Barua ya Vakorinto ya mbele 6:3 - MMA SHIYYA

³ Mwishi se sheeli tuumisiaa na vamalaika, kyasia ni mmwasi kita se mboni ta muuń uu?

Barua ya Vakorinto ya mbele 6:3 ပူးပေါင်းရင်းမြစ်များ

Barua ya Yuda 1:6

Na vamalaika valya kitaare vanderinga unini lwawo veni vakatia firembo fisumani nawo kavafinga na mise itafikaa vavere nkonu tilya nnini vaumisio.

Matayo 25:41

Llyo mangi aiaa valya va uko lwamwi umbuyo: Ukeń ia kwakwa, ini vadenge! Mwende muroń utakisiaa undefisyo Satana na vamalaika vamwi!

Barua ya Vakorinto ya mbele 6:4

Kyasia kwakooya mwawa na andu akee ifukiywa mboni ta muuń uu, mwawarwaa vave vafukya iwo vatawore nsendo ifo siṛiń.

Luka 8:14

Na mbeu ilya indewa kari ka miinga nkimwi na valya vaaranyaa kirero kilya vakaenda vakaimwa nngatara tawo ana masaa awo na ngyukesi tawo ta isanga li veeiraa weendo usha.

Luka 21:34

Neeni kulleń ninsha kaaṛa mirima yanu itatanyaṛiswa mfindo fa ndewu sha ilafuka na findo ana inangwa wwari ana ikwareesa na findo fa isanga li, kaaṛa nkonu to utamushee kibashuka.

Barua ya Timoteo ya kavili 4:10

Amu Dema anshirea ankunda isanga li lya alli kaenda Tesalonike. Kiresike ameenda Galatia. Tito ameenda Dalimatia.

Barua ya Timoteo ya kavili 2:4

Eefo nkabana fira akwatariaa findo fa iluya muu ndi, amu asenye ito anrwaa mashoṛeń a nseṛo wa fira.

Barua ya Petiro ya kavili 2:4

Amu na vamalaika valya vanderekio̱ Iṛuva andevatia ndi, kake kavaeeṛa andu a si kavarwaa fifingioń fa llema varingwa-fo kumande uumisio lwawo lushaa.

Barua ya Varome 6:16

Mwishi se kasa kikai? Kwakooya mwakuaṛua maketi a iirikia nndu, mwawa maketi a ulya mumwirikiaa kive kya uketi lwa mareko lunndee ufu, kive kya uketi lwa windi lunndee usumani.

Barua ya Vakorinto ya mbele 6:15

A le mwishi se sheeli mivili yanu mmeeṛo a Kristo? Naniingiań meeṛo va akee a Kristo na yaaṛua ave meeṛo a nka wa shia? Wode!

Barua ya Vakorinto ya mbele 6:16

Ana mwishi se sheeli ulya allungana na nka wa shia avva vvili umwi nae? Amu nkitisiṛe: ”Iwo vali vavili vavaa vvili umwi“.

Barua ya Vakorinto ya mbele 6:19

Ana mwishi se sheeli mivili yanu yawa numba ya Mumuyo Nsongori akee kari kanu uu mwanniingio̱ ni Iṛuva? Ana nta ini mukee masaa anu mu veni ndi.