Barua ya Vakorinto ya mbele 16:22 - MMA SHIYYA

²² Nndu na kava i atakundie Nndumi ave ndenge! Nndumi akee isha (Maranata)!

Barua ya Vakorinto ya mbele 16:22 ပူးပေါင်းရင်းမြစ်များ

Barua ya Vaefeso 6:24

Uwoo lukaa na woose vakundie Nndumi weru Yesu Kristo na ikunda liteelashikaa!

Yohane 14:21

Nndu awara mavavaso akwa na yaindia ito yye nndu ashikundie. Na nndu ashikundie niń, ito akundwaa vVaava wakwa. Na akwaa nniń ninkundaa na inkworusa na bata.

Barua ya Yohane ya mbele 5:1

Nndu woose akusurie sheeli Yesu akee Kristo, ito amiiriwa ni Iṛuva. Na nndu woose akundie ulya andemwira, akundaa na ulya andeiriwa yye, ni Iṛuva.

Barua ya Yohane ya mbele 4:19

Ise toore ikunda, fulya ye abooka itikunda.

Yohane 8:42

Yesu kavaia: Kifo Iṛuva eekee Vaava wanu, mwishikundaa niń, amu niń nndeuka kwa Iṛuva nasha kunu. Nta niń nndesha kwa kiimba kyakwa shi muni ndi, kake yye ashirumie.

Matayo 10:37

Ulya afurie ndee ana mae kita niń, ashiviaa ndi. Na ulya akundye mwana wamwi wa womi ana wa kika kita niń, ashiviaa ndi.

Urambuyo lwa Yohane 22:20

Ito akee irambua ifi akee inumbua: Ee nkee isha ree. Amen! Oṛesho, Nndumi Yesu!

Barua ya Petiro ya mbele 2:7

Neeni mulikusurie alli muniingwaa wavi lu luwore uuru. Kake valya vatakusuraa: ”Iwe li lindelewa watana numba llyo yeni lindevavia iwe inini lya wembe“.

Barua ya Petiro ya mbele 1:8

Nae munkundie kitaare mullolie mukankusura ateefo kisanguń kyanu. Kwa ikyo mukabaa nndoṛo mwiwarwaa ni ifura litavaa isenda likee iilise.

Barua ya Vaebrania 6:10

Amu Iṛuva mmurekio̱ arekio̱ mitanie yanu na ikunda lyanu mundeṛundia nalyo irina lyamwi mwiṛundiaa vasongori kuuka mbooko na alli ndi.

Barua ya Varome 9:3

Amu niifuraa niń vve ndenge na ilakaniswa na Kristo, kifo niimakii yeleka vanavamae vakwa vakee va uṛiti lumwi nań, amu valolie ikiṛwa.

Barua ya Vagalatia 5:6

Amu tikankaa na Kristo Yesu irinwa ana ilea irinwa liwore ngo ndi, kake ni ikusura lya ikusura Kristo lyawutio̱o̱ ni ikundana.

Barua ya Vakorinto ya mbele 12:3

Kiimba kya ikyo namumanyisa sheeli eefo nta nndu areraa awarwa mMumuyo wa Iṛuva ndi anumbue: Yesu eerarwa. Ana nta eefo nndu amakii inumbua: Yesu ni Nndumi kitaare awarwa mMumuyo Nsongori ndi.

Mitanie ya varumi 23:14

Nawo vakaenda kwa vakohani vanini na vasuṛi vakanumbua: Tankufinga na ilya ikite manya titakombe nta kindo kumande tiwaa Paulo.

Yohane 16:14

Nae nniń asheshiitikisaa, amu mboni to ashemoongoyaa nkunu kwakwa atuutaa.

Yohane 15:24

Kifo kitaare neendundaa mashoṛa kwawo atandeṛundwa ni nndu ungi kuuka, veevaa na mareko ndi. Kake alli valolie na ishisua vakashisua niń na Nde yakwa.

Yohane 14:23

Yesu kaaṛua kamwia: Nndu kashikunda awaraa kirero kyakwa, na Nde yakwa ankundaa, neese tishaa kwamwi na isongosia kirembo kwamwi.

Yohane 14:15

Kwakooya mushikundie, mwindie mavavaso akwa.

Barua ya Vafilipi 4:5

Uwoo lwanu lulolike kwa vandu woose. Nndumi akee kufui ashe.