Barua ya Vakorinto ya mbele 15:3 - MMA SHIYYA

³ Amu niń mbooko nndemumanyisa filya nndewaria nań, sheeli Kristo afwe kiimba kya mareko eru sheeli mitisiṛie ikee irera.

Barua ya Vakorinto ya mbele 15:3 ပူးပေါင်းရင်းမြစ်များ

Barua ya Petiro ya mbele 2:24

Yye muni akurika mareko eru kaarosia kiriń kya nsalaba andu emwi na wili wamwi, amu ise tilakaniswa na mareko na ikaa tikaa na muu wa iṛundia usumani. Mfaasha famwi findemukiṛa ini.

Barua ya Vagalatia 1:4

Yye uu andekuningia ufuń kiimba kya mareko eru, amu atikiṛe eetilakanisaa na isanga li ikasha lya alli, sheeli Iṛuva andekunda akee Vaava weru.

Barua ya Yohane ya mbele 2:2

Nae yye kirasio kya mareko eru, ana nta nkya mareko eru da ndi, kake na kya mareko a va isangeń lyoose.

Barua ya Vagalatia 1:12

Amu naiwaria kwa vandu ana naloshwa ni nndu ndi, kake naiwaria kwa myorusie ya Yesu Kristo.

Urambuyo lwa Yohane 1:5

Fuukie na kwa Yesu Kristo akee nrambua ulya nsongori, ni ulya andebooka iwara muu eeukaa vafuń, akee nnini wa mamangi a isanga. Ito afikundie na itikiṛa mareko eru na usao lwamwi.

Barua ya Varome 4:25

amu yye andeniingio̱ kiimba kya mareko eru na iṛutwa, amu tikooye itaalio̱ usumani lweru.

Barua ya Vaefeso 5:2

Muware ikundana, sheeli na Kristo andetikunda kakuniingia kiimba kyeru ave nsimbika wa kirasio kya kwa Iṛuva kiwore nningo uwore kisaamu kinuru.

Barua ya Vakorinto ya kavili 5:21

Amaaṛua uu ateeishii ireko kava nrekwa kiimba kyeru, amu ise tive veni usumani lwa Iṛuva tikuwore nae.

Barua ya Vakorinto ya mbele 11:23

Amu niń kilya nndemurambikia naniingio̱ ni Nndumi, nakyo nkyo iki: Kio kilya Nndumi Yesu aṛiingio̱ kaimboo nkate kaana Iṛuva kaufukyafukya kanumbua:

Mitanie ya varumi 3:18

Kake yyo shia Iṛuva andeawutia nayo filya andefikwanisa mbele kwa kana ka vaauya fisuku woose kya matuṛulwa a Kristo wamwi.

Yohane 1:29

Neeli lya ndesi kalolia Yesu eeshaa na kwamwi kanumbua: A li yaanri lya Iṛuva likurikaa mareko a isanga!

Barua ya Petiro ya mbele 1:11

Vakaṛuya nkyeeri ki na nkyeeri kya mikae ingai veeikimbwaa mMumuyo wa Kristo ulya eekee kari kawo, ulya abooka ivaringisia mavaviso alya akooyaa Kristo na unini lua luwiaa numa ya ifo.

Barua ya Vaefeso 1:7

Yye uu andetikumbia muu wamwi, amu tikiṛwa na iniinga itio̱ lya mareko liiṅaṅani na wiingi lwa uwoo lwamwi.

Barua ya Vagalatia 3:13

Kristo andetitaua kidengoń kya mavavaso eekurwaa kwa si ya kidengo kyo kiimba kyeru. Amu nkitisiṛe: ”Nndu ulya woose avanikwaa kiriń akee ndenge“.

Barua ya Varome 3:25

Amu yye Iṛuva andenrwaa ufuń ave mwitanisa wa iitanisa na usao lwamwi valya woose na Iṛuva vankusurie. Katana kuro, amu amanyise usumani lwamwi weni eesisiriaa nta ifukya mwaandu wa mareko alya woose entanwaa kuuka mbele.

Matayo 26:28

Amu ilu llo usao lwakwa luvaa mma shiiya ya imwitanisa na Iṛuva. Lwiritwaa kiimba kya veengi vakooye itio mareko awo.

Barua ya Petiro ya mbele 3:18

Amu nae Kristo afwe limwi tubu kiimba kya mareko eru ye akee nsumani kafwa kiimba kyeru ise varekwa, amu atirwaa kwa Iṛuva. Kawalwa kivvili, kake kawiiṛwa muuń kimumuyo.

Barua ya Vaebrania 5:3

Na kiimba kya ikyo kyawwara iniingia-wo kirasio kya iwolisa mareko, kive nta kiimba kya vandu da ndi, na akwaa nkiimba kyamwi ye muni.

Barua ya Vaebrania 5:1

Amu nkohani nnini woose asaulwa kari ka vandu arawa-fo kiimba kya vandu avasalalie kwa Iṛuva. Nkyo aniingiaa miniingie ya firasio fa iwolisa mareko.

Barua ya Vakorinto ya mbele 11:2

Kyasia nkee imwitikisa, fulya mushikumbue kya findo foose, neeni mukawara mavavaso akwa alya nndemuniingia.

Matayo 26:24

Mwana wa nndu eendaa shia yamwi da, sheeli eentisiṛyoo. Kake ushi ulya, Mwana wa nndu andeṛiingwaa yye. Nndu to kifo kitaare awonika kiwiaa ńwana.

Luka 24:25

Llyo Yesu avaia: A baa vandu variṅani, nki ili ngoo tanu tallemwa ikusurana na filya foose feemaauywaa vvaauya fisuku?

Mitanie ya varumi 8:32

Na firero eekee isoma ifo kitabuń mfo ifi: ”Ankurikwa andu a isikywa sha yaanri. Lingi kavakana na yaanri likee isemwa mafuli mmuni fikasia do. Mfo kuro nae asisiria nta itaṛambua kana kamwi.

Mitanie ya varumi 17:2

Na Paulo katana sheeli eeshivie kaaka neefo vakai kauṛana nawo Sabato isaru kya filya fitisiṛie mitisiṛień.