Barua ya Vakorinto ya mbele 4:10 - MMA SHIYYA

¹⁰ Ise tikee variṅani kiimba kya Kristo, kake ini muwore uṛango luukie kwa Kristo. Ise tikee vatanyari, kake ini muwore finya. Ini mukee na tikisi, neese tikee na wilo.

Barua ya Vakorinto ya mbele 4:10 ပူးပေါင်းရင်းမြစ်များ

Barua ya Vakorinto ya mbele 2:3

Nań nakaa kwanu na mikae ya utanyari na weṛei na irerema iingi.

Mitanie ya varumi 26:24

Neeli eekee ikukabania kuri Festo karera na ununga unini: Paulo, kuworwa ni usukwa, isoma lyafo iingi lyamiilasha uṛango lwafo.

Mitanie ya varumi 17:18

Na vandu kiindi va taari ya Epikuro na ya Sitoa vakavingana nae. Veefo vandenumbua: A nriṅani uu afurie irera ki? Vengi vakanumbua: Alolikie sheeli mmukwanisa mboni ta maṛuva meeni. Mfulya Paulo eekee ikwanisa mboni ta ifura ta Yesu na ta iṛuka lyamwi.

Barua ya Petiro ya mbele 4:14

Muvaa va ngoma, kwakooya mwarumwa kiimba kya irina lya Kristo, fulya Mumuyo wa unini nto wa Iṛuva amukaye.

Barua ya Vakorinto ya kavili 13:9

Amu tikee ifura kwakooya ise tava vatanyari neeni mukava na finya. Lingi ifi nafo tikee itereva mukooye iselevendwa.

Barua ya Vakorinto ya mbele 3:18

Manya nndu atakulembe ye muni! Kwakooya nndu akulolia sheeli awore uṛango kari kanu na kari ka isanga li, ave sha ntondo, amu llyo akooyaa uṛango.

Barua ya Vatesalonike ya mbele 4:8

Kyasia ulya abiṛie mifundie ii, abiṛie nndu ndi, kake abiṛie Iṛuva muni ammuniinga Mumuyo wamwi Nsongori.

Barua ya Vakorinto ya kavili 11:29

Ni i akee ntanyari nań ntasaandi nae? Ni i atevetwa nań ntaliwa nngoo?

Barua ya Vakorinto ya kavili 11:19

Ini fulya muwore imanya, mukee isisiria variṅani na ifura.

Barua ya Vakorinto ya kavili 10:10

Amu veefo vashireraa veenumbuaa: Barua tamwi nshuumu toore finya. Kake ili aiyo ye muni kwa kivvili ni ntanyari na mboni tamwi tirie ngo ndi.

Barua ya Vakorinto ya mbele 10:12

Kwa ikyo ulya akusaṛie aselele akulle atawe.

Barua ya Vakorinto ya mbele 4:8

Mwammaa iwuura, mwammaa ikooya usimba mukawara na umangi kitaare ni ise tamuniingia. Ee kifoo mushiliaa umangiń lu, amu neese tishilie-fo andu emwi neeni!

Barua ya Vakorinto ya mbele 3:2

Nndemuniinga maruva, nta nndemuniinga shoonga shuumu ndi, fulya kitaare mwimakii mwikiseree. Ee na akwaa ni alli mumakii ndi.

Barua ya Vakorinto ya mbele 2:14

Kake nndu akusurani na mikae yamwi meni awariaa fa miniingie ya Mumuyo wa Iṛuva ndi, amu kwamwi ye nsha fa utondo, amakii ifimanya ndi. Amu ifi kyawara fimanyike kwa finya ya Mumuyo.

Mitanie ya varumi 17:32

Kyasia ili vandeita mboni ta iṛuka lya vafu, vengi vakamweetia. Vengi vakanumbua: Tikwaranyaa mboni yo nkonu ungi.

Mitanie ya varumi 9:16

Nań mmworusaa matuṛulwa woose alya atuṛulwaa kiimba kya irina lyakwa.

Luka 18:9

Yesu kalolia vandu kiindi vandekumanya wo veni sheeli wasumani vakabiṛa vengi. Kavakabia sumu kanumbua:

Luka 10:16

Ulya amwaranyaa ini nniń anshaaranya. Na ulya amuleaa ini nniń anshilea. Na uu ashileaa niń allea ulya anshirumia.

Luka 6:22

Mukee va ngoma ini, ili vandu vamusuaa na ikufukya na ini na imurumaruma na yeeṛa irina lyanu ifo wooṛo sha kindo kiravi kiimba kya Mwana wa nndu.

Matayo 24:9

Numa llyo vamurambikyaa muliswa ukiva na imuwaa. Na lingi musulwaa vvandu woose kiimba kyakwa.

Matayo 5:11

Ngoma ini mukee irumwa vvandu na yumbutwa na ifingyo firero fikasha foose kya wongo kiimba kyakwa.

Barua ya Vakorinto ya mbele 1:21

Amu kwa uṛango lo lwayo isanga li lindemanya Iniva na uṛango lwamwi lwa kiiṛuvewu lukee lwa dede ndi. Kwa ikyo Iṛuva andekunda ikiṛa valya vankusurie na mboni ikee ilolio̱ ni isanga sheeli yya uṛiṅani.

Barua ya Vakorinto ya mbele 1:23

Kake ise tikwanisaa Kristo sheeli akabio̱ kiriń, na mikwanisie ii Vayuda vakaila na Vagiriki vakaiaṛua ya utondo.

Barua ya Vakorinto ya mbele 1:25

Amu kilya kikee kya utondo kyuka kwa Iṛuva kyo kikee na uṛango lukilie lwa vandu. Na kilya kikee kya utanyari kyuka kwa Iṛuva kyo kikee na finya ikilie ya vandu.

Barua ya Vakorinto ya kavili 6:8

Tikee ikworusa sheeli tikee maketi a Iṛuva, na tikaṅiniswa na tikabiṛwa na tikarerwa kikasha na tikarerwa kinuru. Tikee ivaangwa valembi, kake tikee va dede.

Barua ya Vakorinto ya kavili 4:12

Kyasia kilya kikuworie neese kya iṛunda ni ufu, kake kilya kikuworie neeni kya iṛunda mmuu.