Barua ya Vakorinto ya mbele 3:12 - MMA SHIYYA

¹² Kake kwakooya nndu atania kindo kwa ule ya mfulo uu sha saabu ana fesa ana findo fa uuru ana miri ana marava ana maṛe:

Barua ya Vakorinto ya mbele 3:12 ပူးပေါင်းရင်းမြစ်များ

Barua ya Timoteo ya kavili 4:3

Amu kishaa kyeeri valeaa miloshie ya ikiṛa mirima, kake vairikiaa ilanga lyawo veni, vakuṛuiyaa valosha vawo mbumbu, fulya marwi a wo afurie.

Barua ya Timoteo ya kavili 3:7

veekuloshaa kyeeri kyoose, kake nta imakii ifikia uṛango lwa dede.

Barua ya Timoteo ya kavili 2:20

Kyasia kari ka numba nini fiifo fiya fa saabu na fesa da ndi, kake na fa kiri na fa uteri. Fiifo fingi fiwore mashoṛa a tikisi na fingi fiwore ndi.

Urambuyo lwa Yohane 21:18

Na usuṛumate lua lwikee utane na mawe a Yasipisi, na muṛi muni wikee wa saabu shisha ivakie kilola kinuru.

Urambuyo lwa Yohane 3:18

Nkee ikwia: Uṛa saabu kwakwa shisangye na muro, amu kuve isimba. Uṛa na masaṛa meelwa, amu usutu lwafo lwa ikaa kya ruu lutalolike. Uṛa na nri wa miso wa yaamba miso afo, amu kulolie.

Barua ya Petiro ya mbele 1:7

amu ikusura lyanu lyelelio̱ kwakooya llya dede na ilolio̱ akwaa liwore uuru kita saabu ikashaa, nayo yelelio̱o̱ muroń kwakooya nshinuru. Mukawa kuro mukooyaa nsendo na tikisi na unini, ili Yesu Kristo alolikaa.

Urambuyo lwa Yohane 2:14

Kake fiifo findo kiindi kwafo fitashisenye, fulya kuwore vandu vakee kwanu vawore miloshie ya Bileamu ulya andelosha Balaki atevete vana va Isiraeli eevaloshaa ilya nyama shirasie maṛuva a wongo na itana waaisi.

Barua ya Vaebrania 13:9

Manya mutafulutwa mmiloshie ingi itasumani imusheaa. Amu kilya kikee kisha kya yumisa ngoo ni uwoo lwa Iṛuva, nta mmiliye ya shoonga ndi. Yo yendee valya vakee ikwataria nayo mbusha ndi.

Barua ya Timoteo ya kavili 3:13

Kake vandu vakasha na valembi veengeṛiaa yenda ukasheń veelembaa vandu na ilembika wo veni.

Barua ya Timoteo ya mbele 6:3

Firero ifo filoshe na iikimba. Kwakooya eefo nndu aloshaa kingi ana atairikie firero fa Nndumi weru Yesu Kristo fiwore muu ana miloshie ikulunganisie na iindia Iṛuva,

Barua ya Vakolosai 2:8

Kulleń amu nndu atamuware uketi na miloshie ya ruu na ulembi lwa mboni ta ruu tiriani na sewu ta kivandu ana na ngyufundo ta kiisanga titariani na Kristo.

Barua ya Vakorinto ya kavili 2:17

Amu ise tikee sha iwo veengi vakee ikaba mbusha na kirero kya Iṛuva ndi. Kake tikee irera na weelwa lwa nrima luukie kwa Iṛuva tikee va Kristo kisanguń kya Iṛuva.

Barua ya Varome 16:17

Muṛe vanavama, namwikimba mulle valya vawore myaandu na findo fa iteveta fa ifuluta miloshie ilya mwankulosha. Iwukaniń nawo!

Mitanie ya varumi 20:30

Lingi kari kanu mu veni vakwimboo-fo vandu veereraa fikasha vaomue vanalosho vavasoṛe wo.

Barua ya Vakorinto ya kavili 4:2

Kake tallea findo fa usutu fa ifisafisa ana teendaa na mitambwe ndi ana isandasanda kirero kya Iṛuva na wongo ndi. Kake tireraa kilya kikee kya dede na baa, amu mirima ya vandu itirambue tikee kisanguń kya Iṛuva.

Barua ya Vakorinto ya mbele 3:11

Eefo nndu amakii irwaa-fo mfulo wa mikae ingi ndi kitaare ni ulya wammaa irawa-fo, nto Kristo Yesu.

Barua ya Vakorinto ya mbele 3:13

kyasia mashoṛa a nndu woose amanyikaa na baa. Nkonu ulya wa uumisio wavanisaa, fulya ukumanyisaa urie muro. Na muro ulya weleliaa ishoṛa lya nndu woose llya mikae ki.