Barua ya Vakorinto ya mbele 5:11 - MMA SHIYYA

¹¹ Kake mboni to sheeli tikai nndemutisiṛia sheeli mutasangesange na nndu akee ivaangwa mwanamae, nae mmwaaisi ana llembi ana murasia vaṛumu ana nruma ana nnangwa ana musoka. Nndu wa mikae ii mutakunde nta iliana nae.

Barua ya Vakorinto ya mbele 5:11 ပူးပေါင်းရင်းမြစ်များ

Barua ya Varome 16:17

Muṛe vanavama, namwikimba mulle valya vawore myaandu na findo fa iteveta fa ifuluta miloshie ilya mwankulosha. Iwukaniń nawo!

Barua ya Vatesalonike ya kavili 3:14

Na akwaa ni nndu woose na kava i ateerikiaa kirero kya barua ii yeru kusembekeń nndu ito ana manya mutalye nae usaṛe, amu aṛiike na isiika.

Barua ya Vatesalonike ya kavili 3:6

Vanavama, tamuvavasa na irina lya Nndumi Yesu Kristo: Kwaveń na mwanamae woose atawore walio na ilea ufundo lua munderambikio̱ ni ise.

Matayo 18:17

Kallea iirikya iwo, enda andeongoya siṛi. Kallea iirikya na siṛi deń, akuvie sha muyavaṛumu ana nsańiṛya kyaalo.

Barua ya Vakorinto ya mbele 5:13

Kake iwo vakee wooṛo ni Iṛuva avaumisiaa. Somuteń nkasha ulya akee kari kanu.

Barua ya Yohane ya kavili 1:10

Kwakooya nndu asha kwanu atarie ufundo lo manya mutawwarie numbeń kwanu ana nta mutamwisane.

Urambuyo lwa Yohane 22:15

Ifo wooṛo akaa makite na vasavi na vaaisi na vawaa na iwo vaindia maṛuva a wongo na valya woose vakundie wongo na iirera.“

Urambuyo lwa Yohane 21:8

Kake valya vakee veeṛei na vatakusurie na vatuṛua na vawaa na vaaisi na vasavi na valya vakee iindia fifu na va wongo woose fuva yawo ikee iruveń lia likee yaka muro wa kibalabala. Ilu llo ufu lwa kavili.“

Barua ya Timoteo ya mbele 3:3

Manya atave nndu aṛemie na wari ana nndu wa nkuru. Kake ave nndu wwoo atawore myaandu ana unyuku.

Matayo 23:25

Ushi ini vaaṛia va mitisiṛie na Vafarisayo, mukee vamakavili! Fulya ini mukee isangya umbata na faasho kwa wooṛo, kake kari kayo fiishule soka na iṛemisa.

Urambuyo lwa Yohane 2:20

Kake lwifo wikimbi lwa ikwikimba, fulya nta kutakee ilea nka to Isebeli ito akusendaa sheeli mmwauya eeloshaa vandu kateveta maketi akwa vatane waaisi, lingi valye nyama shirasie maṛuva a wongo.

Barua ya Vaefeso 5:5

Amu iki mumanyaa, sheeli nndu mwaaisi ana nndu awore ukwe ana nndu nnyuku akee sha nndu akee iṛundia iṛuva lya wongo arwaa diṅu ifo umangiń lwa Iṛuva na lwa Kristo ndi.

Luka 21:34

Neeni kulleń ninsha kaaṛa mirima yanu itatanyaṛiswa mfindo fa ndewu sha ilafuka na findo ana inangwa wwari ana ikwareesa na findo fa isanga li, kaaṛa nkonu to utamushee kibashuka.

Barua ya Vakorinto ya mbele 6:10

ana manini ndi ani valanga ndi ana vanangwa ndi ana varuma ndi ana vasoka ndi.

Barua ya Vakolosai 3:5

Kyasia waań milangie ilya ya mivili yanu ikee ya kiisanga sha waaisi na ukwe na ilanga ikasha na makusaṛo a ruu andu emwi na unyuku lukee windi lwa maṛuva a wongo.

