

Barua ya Timoteo ya kavili 4:1

Narambua mbele ya Iṛuva na mbele ya Kristo Yesu ulya asheumisiaa veefo na muu na vamfwe niirambuaa sheeli ashaa lingi aseṛeese umangi lwamwi.

Barua ya Vatesalonike ya mbele 2:7

Tiimakii iṛuya unini da, amu tikee varumi va Kristo, kake tindeva vawoo kari kanu sha nka lleṛi alelaa vana vamwi muni.

Barua ya Vatesalonike ya mbele 1:7

Nakyo kikamwendie nsendo kwa vandu woose vakusurie ifo Makedonia na ifo Akaya.

Barua ya Vakolosai 1:18

Nae yye akee nrwe wa wili, nto siṛi. Nae yye wa mbele kava ndute wa mbele kari ka vafu, amu ye ave wa mbooko kari ka findo foose.

Barua ya Varome 1:4

Kalolika na baa sheeli mMwana wa Iṛuva muni finya kwa mikae ya kiMumuyo Nsongori eeṛutwaa kwa vafu, yye Yesu Kristo Nndumi weru.

Luka 2:25

Na kulya Yerusalemu eeifoo nndu irina lyamwi eevaangwaa Simeon. Nndu ulya eekee nsumani kakusurana na Iṛuva kaverea ulya awiiṛiaa va Isiraeli muu, na Mumuyo Nsongori akee kari kamwi.

Matayo 16:27

Ili Mwana wa nndu akaa ashe aṛee unini lwa Ndee andu emwi na vamalaika vamwi, llyo asheavyaa nndu woose kiińańani na mitanye yamwi.

Matayo 16:28

Nkue namuia: Kari ka iva vaselele ia vayo vatalolyaa ufu, nkumande valolyaa Mwana wa nndu eeshaa akee na unini lwamwi lwa umangi.

Mitanie ya varumi 2:32

Yesu to Iṛuva anduta, neese ti woose tikee varambua vamwi.