Barua ya Vakorinto ya mbele 5:1 - MMA SHIYYA

¹ Koose ifo kwanu kikee iitiwa kukwani waaisi, nalo wwaaisi luteefo na akwaa nkwa vayavaṛumu: sheeli nndu akee iva na nka wa ndee.

Barua ya Vakorinto ya mbele 5:1 ပူးပေါင်းရင်းမြစ်များ

Urambuyo lwa Yohane 21:8

Kake valya vakee veeṛei na vatakusurie na vatuṛua na vawaa na vaaisi na vasavi na valya vakee iindia fifu na va wongo woose fuva yawo ikee iruveń lia likee yaka muro wa kibalabala. Ilu llo ufu lwa kavili.“

Urambuyo lwa Yohane 2:21

Nammuniinga mwaanya wa iilashika, kake afurie iilashika na itia waaisi ndi.

Barua ya Vakolosai 3:5

Kyasia waań milangie ilya ya mivili yanu ikee ya kiisanga sha waaisi na ukwe na ilanga ikasha na makusaṛo a ruu andu emwi na unyuku lukee windi lwa maṛuva a wongo.

Barua ya Vaefeso 5:3

Kake findo fa waaisi ana fa ukwe ana fa unyuku fitasendwa kwanu kutu ndi, amu iki kisumani kwa vandu vasongori ndi,

Barua ya Vagalatia 5:19

Na mitanie ya kiwili imanyikie baa sheeli ikai. Nayo yyo ii: Wwaaisi na ukwe na uravi

Barua ya Vatesalonike ya mbele 4:7

Amu Iṛuva antivaangia ukwe ndi, kake antivaanga tive vailise.

Barua ya Vakorinto ya kavili 12:21

Nań ili nshaa lingi, Iṛuva wakwa ashinyiisaa lingi ifo kwanu, nań ndiikiaa veengi vanderekio̱ kuuka ilyo vatandekurra ukasha na ukwe na waaisi vandelutana.

Barua ya Vakorinto ya mbele 6:18

Risheń waaisi! Ireko lyoose litanwaa ni nndu likee wooṛo ya vvili wamwi. Kake ulya akee mwaaisi akee yaṛua vvili wamwi ye muni uve wa mareko.

Barua ya Vakorinto ya mbele 6:13

Mwanumbua: ”Shoonga yya ndewu na ndewu yya shoonga“. Ee, kake Iṛuva aretaa foose fili fivili ndewu na shoonga. Kake vvili wa nndu wwa waaisi ndi, kake wwa Nndumi, nae Nndumi mmuni vvili uu.

Barua ya Vakorinto ya mbele 6:9

Ana mwishi se sheeli varekwa sha iva vatakooyaa diṅu ya umangi lwa Iṛuva? Manya mutalembike: Vaaisi nta vakooyaa diṅu ya umangi lwa Iṛuva ndi ana varasia firasio ndi ana vaaika ndi ana valya vakee isuta uka ana uumi ndi ana varoko ndi

Barua ya Vakorinto ya mbele 5:11

Kake mboni to sheeli tikai nndemutisiṛia sheeli mutasangesange na nndu akee ivaangwa mwanamae, nae mmwaaisi ana llembi ana murasia vaṛumu ana nruma ana nnangwa ana musoka. Nndu wa mikae ii mutakunde nta iliana nae.

Mitanie ya varumi 15:29

Mfo ifi: Mwiwukani na findo fa misimbika ya firasio ya fwana na usao na nyama takuṛwa na waaisi. Mukakwima ifo mutanaa kisha. Kaańń na kibua!

Mitanie ya varumi 15:20

Kake tivati-siṛie barua na ivaia vaiwukani na irasia vaṛumu na iiwukana na waaisi na ilya nyama ta findo fakuṛwa na inwa usao.

Barua ya Vakorinto ya kavili 7:12

Kyasia lla kasa nndemutisiṛia, nndetisiṛa kiimba kya ulya akee mbaai ana nta nkiimba kya ulya anderetwa ndi, kake naamu itomaa lyanu kiimba kyeru likooye ilolika kwanu mbele ya Iṛuva.

Barua ya Vakorinto ya mbele 1:11

Amu vanavama namoongoywa mboni tanu vvalya vakee va numba ya Kiloe, sheeli kwanu lwifo uṛiingi.

Barua ya Vakorinto ya kavili 2:5

Kake kwakooya nndu annarisa kwanu, nta ashinarisa niń ndi, kake nkyeenga kwa kyeenga da — amu ntashe imwemia nnu — amunarisa ini mu woose.