Barua ya Vakorinto ya mbele 4:5 - MMA SHIYYA

⁵ Kyasia manya mutafukye alli kya mashoṛa eru kitaare Nndumi ansha, amu yye asherambuaa uṛikio loose lurikio̱ vvandu na imanyisa ashemanyisaa na baa makusaṛo a vandu afisio̱ ngooń. Llyo na nndu woose aavio̱o̱ maṛe amwi ni Iṛuva alya asumani na mashoṛa amwi.

Barua ya Vakorinto ya mbele 4:5 ပူးပေါင်းရင်းမြစ်များ

Barua ya Yakobo 5:7

Kyasia vanavama, sisirień kumande Nndumi ashaa. Lleń te nndu nremi akee iverea filimu fa nrema tamwi eesisiriaa kiimba kyayo kumande fua ya kisie na ya mateeri ikabaa.

Barua ya Vakorinto ya kavili 5:10

Amu ise ti woose kyatiwara timanyike mbele ya kifumbi kya uumisio lwa Kristo, amu nndu woose atawa kilya andetana lia akee na vvili, akwaa fikee fisha ana akwaa fikee fikasha.

Barua ya Vakorinto ya mbele 3:13

kyasia mashoṛa a nndu woose amanyikaa na baa. Nkonu ulya wa uumisio wavanisaa, fulya ukumanyisaa urie muro. Na muro ulya weleliaa ishoṛa lya nndu woose llya mikae ki.

Barua ya Vaebrania 4:13

Ana nta kiifo kindo kitane kitakee na baa mbele ya Iṛuva ndi, kake findo foose fikworusie na baa mbele ya miso amwi ito tiuṛwaa yye.

Barua ya Vakorinto ya kavili 10:18

Amu ulya akee ikushomba ye muni wwa udede ndi kita ulya akee iitikiswa ni Nndumi.

Barua ya Varome 2:16

Ifi Amanyikaa nkonu ulya ili Iṛuva aniingaa Yesu Kristo irambua fiṛisi fifisio̱ wandu. Ii yyo nrumi shisha nndeniingio̱.

Barua ya Varome 2:1

Kwa ikyo iwe nndu na kwava i kuwore nta kindo kya ikuuta ndi, ili kukee yumisia ungi. Amu filya kukee yumisia nndu ungi kwankuumisia iwe ku muni. Amu filya kwaumisia kukee ifitana fo feni.

Urambuyo lwa Yohane 20:12

Nań nalolia vafu valya vanini na valya vannya vaselele mbele ya kifumbi kilya kya kimangi. Na fitabu fikarulwa. Kiifo na kitabu kingi nakyo kikarulwa, nkilya kya muu. Na vafu valya vakaumisio kisumani na mitanie yawo ikee mitisiṛe fitabuń filya.

Barua ya Petiro ya mbele 1:7

amu ikusura lyanu lyelelio̱ kwakooya llya dede na ilolio̱ akwaa liwore uuru kita saabu ikashaa, nayo yelelio̱o̱ muroń kwakooya nshinuru. Mukawa kuro mukooyaa nsendo na tikisi na unini, ili Yesu Kristo alolikaa.

Barua ya Varome 2:29

Kake ye mMuyuda wa dede akee Muyuda ifo nrimiń na urini llwa ngooń yamiiliswa mMumuyo liteefo ivavaso. Tikisi ya Muyuda uu yukie kwa vandu ndi kita nkwa Iṛuva muni.

Barua ya Vakorinto ya kavili 4:2

Kake tallea findo fa usutu fa ifisafisa ana teendaa na mitambwe ndi ana isandasanda kirero kya Iṛuva na wongo ndi. Kake tireraa kilya kikee kya dede na baa, amu mirima ya vandu itirambue tikee kisanguń kya Iṛuva.

Barua ya Varome 14:4

Eewe ni iwe i kuumisiaa iketi lya ungi? Kwakooya aselele ana awa, foose akee iṛundia nndumi wamwi da. Kake aseṛeeswaa, amu nndumi amakii imwimboo.

Yohane 5:44

Mumakii are ishikusura ini mukee ikwitikisa mu veni na mu veni, na nduma ulya ukee yuka kwa Iṛuva muni mutakee iṛuya?

Barua ya Yakobo 4:11

Manya mutakuṛiinge, vanavama. Ulya aṛiingaa mwanamae ana yumisia mwanamae akee iṛiinga mavavaso na yumisia mavavaso. Kake kwaumisia mavavaso kuvaa mwawutia mavavaso ndi, kake kwavva mwumisia mwanamaa.

Luka 6:37

Manya mutarere vandu fikasha, amu neeni mutarerwa. Manya mutaumisie vandu, amu neeni mutaumisio̱. Veń vandu va itia vandu sile tanu, amu neeni mutio̱ sile.

