Barua ya Vakorinto ya mbele 6:20 - MMA SHIYYA

²⁰ Amu mwauṛwa na uuru uumu. Kyasia alli itikiseń Iṛuva ifo miviliń yanu, amu yya Iṛuva.

Barua ya Vakorinto ya mbele 6:20 ပူးပေါင်းရင်းမြစ်များ

Barua ya Vakorinto ya mbele 7:23

Mundeuṛwa na uuru uumu, manya mutave maketi a vandu.

Barua ya Petiro ya mbele 2:9

Kake ini mukee ufwari lundesaulwa, mukee na varasia va umangi, mukee vayakyama kisongori, mukee vandu vataue, amu mukwanise mitanie ya unini ya ito andemuuta llemiń kamuvaangia langa yamwi ya maṛiikiso.

Barua ya Varome 12:1

Muṛe vanavama, ini mukee vandu vallilio̱ ni Iṛuva. Nkyo kiimba namwikimba: Muniingie mivili yanu ive nsimbika nsongovisi uwore muu wa isenya Iṛuva, kuro llyo iṛundia Iṛuva na imwindia na uṛango usha.

Barua ya Petiro ya mbele 1:18

Neeni mwishi sheeli mundetaulwa nta nna findo fikashaa ndi sha fesa ana saabu, amu muuke weendoń lwanu lutasumani mundewaria kwa vaande yanu.

Barua ya Vafilipi 1:20

Nań nkee ikuwara na ikusura na ba, kundo ntasukaa kutu, kake nkaa na usuro sheeli niikee nalo matika woose, amu Kristo aṅiniswa na wili wakwa kive kya muu wakwa ana kya ufu lwakwa.

Mitanie ya varumi 20:28

Kuringeńń mu veni na shoo yoose, amu Mumuyo Nsongori amurambikia mwisalalie, mumakii itumbana siṛi ya Iṛuva andeiuṛa na usao lwamwi weni.

Barua ya Vaebrania 9:12

Nae andeniingia usao lwa mburu ana lwa faashe ndi, kake ni usao lwamwi ye muni kaaka nalo andu a asongori a iṛuvewu kweni limwi katikooiya itaulwa fitawore mmando.

Barua ya Vagalatia 3:13

Kristo andetitaua kidengoń kya mavavaso eekurwaa kwa si ya kidengo kyo kiimba kyeru. Amu nkitisiṛe: ”Nndu ulya woose avanikwaa kiriń akee ndenge“.

Barua ya Vakorinto ya mbele 10:31

Kyasia ili mwilyaa ana mwinwaa ana mwitanaa kindo kyoose, taniń foose five fa iṅinisa Iṛuva.

Urambuyo lwa Yohane 5:9

Nawo veekee iimba kiimbo kiiya veenumbuaa: Kusumani iwe iwaria kitabu ki na ifukya firingisio fayo, fulya kwansikywa kwauṛia Iṛuva vandu va ngyuṛiti toose na usao lwafo ńa ngyufwari na makanika.

Matayo 5:16

Mfo kuro neeni veń vandu vamulikyaa vengi, amu valolie mitanye yanu misha, vautye-wo ińinisa Nde yanu wa iṛuvewu.

Barua ya Petiro ya kavili 2:1

Kake vandekwimboo-fo vaauya fisuku va wongo kari ka vandu va Isiraeli, sheeli na ifo kwanu valosha va wongo vashaa nafo veeataa-fo miloshie irie mitambwe ya ireta vandu. Vakanaa na akwaa ni Nndumi ulya andevataua na ikwendie ureti lwa ree wo veni. Na veengi valatiaa ngyukasha tawo. Na kiimba kyawo shia ya udede irumwaa.

Barua ya Varome 6:19

Narera kwa mikae ya kivandu kiimba kya utanyari lwa mivili yanu. Amu sheeli mwaniingia meeṛo anu akava masinga a itana fa kiṛinda na fa ureti, mfo kuroń na alli niingień meeṛo anu ave masinga a usumani mukooye iiliswa!