Barua ya Vakorinto ya mbele 15:45 - MMA SHIYYA

⁴⁵ Amu nkuro kyatisiṛwa: ”Adamu nndu ulya wa mbele akooya nrima uwore muu“. Na Adamu ulya wa ifurumia kava wa mumuyo annde muu.

Barua ya Vakorinto ya mbele 15:45 ပူးပေါင်းရင်းမြစ်များ

Yohane 5:21

Amu sheeli Nde aṛutaa valya vafu na ivawiiṛia muu, mfo kuro da na Mwana aaṛuaa va muu valya ankunda.

Barua ya Varome 8:2

Fulya ivavaso li lya Mumuyo munnde muu uukie kwa Kristo Yesu llyo lyantilakanisa na ivavaso lia linnde ireko na ufu.

Yohane 6:63

Mumuyo nto aniingiaa muu, vvili ufile kindo ndi. Na firero fo namuia mfo fa mikae ya Mumuyo, lingi mfa muu.

Yohane 14:6

Yesu kamwia: Nniń shia yo na dede nniń na muu nniń. Eefo nndu afikaa kwa Nde kitaare ashiwore niń ndi.

Yohane 6:57

Na sheeli Nde ito ashirumie akee muni muu, nań nakaa na muu kiimba kya Nde, mfo kuro na ulya ashilyaa niń akaa na muu kiimba kyakwa.

Yohane 6:33

Amu nkate wa Iṛuva ni ulya aoloka auka iṛuvewu kaniinga va isangeń muu.

Yohane 6:54

Ulya alyaa vvili wakwa na inwa usao lwakwa awore muu wa miṛeṛe. Nań nindutaa nkonu wa ifurumia.

Urambuyo lwa Yohane 22:17

Na Mumuyo na sambuṛa ilya ya wali vakee inumbua: Oṛesho! Na ulya aitaa iki anumbue: Oṛesho! Na ulya aworwa nnyura ashe. Na alangie awarie mura wa muu kya ruu.

Urambuyo lwa Yohane 22:1

Numa kashoorusa iṛiko lya mura unnde muu uvaramaa sha iwe yeelwa. Iṛiko lyo liṛukie kifumbiń kya kimangi kya Iṛuva na kya ngarina ilya.

Urambuyo lwa Yohane 21:6

Kashiia: Kyammaa iva. Niń nkee A na O, wa ibooka na wa ifurumia. Niń nniingaa ulya aworwa nnyura usookwa lwa maṛukioń a mira ya muu kya ruu.

Barua ya Vakolosai 3:4

Neeli Kristo alolikaa akee muu weru, llyo neeni mulolikaa andu emwi nae uniniń.

Barua ya Vafilipi 3:21

Ye eelashaa mivili yeru ya utanyari, amu ivakani na wili wamwi wa unini kisumani na imakii lia akee nalyo, llyo imakii lirwaa findo foose five kwa si yamwi.

Barua ya Varome 5:21

Amu sheeli ireko lindeitoṛo fikannde ufu, mfo kuro kwa shia ya usumani ililia liitoṛo kumande muuń wa miṛeṛe lindenndwa ni Yesu Kristo Nndumi weru.

Barua ya Varome 5:17

Amu kwakooya kwa irekio̱ lya nndu ulya umwi ufu lundeitoṛo kiimba kya ulya umwi, ni mmwasi iwo vakee iwaria wiingi lwa ililia na miniingie ilya ya usumani veetoṛoo ifo muuń utakisiaa vakuwore na ulya umwi yye Yesu Kristo.

Mitanie ya varumi 3:15

Kake ulya akee mangi ya muu mukawwaa. Na Iṛuva kanduta kwa vafu. Neese tikee varambua vamwi.

Yohane 14:19

Iseere mikonu myaangu vandu va isanga li vakishiloliaa ndi. Kake ini mushiloliaa, fulya nkee na muu, neeni mundekaa na muu.

Yohane 10:28

Nań natiniinga muu wa miṛeṛe na miṛeṛe. Ana to nta tirekaa miṛeṛe ndi. Ana nta eefo nndu atisokaa ifo maakoń akwa ndi.

Yohane 10:10

Inini lishaa-fo ndi kita lyasha iiva na isikya na ireta. Niń nndesha amu nato tikooye muu na findo fitifile na fa mmwasi.

Yohane 6:68

Simon Petiro kamwaṛua: Nndumi, teende kwa i? Iwe kuwore firero finnde muu wa miṛeṛe.

Yohane 4:14

Kake nndu kanwa mura uu ninniingaa niń, akiwarwaa nnyura lingi ndi na kumande miṛeṛe. Kake mura uu niń ninniingaa kari kamwi ushevaa-fo iriso lya mura, nalyo lyeekaa lifike muuń ulungani.

Yohane 4:10

Yesu kamwaṛua kamwia: Kikooye kwimanyaa wavi lwa Iṛuva na imanya nndu uu akuia: Shirita mura nnwe, llyo nawe kwinterevaa, nae eekuniingaa mura uwore muu.

Yohane 1:4

Kari kayo mfo muu wikaii. Na muu to ukava langa ya ivaiya vandu.

Urambuyo lwa Yohane 16:3

Na ito wa kavili kaleta kyaasho kyamwi nruveń. Nayo ikava usao sha usao lwa nnyińa wa nndu, na findo foose fiiworee muu ifo nruveń fikafwa.

Barua ya Vakorinto ya mbele 15:46

Kake vvili wa kimumuyo to wwa mbele ndi, kake ulya wa kinndu nto wabooka. Numa ukasha ulya wa kimumuyo.

Barua ya Vaebrania 9:14

Kyasiań nkita se usao lwa Kristo ulya andekurambikia Iṛuva ye muni kwa finya ya Mumuyo wa miṛeṛe ave nsimbika utawore ilomi, lumusangye shengye ta mirima yanu na imulakanisa na mitanie innde ufu, amu mumakii iṛundia Iṛuva akee na muu?