Barua ya Vakorinto ya mbele 4:14 - MMA SHIYYA

¹⁴ Namutisiṛia ifi, amu mmusute ndi, kake ni imwikimba nafo mukee vana vakwa wakundie.

Barua ya Vakorinto ya mbele 4:14 ပူးပေါင်းရင်းမြစ်များ

Barua ya Vatesalonike ya mbele 2:11

Ikyo nakyo mwishi sheeli tindemuikimba ini na imukaarisa nndu woose kikwamwi, sheeli vaava alembalembaa vana vamwi,

Barua ya Yohane ya kararu 1:4

Nta noore ukyesi unini kita ilu lwa iita sheeli vana vakwa vakee yenda weendo lukuwore na udede lo ndi.

Barua ya Vakorinto ya mbele 9:15

Kake niń nndetana kimwi kya mboni to ndi. Ana nta natisiṛa ifo, amu kive kuro kwakwa ndi. Amu ṅṅwana mfwe kita ili nndu umwi na kava i akasheesaa tikisi ii yakwa.

Barua ya Vakorinto ya mbele 4:15

Amu na kwakooya muwore sha valosha fiku na fiku va imulosha fa Kristo, kake muwore nta vaande veengi ndi. Amu niń nniń nndemwira nkee na Kristo Yesu kwa shia ya nrumi shisha.

Barua ya Vatesalonike ya mbele 5:14

Tamutereva, vanavama, ikimbeń valya vatakee na useli, kaariseń valya vakee na nrima ntanyari, niingeń valemwa finya, veń na ulalamboo kwa vandu woose.

Barua ya Vakolosai 1:28

Nae yye ise tinkwanisaa tiikimbaa nndu woose na ilosha nndu woose uṛango lukee lwa dede, amu taaṛue nndu woose asumanike kwa Kristo.

Barua ya Vakorinto ya kavili 12:19

Mwabooka kuuka mbele itikusaṛia sheeli tikee ikushiisa mbele yanu. Mbele ya Iṛuva tikee irera tikuwore na Kristo, na ifi foose nkiimba kya imusongosia ini, muṛe vakunde.

Barua ya Vakorinto ya kavili 11:11

Nkiimba ki? Naare niikai ntamukundie ini? Iṛuva afiishi.

Barua ya Vakorinto ya kavili 7:3

Narera ikyo amu mmuumisie ndi, amu neemmaa irera mbele, sheeli ini mukee mirimiń yeru, na akwaa ni ifwa andu emwi neeni na ikaa na muu andu emwi neeni.

Barua ya Vakorinto ya mbele 15:34

Rundeń na uṛango sheeli kyawara ana manya mutatane fikasha. Fulya veefo kari kanu vateeshi Iṛuva. Nkee irera ifo mmumanyise sonu.

Barua ya Vakorinto ya mbele 6:5

Ifi nafirera mmuute sonu. A le nkuro sheeli kunu kwanu eefo nndu umwi awore uṛango amakii ifukya firero fa mwanamae wamwi ndi?

Mitanie ya varumi 20:31

Kwa ikyo kaań kya umbuura mwikumbuaa sheeli myaka iraru kio na nsanyiń nare ntaikimba nndu woose wanu na masoru ndi.

Barua ya Vakorinto ya mbele 4:17

Kiimba kya iki nanruma Timoteo kwanu akee mwanakwa nkunde akee mwindia Nndumi. Yye amukumburusaa mikae yakwa ya ilosha nkuvavie na Kristo ilya nkee ilosha siṛiń toose andu woose.

Barua ya Vatesalonike ya kavili 3:14

Na akwaa ni nndu woose na kava i ateerikiaa kirero kya barua ii yeru kusembekeń nndu ito ana manya mutalye nae usaṛe, amu aṛiike na isiika.

Barua ya Filemon 1:10

Ili nkee kuri, nakutereva kya mwanakwa nndemwiria kifingioń kyakwa, yye Onesimo.

Barua ya Yohane ya mbele 2:1

Vana vakwa vakunde, namutisiṛia ifi, amu mutarekwa. Kake kwakooya eefo anderekwa, toore mutisalalia kwa Nde, yye Yesu Kristo akee wa usumani.