Barua ya Vakorinto ya mbele 3:9 - MMA SHIYYA

⁹ Amu ise tiṛundaa mashoṛa andu emwi na Iṛuva, ini mukee nrema ya Iṛuva, lingi mukee numba ya Iṛuva.

Barua ya Vakorinto ya mbele 3:9 ပူးပေါင်းရင်းမြစ်များ

Barua ya Petiro ya mbele 2:5

Mfo kuro neeni mukee sha mawe awore muu musongosio̱ muve numba ya Mumuyo na iva muve varasia vasongori va iniingia Iṛuva misimbika ya kimumuyo ya insenya kiimba kya Yesu Kristo.

Barua ya Vakorinto ya kavili 6:1

Kake ili ise tikee uṛundiń ilu lwa iṛundia Iṛuva, tikee imufunda: Manya mutawarie ililia lya Iṛuva kya ruu.

Barua ya Vakorinto ya mbele 3:16

Mwishi se sheeli ini mukee numba ya Iṛuva na sheeli Mumuyo Nsongori akaa kari kanu?

Mariko 16:20

Na vaseṛo vamwi vakaenda vakakwanisa mboni shinuru ta Iṛuva koose. Na Nndumi katana mashoṛa andu emwi nawo kakaarisa firero filya fawo na myorusie ilya ya finya iilunganii nawo.

Matayo 9:37

Llyo aia vaseṛo vamwi: Iilula ni iingi, kake vaṛundi waangu.

Barua ya Vakorinto ya mbele 3:6

Niń nndeveekya Apolo kanisa, kake Iṛuva yye andemirisa.

Barua ya Vakolosai 2:7

Muve vakuveekia si kwamwi na ikusongosia na ikukaarisia ikusureń sheeli mundeloshwa na yengeṛia iniingia yaana.

Barua ya Vaefeso 2:10

Fulya ise tindetanwa yye tikatanio̱ Kristo Yesu, amu tiṛunde mitanie yeru misha, ni ilya Iṛuva andetisongosia kuuka mbele tiilatie.

Barua ya Vakorinto ya mbele 6:19

Ana mwishi se sheeli mivili yanu yawa numba ya Mumuyo Nsongori akee kari kanu uu mwanniingio̱ ni Iṛuva? Ana nta ini mukee masaa anu mu veni ndi.

Mitanie ya varumi 4:11

Ye yye iwe lia lindelewa watana numba, nalyo lyanrawa live iwe inini lya wembe.

Barua ya Yohane ya kararu 1:8

Kyasia kyantiwara ise iwaria vandu sha iwo, amu timanyike tikee iṛundia udede andu emwi nawo.

Barua ya Timoteo ya mbele 3:15

Kake nansinda, kumanye weendo kasa kyawara vandu veende ifo numba ya Iṛuva, nayo ikee siṛi ya Iṛuva muni muu, ikee ngo na mfulo wa udede.

Barua ya Vakorinto ya kavili 6:16

Lingi lwifo witanu ki kari ka numba ya Iṛuva na ya firasio? Amu ise tikee numba ya Iṛuva akee na muu, sheeli Iṛuva anderera: ”Nkaa kari kawo, lingi nruaruaa kari kawo, nań vvaa Iṛuva wawo, nawo vavaa vandu vakwa“.

Barua ya Vaebrania 3:6

Kake Kristo mMwana eetoṛio numba ii yamwi. Amu numba ii yamwi ni ise, kwakooya tikuwaraa na finya ya nrima na iṅinisa iverea lyeru kumande ifurumia.

Matayo 16:18

Nań nakwia: Iwe ni iwe Petiro, na kwa ule ya iwe li ntanyaa-wo numba yakwa, yyo siṛi yakwa. Na myaango ya vafu iivingaa ndi.

Matayo 15:13

Nae kavaaṛua kanumbua: Mwishi sheeli kilya kyoose kindeveekyo kitaare nNde yakwa wa iṛuvewu andekiveekya kiiṛulwaa.