Barua ya Vakorinto ya mbele 2:6 - MMA SHIYYA

⁶ Lingi fiifo fa uṛango lwa dede tikee iia valya vamakii yawutia, kake mfa uṛango lwa isanga li ndi ana fa iwo vashiliaa isanga li varekaa ndi.

Barua ya Vakorinto ya mbele 2:6 ပူးပေါင်းရင်းမြစ်များ

Barua ya Vaebrania 5:14

Kake shoonga shuumu yya vandu vanini valya ngyuṛango tawo tamiishiviswa yaava finuru na fikasha.

Barua ya Yakobo 3:15

Amu uṛango lo llo lua lushee luuka iṛuvewu ndi, kake llwa isanga na lwa mikae ya kinndu na lwa Satana.

Barua ya Vakorinto ya kavili 4:4

Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Vakorinto ya mbele 2:8

Uṛango lu veetoṛio isanga li veelwishii nta umwi ndi. Amu kifo veelwishii, nta veekabiaa Nndumi muni unini nsalabeń ndi.

Barua ya Vakorinto ya mbele 1:28

Lingi valya vatawore nsendo kunu isangeń li na valya vakee iilwa ni isanga wwo Iṛuva awasaua, amu arete valya vakee ikulolia sheeli nkindo.

Barua ya Vakolosai 4:12

Epafira amwisana akee nndu wa kwanu, ni iketi lya Yesu Kristo eetaniaa utomari mikonu yoose kiimba kyanu fiterewoń famwi, amu musalale kyumu ikusureń na ikukaarisia findoń foose filya Iṛuva afurie.

Barua ya Vaefeso 2:2

akee wwo mwalatia kuuka mbele mwisoṛaa mifurie ya isanga li na iitikwa mmuyafinya ulya wa ringewu. Yye mumuyo ulya akee iṛunda mashoṛa kwa vandu valea Iṛuva.

Matayo 5:48

Kyasia ini veń vandu vasongovye, sheeli Nde yanu wa iṛuvewu asongovye.

Barua ya Vakorinto ya kavili 1:12

Amu tikisi yeru ikee irambulwa mmirima yeru yyo ii sheeli: Tindekuwara na weendo kunu isangeń lukee lwa usongovisi na warutu luukie kwa Iṛuva, nta llwa uṛango lwa kivandu ndi, kake wweendo lukee ikuwara na ililia lya Iṛuva lukamanyika kwanu ini kya mmwasi.

Barua ya Yakobo 3:2

Amu ise ti woose tikee varekwa kwa findo fiingi. Nndu atarekio̱ nta kimwi eereraa, ito ni nndu nsumani deń, amakii iima na wili wamwi woose.

Barua ya Vakorinto ya kavili 13:11

Ifurumia, vanavama, fureń, mukuselevende, mukwikimbe, mirima yanu ive kimwi, mukaa unambweń, llyo Iṛuva muni ikunda na unambwe akaa andu emwi neeni.

Barua ya Vakorinto ya mbele 14:20

Vanavamae vakwa, manya mutave vana ifo uṛangoń lwanu lwa imanya mboni, kake alya ukasha lukai aṛulwań vana vannya, kake kya ngyuṛango tanu ta imanya mboni muve vandu vanini.

Barua ya Vakorinto ya mbele 2:13

Nafo mfo tikee ifirera ana tikee ifirera kwa firero talloshwa ni uṛango lwa kivandu ndi, kake talloshwa mMumuyo. Na ifo mboniń ta Mumuyo mfo tikee ikooya firero fa Mumuyo.

Barua ya Vakorinto ya mbele 2:1

Kyasia vanavama lia niń nndesha kwanu, nta nndesha mmukwanisie Iṛuva na unini lwa firero ana nta lwa uṛango ndi.

Luka 16:8

Kyasia nndu ulya kaṅinisa nshili ulya llembi, fulya andetana kya uṛango. Fulya valya vakusurani na findo fa isanga li waṛango kita valya vakusurani na fa iṛuvewu.

Matayo 19:21

Yesu kamwia: Ee da, kwakooya kufurie iva nndu nsumani deń, endaań andekumba foose kuwore kwavye vakiva. Amu llyo kuwaraa masaa a iṛuvewu. Kwammaa kusheń kushisoṛe!

Matayo 13:22

Na ito andeeṛwa miingeń ito yye ulya aaranyaa kirero kawarwa ni utaṛawu lwa isanga li na ilembwa mmasaa, nafo fikafwa kirero kyo nta ivika kilimu.

Barua ya Vakorinto ya mbele 3:1

Nań, vanavama, nta nndemakii irera neeni sha vandu vawore mikae ya Mumuyo ndi, kake nsha vandu vawore mikae ya vvili, lingi nsha vana vannya va ki-Kristo.

Barua ya Vakorinto ya mbele 12:8

Fulya nndu umwi akee iniingwa kirero kya uṛango mMumuyo, na ungi kirero kya waṛia, kake Mumuyo ni ulya muni da.

Barua ya Vakorinto ya kavili 4:3

Kake kwakooya nrumi ilya yeru ya ifura ikufisie, ikufisie kwa valya vakee va ureti.

Barua ya Vakolosai 1:28

Nae yye ise tinkwanisaa tiikimbaa nndu woose na ilosha nndu woose uṛango lukee lwa dede, amu taaṛue nndu woose asumanike kwa Kristo.

Barua ya Vaebrania 6:1

Kiimba kya ikyo nkyo kiteveto tikatia ilosha miloshie ya Kristo ya mbele, teengeṛie imulosha filya fa yawutia. Manya titakirwaa-fo lingi mfulo wa kavili tiimuloshaa sheeli: Ilashikeń mutie-wo mitanie ilya innde ufu na ya iva na ikusura Iṛuva