Barua ya Vakorinto ya mbele 2:14 - MMA SHIYYA

¹⁴ Kake nndu akusurani na mikae yamwi meni awariaa fa miniingie ya Mumuyo wa Iṛuva ndi, amu kwamwi ye nsha fa utondo, amakii ifimanya ndi. Amu ifi kyawara fimanyike kwa finya ya Mumuyo.

Barua ya Vakorinto ya mbele 2:14 ပူးပေါင်းရင်းမြစ်များ

Barua ya Vakorinto ya mbele 1:18

Amu kirero kya nsalaba kwa valya vakee yenda ireka ni utondo, kake kweru ise tikee ikiṛwa mfinya ya Iṛuva.

Barua ya Yohane ya mbele 2:27

Neeni yaambwa li mwawaria lyukie kwamwi llyo likaa neeni matika woose. Neeni muuṛi mifundie ingi ndi. Myaambie yamwi ikee imulosha foose, nayo ikee ya dede, wwongo ndi. Kyasia kaań nae, sheeli mundeloshwa.

Barua ya Vakorinto ya mbele 15:46

Kake vvili wa kimumuyo to wwa mbele ndi, kake ulya wa kinndu nto wabooka. Numa ukasha ulya wa kimumuyo.

Barua ya Yuda 1:19

Vandu wo wwo vannde mwavanu, vakee vandu va isanga li da vatawore Mumuyo Nsongori.

Barua ya Yakobo 3:15

Amu uṛango lo llo lua lushee luuka iṛuvewu ndi, kake llwa isanga na lwa mikae ya kinndu na lwa Satana.

Barua ya Yohane ya mbele 2:20

Neeni mwamaambwa mafura ni ulya akee nsongori mukamanya foose.

Barua ya Vakorinto ya mbele 15:44

Ukee iveekio̱ vvili wa kivandu na iṛutwa uṛutwaa vvili wa kimumuyo. Kwakooya iifo mivili ya kivandu, na ya kimumuyo iifo.

Barua ya Vakorinto ya mbele 2:12

Kake ise tanniingwa mumuyo wa isanga li ndi, kake tanniingwa Mumuyo aukie kwa Iṛuva, amu timakii imanya filya tamaavio̱ ni Iṛuva.

Yohane 12:37

Mfo firero Yesu anderera kamaa. Kalakana na vandu kandekufisa. Kake lla kasa andetana myorusie miingi kuri mbele yawo, nawo nta vandenkusura ndi.

Yohane 5:44

Mumakii are ishikusura ini mukee ikwitikisa mu veni na mu veni, na nduma ulya ukee yuka kwa Iṛuva muni mutakee iṛuya?

Matayo 16:23

Yesu kaaṛukya Petiro kamwia: Uya numa yakwa, Satana! Kukee kituva kyakwa! Amu iwe kukee ikusaṛa mboni ta iṛuvewu ndi kita ikusaṛa ta kivandu da.

Yohane 14:26

Kake ito Mwelekia, akee Mumuyo Nsongori, Nde anrumaa na irina lyakwa ye amuloshaa kyoose na imukumburusa kyoose nndemuia.

Mitanie ya varumi 16:14

Nka umwi irina lyamwi ni Lidia akee nkumbi wa miseto itondoṛie akee wa muṛi wa Tiatira akusurie Iṛuva kataaranya. Na Nndumi kanrua nrima aware kisha firero filya Andererwa mPaulo.

Yohane 8:43

A nki ili mutakee imanya mirerie yakwa? Mfulya kitaare ini mukee imakii yaranya firero fakwa.

Barua ya Vakorinto ya mbele 1:23

Kake ise tikwanisaa Kristo sheeli akabio̱ kiriń, na mikwanisie ii Vayuda vakaila na Vagiriki vakaiaṛua ya utondo.

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.

Mitanie ya varumi 25:19

Kake kiteveto vakandiinga mfindo fa mikusurie yawo wo veni na fa mboni ta nndu umwi avaangwa Yesu, nae eemmaa ifwa, kake Paulo anumbua sheeli akee na muu.

Yohane 15:26

Kake ili muwolisa mirima ashaa ulya ninrumaa auka kwa Nde akee Mumuyo wa dede aukaa kwa Nde, yye ashirambuaa.

Mitanie ya varumi 18:15

Kake ili kikee kya yaṛuyana kiimba kya ngyufundo tanu na marina na mavavaso anu, filleń ini mu veni, amu niń mfurie iva mfukya wa findo fo ndi.

Mitanie ya varumi 17:32

Kyasia ili vandeita mboni ta iṛuka lya vafu, vengi vakamweetia. Vengi vakanumbua: Tikwaranyaa mboni yo nkonu ungi.

Yohane 10:20

Veengi ifo kari kawo vakanumbua: Aworwa mmumuyo nkasha, lingi aworwa ni uketo. Nki ili mukikee imwaranya?

Mitanie ya varumi 17:18

Na vandu kiindi va taari ya Epikuro na ya Sitoa vakavingana nae. Veefo vandenumbua: A nriṅani uu afurie irera ki? Vengi vakanumbua: Alolikie sheeli mmukwanisa mboni ta maṛuva meeni. Mfulya Paulo eekee ikwanisa mboni ta ifura ta Yesu na ta iṛuka lyamwi.

Yohane 14:17

Nto Mumuyo ulya arie mboni ta dede, ulya isanga litamakii iwwaria, fulya litallolie ana litamwishi. Ini mwammanya, fulya akaa kwanu, nae eefo mirimiń yanu.

Barua ya Vakorinto ya mbele 1:21

Amu kwa uṛango lo lwayo isanga li lindemanya Iniva na uṛango lwamwi lwa kiiṛuvewu lukee lwa dede ndi. Kwa ikyo Iṛuva andekunda ikiṛa valya vankusurie na mboni ikee ilolio̱ ni isanga sheeli yya uṛiṅani.

Barua ya Vakorinto ya mbele 1:25

Amu kilya kikee kya utondo kyuka kwa Iṛuva kyo kikee na uṛango lukilie lwa vandu. Na kilya kikee kya utanyari kyuka kwa Iṛuva kyo kikee na finya ikilie ya vandu.

Barua ya Vakorinto ya mbele 3:1

Nań, vanavama, nta nndemakii irera neeni sha vandu vawore mikae ya Mumuyo ndi, kake nsha vandu vawore mikae ya vvili, lingi nsha vana vannya va ki-Kristo.