Barua ya Vakorinto ya mbele 4:1 - MMA SHIYYA

¹ Ise vakwanisa kirero kya Iṛuva tifurie ilolio̱ ni nndu woose sheeli tikee vaṛundi va Kristo na varingi va fiṛisi fa Iṛuva.

Barua ya Vakorinto ya mbele 4:1 ပူးပေါင်းရင်းမြစ်များ

Barua ya Petiro ya mbele 4:10

Rundianiń ini mu veni na mu veni nndu woose eeṛundaa na kilya amaavio̱. Kuro llyo muvaa valla va illa ngyuavi ta uwoo lwa Iṛuva tikee ta mikae miingi.

Barua ya Tito 1:7

Amu kyawara mulla siṛi ave nndu ataṛiingwa nkindo, amu ni nringi wa Iṛuva. Manya atave nndu wa ikushiisa ye muni, manya atave mwaangu wa ituṛuka, manya atave nnangwa ana muyamyaandu, manya atave mukunda mbusha ya usutu.

Barua ya Timoteo ya mbele 3:9

Vaware kiṛisi kya ikusura nrimiń nnuru.

Barua ya Vakorinto ya kavili 4:5

Amu ise tikee ikukwanisia ti veni ndi, kake tikee ikwanisa sheeli Kristo Yesu ni Nndumi, neese tikee maketi anu kiimba kya Yesu.

Barua ya Vaefeso 6:19

Shiterevień nań, amu nniingwa kirero kya irua kana kakwa nkwanise na utomari kiṛisi kilya kya nrumi shisha ya ikia.

Barua ya Varome 16:25

Iṛuva yye awore finya ya imukaarisa ikusureń lyanu ili lisumani na nrumi ya ifura ya ikwanisa Yesu Kristo, sheeli niń nkee iikwanisa, likasumana na irambulwa lya kiṛisi kilya kiikee kifise kuuka kala.

Barua ya Vakolosai 4:3

Mutiterevie neese, amu Iṛuva atirue mwaango wa yata kirero kyamwi, amu timakii irera kiṛisi kya Kristo nkilya kyeeni nndefingio̱,

Barua ya Vaefeso 1:9

Kikansenya itirambuya kiṛisi kya makusaṛo amwi.

Barua ya Vakorinto ya kavili 12:6

Na kikooye nafura ikuṅinisa, niivaa nantana kindo kya utondo ndi, amu iki niireraa kiivaa kya dede. Kake nkusembekaa kaaṛa nndu atashiitikise kilanya ya filya akee ilolia kwakwa na iita.

Barua ya Vakorinto ya kavili 11:23

Wo waṛundia Kristo? — narera kya uketo — nniń kya mmwasi. Kari ka ngatara wakilie deń. Fifingioń wakilie deń. Fa ikabwa wakilie nnu kutu. Fitaniń fa ifwa nkeengi.

Luka 12:42

Nndumi kanumbua: Kyasia ni i akee mulla nsumani akee na ndango, nndumi wamwi anreyaa maketi amwi avaavie wavi lwawo lwa shoonga ili kyeeri kifikaa?

Matayo 24:45

Kyasia ni iń akee iketi itele na iṛango, Nndumi wamwi anrambikye va numba yamwi avaniinge shoonga saa yawo ikamfika?

Barua ya Timoteo ya mbele 3:16

Nkya dede kiṛisi kikee kinini kya windi. Nakyo nkyo iki: ”Uu andekworusa kwa wili wa nndu, kairikio̱ mMumuyo, kalolikia vamalaika, kakwaniswa kari ka vayavaṛumu, kakusurwa isangeń, karosio̱ uniniń“.

Barua ya Timoteo ya mbele 3:6

Lingi atave nndu andesha siṛiń suku to sheni, kaaṛa atakushombe na ituulwa uumisioń nSatana.

Barua ya Vakorinto ya kavili 6:4

Kake findoń foose tikee ikworusa sheeli tikee maketi a Iṛuva. Nafo mfa utele wiingi na fa ngyukiva na fa ngatara.

Barua ya Vakorinto ya mbele 4:13

Tikafingio̱ uresi neese tikalembalemba. Tamaaṛulwa sha kyoo kya isanga na fiṛinda fa findo foose kumande nnu.

Barua ya Vakorinto ya mbele 3:5

A Apolo wwa ki? Na Paulo wwa ki? Vvaṛundi vandemulosha ikusura Nndumi, na nndu woose weru akee iṛunda sheeli andeavio̱ ni Nndumi.

Barua ya Vakorinto ya mbele 2:7

Kake tarera uṛango lwa Iṛuva lukee kiṛisi, lukee ufise llua Iṛuva eemmaa iludeeṛia kuuka ilyo kala kitaare isanga lyeentanwaa, amu ise tikooye tikisi yeru.

Mariko 4:11

Nae kavaia: Ini mwanniingwa imanya kiṛisi kya umangi lwa Iṛuva. Kake iwo vakee wooṛo wo foose fivaviaa veekabio̱o̱ sumu.

Matayo 13:11

Nae kaaṛua kanumbua: Ini mwanniingwa imanya lya imanya kiṛisi kya umangi lwa iṛuvewu. Kake iwo wo vvaniinge ndi.

Luka 8:10

Kavaia: Ini mwanniingwa imanya fiṛisi fa umangi lwa Iṛuva. Kake valya vengi wo vakaio̱ sumu tubu, amu vakamfita vatalolie, na ili vaitaa vatamanye.

Luka 1:2

sheeli tindefitio warambua valya vandelolia Kirero kilya na miso awo wo veni na ikiṛundia.

Barua ya Varome 11:25

Amu, vanavama, mfurie mutuṛe imanya lya kiṛisi iki ndi, amu mutakulolie sheeli muwore uṛango mu veni, fulya Vaisiraeli kyeenga vakee vaumu nrima kumande vayavaṛumu woose vamaa yatwa siṛiń ya Iṛuva.

Barua ya Vakorinto ya mbele 4:2

Kyasia kwa varingi wo kiifo kindo kingi kikee illwa kwawo ndi kita usuro lwawo lwa iringa.