Barua ya Vakorinto ya mbele 2:13 - MMA SHIYYA

¹³ Nafo mfo tikee ifirera ana tikee ifirera kwa firero talloshwa ni uṛango lwa kivandu ndi, kake talloshwa mMumuyo. Na ifo mboniń ta Mumuyo mfo tikee ikooya firero fa Mumuyo.

Barua ya Vakorinto ya mbele 2:13 ပူးပေါင်းရင်းမြစ်များ

Barua ya Vakorinto ya mbele 2:4

Na kirero kyakwa na mikwanisie yakwa nnderera nta kwa firero fa waṛia lwa ikangia ngyuṛango ta vandu ndi, kake nkwa finya ya Mumuyo,

Barua ya Vakorinto ya mbele 2:14

Kake nndu akusurani na mikae yamwi meni awariaa fa miniingie ya Mumuyo wa Iṛuva ndi, amu kwamwi ye nsha fa utondo, amakii ifimanya ndi. Amu ifi kyawara fimanyike kwa finya ya Mumuyo.

Barua ya Vakorinto ya mbele 1:17

Amu Kristo ashiruma amu mbatise ndi, kake naamu nkwanise mboni ya ifura ya ikiṛwa. Nakyo kitave na firero fa imanya lya uṛango, amu nsalaba wa Kristo utabiṛwa.

Barua ya Vakorinto ya mbele 2:1

Kyasia vanavama lia niń nndesha kwanu, nta nndesha mmukwanisie Iṛuva na unini lwa firero ana nta lwa uṛango ndi.

Barua ya Petiro ya mbele 1:12

Vakarambuywa sheeli nkiimba kyawo veni ndi, kake nkwa kiimba kyanu vandeatarikia mboni to. Na alli tamoongoywa kwanu vvalya vandemwendee ini nrumi shisha kwa finya ya Mumuyo Nsongori anderumwa auka iṛuvewu. Mboni to na akwaa vvamalaika valangie itilla.

Barua ya Vakolosai 3:16

Kirero kya Kristo kiwore uṛango loose kiishue kari kanu bele! Mukuloshe na ikufunda mu veni na mu veni na fiimbo mukee iniingwa mMumuyo Nsongori, mwimbie Iṛuva ngooń tanu mwimwaanaa.

Barua ya Petiro ya kavili 1:16

Amu tallatia mboni ta uṛango lwa vandu ili tindemukwanisia mboni ta finya ya Nndumi weru Yesu Kristo na mboni ta isha lyamwi lya kavili ndi, kake talolia unini lwamwi na miso eru meni.

Barua ya Vaefeso 5:19

Veń vandu vatele vaimbaa ngyufina ta Iṛuva ta imwaana na ta imwitikisa tikee ta mikae ya Mumuyo mwiimbiaa Nndumi na langa lya nrima.

Barua ya Vakorinto ya mbele 14:2

Amu ulya akee irera na mirerie, nta arera na vandu ndi, kake arera na Iṛuva. Amu nta eefo eesile ndi, kake arera findo fa fiṛisi awarwa mMumuyo.

Barua ya Vakorinto ya mbele 9:11

Kwakooya ise tindemuveekilia mbeu ya Mumuyo, a nkindo kinini, kwakooya tikee iilula fa findo fanu fa wiliń?

Luka 12:12

Amu Mumuyo Nsongori amuloshaa kyeeri kilya kyeni kilya kyawara murere.

Mitanie ya varumi 2:4

Nawo vakaishua Mumuyo Nsongori vakabooka irera na mirerie ingi, sheeli Mumuyo andevalosha irera.