Barua ya Vakorinto ya mbele 3:18 - MMA SHIYYA

¹⁸ Manya nndu atakulembe ye muni! Kwakooya nndu akulolia sheeli awore uṛango kari kanu na kari ka isanga li, ave sha ntondo, amu llyo akooyaa uṛango.

Barua ya Vakorinto ya mbele 3:18 ပူးပေါင်းရင်းမြစ်များ

Barua ya Vagalatia 6:3

Amu kwakooya nndu akee ikudedeṛa eenumbuaa: noore finya atawore, ankulemba ye muni.

Barua ya Yakobo 1:22

Veń vaṛundi va kirero, manya mutave vaaranya da, amu kuro mukee ikulemba mu veni.

Luka 18:17

Nkue namuia kya dede: Nndu kwakooya atawariaa umangi lwa Iṛuva sha mwana, aakaa-fo kutu ndi.

Matayo 18:4

Kyasia ulya woose akunyiisaa ye muni ave wa mikae ya kamwana sha ika, ito yye avaa nnini umangiń lwa iṛuvewu.

Mariko 10:15

Namuia kya dede: Ulya atawario̱o̱ umangiń lwa Iṛuva awore mikae ya mwana munnya, afikaa-fo kutu ndi.

Barua ya Yakobo 1:26

Kwakooya nndu akumanya ye muni sheeli ni ndundia Iṛuva, nae atamakii ivinga ulumi lwamwi, kake akee ilemba nrima wamwi muni, ito uṛundi lwamwi llwa ruu.

Barua ya Tito 3:3

Amu ilyo mbele neese tiikee vandu vatawore uṛango tiikee valea na vareti na iṛundia ilanga lya mikae miingi likee itisenya tikaengeṛia ukasha na iira iriso na ikutuṛukia ti veni na ti veni.

Barua ya Vaefeso 5:6

Nta mutalembwa ni nndu na firero fa iiṅana, amu kiimba kya findo fa mikae ii ituṛuka lya Iṛuva lyolokiaa valya vambiṛie.

Barua ya Vakorinto ya mbele 6:9

Ana mwishi se sheeli varekwa sha iva vatakooyaa diṅu ya umangi lwa Iṛuva? Manya mutalembike: Vaaisi nta vakooyaa diṅu ya umangi lwa Iṛuva ndi ana varasia firasio ndi ana vaaika ndi ana valya vakee isuta uka ana uumi ndi ana varoko ndi

Barua ya Vakorinto ya mbele 4:10

Ise tikee variṅani kiimba kya Kristo, kake ini muwore uṛango luukie kwa Kristo. Ise tikee vatanyari, kake ini muwore finya. Ini mukee na tikisi, neese tikee na wilo.

Barua ya Yohane ya mbele 1:8

Kwakooya tikee inumbua: Ise toore mareko ndi, tikee ikulemba ti veni na udede lwifo kari keru ndi.

Barua ya Timoteo ya kavili 3:13

Kake vandu vakasha na valembi veengeṛiaa yenda ukasheń veelembaa vandu na ilembika wo veni.

Barua ya Vagalatia 6:7

Manya mutakulembe: Iṛuva avaa iila ndi. Amu kilya nndu aveekia nkyo eelulaa.

Barua ya Vakorinto ya mbele 15:33

Manya mutalembike! Mirerie mikasha ikasheesaa windi unuru.

Barua ya Varome 12:16

Ngoo tanu toose kyawara tive kimwi! Manya mutakwareesie filya fikee firoo, kake kuwaraniń na valya vannya! Manya mutakumanyi mu veni sheeli mukee vaṛango!

Barua ya Varome 11:25

Amu, vanavama, mfurie mutuṛe imanya lya kiṛisi iki ndi, amu mutakulolie sheeli muwore uṛango mu veni, fulya Vaisiraeli kyeenga vakee vaumu nrima kumande vayavaṛumu woose vamaa yatwa siṛiń ya Iṛuva.

Luka 21:8

Kanumbua: Kulleń kaaṛa mutalembwa! Amu veengi vashaa na irina lyakwa veenumbuaa: Niń nniń ye! Lingi vanumbuaa: Kyeeri kyansha kufui. Kyasia manya mutavalatie!

Matayo 13:22

Na ito andeeṛwa miingeń ito yye ulya aaranyaa kirero kawarwa ni utaṛawu lwa isanga li na ilembwa mmasaa, nafo fikafwa kirero kyo nta ivika kilimu.

Barua ya Vakorinto ya mbele 3:17

Kwakooya nndu akasheesaa numba ya Iṛuva, Iṛuva akasheesaa nndu to. Amu numba ya Iṛuva nshisongori, nayo ni ini.