Barua ya Vakorinto ya mbele 8:11

Na ulya akee ntanyari aretwaa kiimba kya imanya lyafo, nae mmwanamae wafo Kristo andemfiya.

Barua ya Vakorinto ya mbele 6:6

Kake mukee ikuṛiinga nndu na mwanamae kwa iwo vatakusurie Iṛuva.

Barua ya Varome 13:13

Tikaa na useli sha vandu vakee yenda nsanyiń. Nta luteefo ulafu ana inangwa, nta luteefo waaisi ana uravi, nta iteefo myaandu ana ureeree!

Urambuyo lwa Yohane 2:14

Kake fiifo findo kiindi kwafo fitashisenye, fulya kuwore vandu vakee kwanu vawore miloshie ya Bileamu ulya andelosha Balaki atevete vana va Isiraeli eevaloshaa ilya nyama shirasie maṛuva a wongo na itana waaisi.

Barua ya Timoteo ya mbele 6:5

na isuyana litawore mmando lya vandu vavakani sha vaworwa ni uketo vakwavie na udede. Wo vakee ikusaṛa sheeli iindia Iṛuva ni ikooya mbusha. Iwo va mikae yo lakana nawo.

Barua ya Vaefeso 5:18

Ana manya mutanangwa wwari, amu uretaa weendo usha, kake veń vandu veeshue Mumuyo wa Iṛuva.

Barua ya Vagalatia 2:12

Amu ili kitaare veenshaa vandu vaukie kwa Yakobo eekee ilyana na vakristo vaukie kwa vayavaṛumu. Kake ili wo vandesha, kakufukya kwawo kakwava eeṛeaa iwo vakee varine.

Barua ya Vakorinto ya mbele 11:21

Amu ili mwilyaa, nndu woose akee iimboo-wo miliyeń ilya shoonga yamwi yo sheni, na uu umwi awarwa nsoto na uu ungi anangywa.

Barua ya Vakorinto ya mbele 10:14

Kiimba kya ikyo, vakunde vakwa, risheń windi lwa iindia maṛuva a wongo.

Barua ya Vakorinto ya mbele 7:15

Kake ulya atakusurie kalakana akulakanie. Io nndu nkristo ave wa kiwomi ana wa kika ni mfinge ndi. Amu Iṛuva antivaangia unambwe.

Barua ya Vakorinto ya mbele 7:12

Kake vandu vengi nkee ivaia niń ana nta ni Nndumi ndi: Mwanamae umwi wanu kwakooya awore nka wamwi atakusurie Iṛuva na nka to akundie ikaa nae, atalleye ndi.

Mitanie ya varumi 9:17

Na Anania kaenda kaaka numba ilya kaekeṛia Saulo maako kamwia: Mwanama Saulo, ni Nndumi Yesu anshiruma ulya andekukworusa kulya shień, amu kukooye lingi ilolia na iishuṛwa Mumuyo Nsongori.

Luka 18:11

Mfarisayo ulya kasalala katereva Iṛuva kuri ifo ngooń yamwi: Nakwaana Iṛuva, fulya niń ntakee sha vandu vengi, ntakee sha fisoki ana sha valembi ana sha vaaisi ana sha nsaṅiṛia kyaalo ullya.

Mitanie ya varumi 1:15

Kyasia mikonu ilya Petiro kasalala kari ka vanavamae — nawo veekee andu emwi sha vandu iyana limwi na makumi avili — kanumbua:

Barua ya Vakorinto ya mbele 6:9

Ana mwishi se sheeli varekwa sha iva vatakooyaa diṅu ya umangi lwa Iṛuva? Manya mutalembike: Vaaisi nta vakooyaa diṅu ya umangi lwa Iṛuva ndi ana varasia firasio ndi ana vaaika ndi ana valya vakee isuta uka ana uumi ndi ana varoko ndi