Barua ya Vakorinto ya mbele 6:9 - MMA SHIYYA

⁹ Ana mwishi se sheeli varekwa sha iva vatakooyaa diṅu ya umangi lwa Iṛuva? Manya mutalembike: Vaaisi nta vakooyaa diṅu ya umangi lwa Iṛuva ndi ana varasia firasio ndi ana vaaika ndi ana valya vakee isuta uka ana uumi ndi ana varoko ndi

Barua ya Vakorinto ya mbele 6:9 ပူးပေါင်းရင်းမြစ်များ

Barua ya Vakorinto ya mbele 6:10

ana manini ndi ani valanga ndi ana vanangwa ndi ana varuma ndi ana vasoka ndi.

Urambuyo lwa Yohane 22:15

Ifo wooṛo akaa makite na vasavi na vaaisi na vawaa na iwo vaindia maṛuva a wongo na valya woose vakundie wongo na iirera.“

Urambuyo lwa Yohane 21:8

Kake valya vakee veeṛei na vatakusurie na vatuṛua na vawaa na vaaisi na vasavi na valya vakee iindia fifu na va wongo woose fuva yawo ikee iruveń lia likee yaka muro wa kibalabala. Ilu llo ufu lwa kavili.“

Barua ya Vakorinto ya mbele 6:19

Ana mwishi se sheeli mivili yanu yawa numba ya Mumuyo Nsongori akee kari kanu uu mwanniingio̱ ni Iṛuva? Ana nta ini mukee masaa anu mu veni ndi.

Barua ya Vakorinto ya mbele 5:10

Niikai narera mulakani deń na vaaisi va isanga li ndi ana na manini ndi ana na fisoki ndi na ana na varasia vaṛumu ndi. Kifo nkuro kyeemmuwaraa muuke isangeń.

Barua ya Vaebrania 13:4

Ihingana lya vandu vaalikie liirio̱ sonu vvandu woose, na kiraa kyawo manya kitasutwa, amu Iṛuva aumisiaa vaya ukwe na vaaisi.

Barua ya Varome 1:18

Fulya uvave lwa Iṛuva lwamanyiswa loolokaa luuka iṛuvewu lushee vandu woose valya vabiṛie Iṛuva, vafungiṛia kilya kikee kya dede na ukasha lwawo.

Barua ya Vaebrania 12:14

Ruyeń utomari lwa iva na unambwe na vandu woose na usongovisi; amu nta nndu umwi aloliaa Nndumi kitaare aluwore.

Barua ya Vakorinto ya mbele 15:50

Vanavama, kilya nkee irera ni iki: sheeli kilya kikee na nyama na usao kimakii iwara diṅu ya umangi lwa Iṛuva ndi. Ana kilya kibwaa kimakii irwaa diṅu ya kilya kitabwaa ndi.

Barua ya Vakorinto ya mbele 15:33

Manya mutalembike! Mirerie mikasha ikasheesaa windi unuru.

Barua ya Vakorinto ya mbele 3:16

Mwishi se sheeli ini mukee numba ya Iṛuva na sheeli Mumuyo Nsongori akaa kari kanu?

Barua ya Vaebrania 12:16

Manya atakaa-fo mwaaisi ana mubiṛa Iṛuva sha Esau andekunda diṅu yamwi ya uvele kiimba kya imutu limwi.

Matayo 25:34

Llyo mangi aiaa valya va uko lwamwi usha: Oṛeshoń ia kwakwa, ini mukee vandu va Nde yakwa awavikya mboṛa! Rwaań umangi luve dińu yanu mundefisyo kuuka ilyo isanga lindetanwa.

Barua ya Vakorinto ya mbele 5:1

Koose ifo kwanu kikee iitiwa kukwani waaisi, nalo wwaaisi luteefo na akwaa nkwa vayavaṛumu: sheeli nndu akee iva na nka wa ndee.

Barua ya Yakobo 1:16

Mutakulembe, vanavamae vakwa vakunde!

Barua ya Vakorinto ya mbele 9:24

Mwishi se, sheeli valya vakee irisha alya ṅṅaṛoń ya kitavanu varishaa woose da, kake ni umwi tubu akee iniingwa uvingo? Kyasia risheń sha ulya umwi, amu muniingwa uvingo (lwa Iniva)!

Matayo 19:29

Na nndu woose andetia numba ana mwanamae ana mfwamae ana ndee ana mae ana vana ana nrema kiimba kya irina lyakwa, awiiṛyoo na yengeṛyo kya mmwasi na iwaria muu wa miṛeṛe.

Mitanie ya varumi 24:25

Neeli Paulo eekee yongoya mboni ta usumani na ta iiwukana na milangie na ta uumisio lushaa, Felikisi kasavaa kanumbua: Alli kukwendie, nań nankooya mwaanya nkuvaangaa lingi.

Luka 21:8

Kanumbua: Kulleń kaaṛa mutalembwa! Amu veengi vashaa na irina lyakwa veenumbuaa: Niń nniń ye! Lingi vanumbuaa: Kyeeri kyansha kufui. Kyasia manya mutavalatie!

Mitanie ya varumi 20:32

Kyasia alli namurambikiań Iṛuva mukukaarise na kirero kyo kya ililia lyamwi. Ye amakii imusongovisa na imuniinga diṅu andu emwi na valya woose vamiiliswa.

Barua ya Vakorinto ya mbele 5:11

Kake mboni to sheeli tikai nndemutisiṛia sheeli mutasangesange na nndu akee ivaangwa mwanamae, nae mmwaaisi ana llembi ana murasia vaṛumu ana nruma ana nnangwa ana musoka. Nndu wa mikae ii mutakunde nta iliana nae.

Barua ya Vakorinto ya mbele 6:18

Risheń waaisi! Ireko lyoose litanwaa ni nndu likee wooṛo ya vvili wamwi. Kake ulya akee mwaaisi akee yaṛua vvili wamwi ye muni uve wa mareko.

Barua ya Vakorinto ya kavili 12:21

Nań ili nshaa lingi, Iṛuva wakwa ashinyiisaa lingi ifo kwanu, nań ndiikiaa veengi vanderekio̱ kuuka ilyo vatandekurra ukasha na ukwe na waaisi vandelutana.

Barua ya Vagalatia 6:7

Manya mutakulembe: Iṛuva avaa iila ndi. Amu kilya nndu aveekia nkyo eelulaa.

Barua ya Vakolosai 3:5

Kyasia waań milangie ilya ya mivili yanu ikee ya kiisanga sha waaisi na ukwe na ilanga ikasha na makusaṛo a ruu andu emwi na unyuku lukee windi lwa maṛuva a wongo.

Barua ya Yohane ya mbele 3:7

Vana vakwa, manya nndu atamulembe. Ulya atanaa kisumani awore usumani sheeli nae akee nsumani.