Barua ya Vakorinto ya mbele 15:4 - MMA SHIYYA

⁴ Na sheeli andeṛikwa na nkonu wa kararu kaṛuka, sheeli kikee kitisiṛe.

Barua ya Vakorinto ya mbele 15:4 ပူးပေါင်းရင်းမြစ်များ

Matayo 12:40

Amu sheeli Yona andekaa ndewuń ya ikunga lia inini kakaa-fo mikonu iraru kio na nsanyiń, mfo kuro na Mwana wa nndu akaa uteriń mikonu iraru kio na nsanyiń.

Barua ya Vaebrania 13:20

Iṛuva muni unambwe andeṛuta Nndumi weru Yesu akee mwisi nnini wa maanri ifo kwa vafu kwa usao lwa mma ya miṛeṛe,

Barua ya Varome 6:4

Kyasia taṛikwa andu emwi nae ufuń lwamwi kwa shia ya ubatiso, amu sheeli Kristo anderetwa kwa vafu kwa shia ya unini lwa Ndee, mfo kuro neese tiṛue tirie muu mwiya.

Luka 24:46

Kavaia: Nkuri kikee kitisiṛe sheeli Kristo kyawara atuṛulwa na iṛuka kwa vafu nkonu wa kararu.

Luka 24:26

Mwishi se sheeli kyawara Kristo aliswa ukiva lu na yuya unini lwamwi?

Luka 9:22

Kanumbua: Kyawara Mwana wa nndu aliswa ukiva wiingi na ilewa wasuṛi na vakohani vanini na vaaria va mitisine, na iwalwa awalwaa na nkonu wa kararu aṛukaa.

Barua ya Vakolosai 2:12

Mukaṛikwa andu emwi nae ifo ubati-soń mukaṛutwa andu emwi nae mwikusuraa finya ya Iṛuva andenduta kuuka kwa vafu.

Mitanie ya varumi 17:31

Mfulya andeeṛia nkonu ashaa nato aumisie va isanga na usumani. Na uumisio lu kalurambikia nseṛo ulya andenduta kwa vafu kanrambuya vandu woose vautiewo inkusura.

Mitanie ya varumi 1:3

Wwo iva andevakurambuya numa ya mavaviso amwi sheeli akee na muu eevaorusaa firingisio fiingi. Kakulolisa kwawo andu a mikonu makumi aani na irera nawo fa umangi lwa Iṛuva.

Mariko 9:31

Amu eekee ilosha vanalosho vamwi eevaiaa: Mwana wa nndu arambikyo̱o̱ maakoń a vandu, nawo vawwaa. Nae kammaa iwalwa, numa ya mikonu iraru aṛukaa.

Matayo 20:19

Nawo vanrwaa maakoń a vayavaṛumu vanteende na inkaba na ngova na inkabya nsalabeń. Na nkonu wa kararu aṛukaa.

Matayo 16:21

Kuuka kyeeri kyo Yesu kabooka yorusa vanalosho vamwi, sheeli kyawara aende Yerusalemu andelisyo-fo ngyukiva shiingi mmasiingo a uruka na valosha vanini na vaaṛia va mitisine. Na iwalwa awalwa, na nkonu wa kararu aṛukaa.

Barua ya Petiro ya mbele 1:11

Vakaṛuya nkyeeri ki na nkyeeri kya mikae ingai veeikimbwaa mMumuyo wa Kristo ulya eekee kari kawo, ulya abooka ivaringisia mavaviso alya akooyaa Kristo na unini lua luwiaa numa ya ifo.

Yohane 19:38

Neeli ifi findemaa iva, kasha na-wo Yosefu wa kulya Arimatia akee mwanalosho wa Yesu kiṛisi, fulya eeṛee Vayuda. Kashetereva Pilato muumu wa indeolota nnyiṅa wa Yesu. Pilato kavvikia muumu. Kyasia kaenda kandeolota nnyiṅa wamwi.