Barua ya Vakorinto ya mbele 4:4 - MMA SHIYYA

⁴ Niń niimakii inumbua da: Niishi nta kindo nankasheesa ndi, kake irera li llyo likee ishiniinga usongori kwa Iṛuva ndi. Eefo umwi tubu ashiuṛaa mashoṛa akwa na ishitaa. Nae ni Nndumi muni.

Barua ya Vakorinto ya mbele 4:4 ပူးပေါင်းရင်းမြစ်များ

Barua ya Vakorinto ya kavili 1:12

Amu tikisi yeru ikee irambulwa mmirima yeru yyo ii sheeli: Tindekuwara na weendo kunu isangeń lukee lwa usongovisi na warutu luukie kwa Iṛuva, nta llwa uṛango lwa kivandu ndi, kake wweendo lukee ikuwara na ililia lya Iṛuva lukamanyika kwanu ini kya mmwasi.

Barua ya Vakorinto ya kavili 5:10

Amu ise ti woose kyatiwara timanyike mbele ya kifumbi kya uumisio lwa Kristo, amu nndu woose atawa kilya andetana lia akee na vvili, akwaa fikee fisha ana akwaa fikee fikasha.

Barua ya Vakorinto ya mbele 4:5

Kyasia manya mutafukye alli kya mashoṛa eru kitaare Nndumi ansha, amu yye asherambuaa uṛikio loose lurikio̱ vvandu na imanyisa ashemanyisaa na baa makusaṛo a vandu afisio̱ ngooń. Llyo na nndu woose aavio̱o̱ maṛe amwi ni Iṛuva alya asumani na mashoṛa amwi.

Barua ya Varome 2:13

Amu valya vamiita mavavaso vakee vasumani mbele ya Iṛuva ndi, kita valya vaindiaa mavavaso a Iṛuva wwo vataalio̱ sheeli vvasumani.

Mitanie ya varumi 23:1

Paulo kalla vandu valya va kikwena kanumbua: Muṛe womi vanavama, niń kumande nkonu wa nnu nandundia Iṛuva na nrima mweelwa na usha lwakwa liteefo ilomi.

Yohane 21:17

Kamwuṛa lya kararu: Simon wa Yohane, kushikundie? Petiro kanaria, fulya andemwuṛa lya kararu: Kushikundie? Kamwia: Nndumi, iwe kwishi findo foose, kwishi kwamanya nkukundie. Na Yesu kamwia: Isa mburu takwa!

Barua ya Varome 4:2

Amu kwakooya Abraamu aniingwa usumani kiimba kya mitanie yamwi, amakii ikushomba, kake mbele ya Iṛuva nkuro ndi.

Barua ya Vakorinto ya mbele 4:3

Kilya mukee ishirera ini kya mashoṛa akwa ana vandu vengi vakee ishirera, nkindo ndi. Na akwaa nniń shi muni nkaṛiaa ikurera shi muni kya mashoṛa akwa ndi.