Matayo 24:46

Ulya akee wa ngoma ni iketi lia Nndumi wamwi ankooyaa eetanaa kuro ili ashaa.

Urambuyo lwa Yohane 1:7

Lleń te akee isha ariwa mmaṛumbe. Na miso woose alloliaa na a valya vandensimba. Na ngyufwari toose ta isanga vaishiṛaa kiimba kyamwi. Ee nkya dede. Amen.

Barua ya Petiro ya mbele 5:4

Mukavva kuro muwariaa kiṛeto kya uvingo ikyo kitaumaa, ili mwisi ito nnini alolikaa.

Barua ya Vatesalonike ya mbele 5:2

Amu ini mu veni mwishi sheeli nkonu wa Nndumi ushaa sheeli inini lishee kio.

Yohane 21:22

Yesu kamwia: Kwakooya mfuraa ito akaa na muu kumande nuuyaa kyakutiṅa-fo ki? Iwe shisoṛa da!

Barua ya Petiro ya kavili 3:4

veenumbuaa: Nkwi kirekio kilya kya isha lyamwi kikai? Amu kuuka ilyo vakuuku vandeenda iinutwa foose fikee fa mikae iyo da kuuka mbooko sheeli fatanwa.

Matayo 25:23

Nndumi wamwi kamwia: Nkisha iketi isha kukee nsongovisi. Kwikee mulla wa findo faangu, kuvaa mulla wa fiingi. Aka ifureń lya Nndumi wafo!

Barua ya Yuda 1:14

Na Enoki nkuuku ulya wa mfungare kuuka Adamu aringisia kyawo eereraa: ”Lla Nndumi ansha ariani na vasongori vamwi mafiku na mafiku,

Barua ya Petiro ya kavili 3:12

Lingi muveree nkonu wa Nndumi umushee, amu mumakii inrishia. Amu nkyo kiimba iṛuvewu liveṛukaa liimuṛusoo mmuro na filya fiifo kuuka mbooko feetwaa mmuro.

Barua ya Vakorinto ya mbele 15:23

Kake nndu woose na ikamba lyamwi, wa mbele nKristo, numa walya vakee va Kristo ili ashaa.

Barua ya Vakorinto ya mbele 11:26

Amu kyeeri kyoose mukee ilya nkate uu na inwa umbata lu mukee ikwanisa ufu lwa Nndumi kumande ashaa.

Barua ya Vakorinto ya mbele 1:7

Kiimba kya iki nta wavi lumwi mwantuṛa ili mwivereaa ilolika lya Nndumi weru Yesu Kristo.

Barua ya Varome 2:7

Iwo vatakee yaraa itana fisha veeṛuyaa unini na tikisi na ikaa kitaare vakashaa iwo avaniingaa muu utasiaa.

Matayo 24:30

Na io llyo ilolikaa myorusye ya Mwana wa nndu iṛuvewu. Llyo ngyufwari toose ta isangeń tiishiṛaa, ili valolyaa Mwana wa nndu eeshaa na ma-ṛumbe auka iṛuvewu akee na finya na unini.

Barua ya Vakorinto ya mbele 3:8

Kake muveekya na munisa vavakani, na nndu woose aniingwaa maṛe amwi asumani na mikwatarie yamwi ye muni.

Matayo 25:21

Nndumi wamwi kamwia: Nkisha iketi isha kukee nsongovisi. Kwikee mulla wa findo faangu, kuvaa mulla wa fiingi. Aka ifureń lya Nndumi wafo!

Matayo 10:26

Kyasiań manya mutavaeṛee ndi! Amu kiifo kindo kifise kitalolikaa numa ndi. Ana nta kiifo kyama kifike kitamanyikaa numa ndi.

Yohane 21:23

Na kirero kyo kikakwana kwa vandu va Yesu veenumbuaa: Mwanalosho to akifwaa ndi. Kake Yesu aia Petiro mwanalosho to atakifwaa ndi, kake niikai amwia: Kwakooya mfuraa ito akaa na muu kumande nuuyaa kyakutiṅa-fo ki?

Barua ya Vakorinto ya mbele 3:14

Ishoṛa lya nndu andelisongosia likankaa litareke muroń aniingwaa maṛe amwi.

Barua ya Vakorinto ya mbele 11:16

Kake kwakooya nndu afurie iira ngani, ise toore mikae sha iyo ndi ana nta siṛi ta Iṛuva ndi.

Barua ya Yakobo 5:9

Vanavama, manya mutakuṅuṅurie, kaaṛa mutaumiso̱. Lleń muleta aselele mwaangoń.

Barua ya Vakorinto ya kavili 10:9

Ana nta wakani na nndu akee imutisiṛia barua ta imukyangisa.