Barua ya Vakorinto ya mbele 15:20 - MMA SHIYYA

²⁰ Kake alli Kristo ammaa iṛuka kwa vafu kava wa mbele wa vafu anduka.

Barua ya Vakorinto ya mbele 15:20 ပူးပေါင်းရင်းမြစ်များ

Barua ya Vakorinto ya mbele 15:23

Kake nndu woose na ikamba lyamwi, wa mbele nKristo, numa walya vakee va Kristo ili ashaa.

Mitanie ya varumi 26:23

Sheeli kyawara Kristo aliswa ukiva na sheeli ye avaa wa mbele wa iṛutwa kwa vafu ave mukwanisa mboni ta langa kwa vandu vamwi va Isiraeli na kwa vayavaṛumu.

Urambuyo lwa Yohane 1:5

Fuukie na kwa Yesu Kristo akee nrambua ulya nsongori, ni ulya andebooka iwara muu eeukaa vafuń, akee nnini wa mamangi a isanga. Ito afikundie na itikiṛa mareko eru na usao lwamwi.

Barua ya Petiro ya mbele 1:3

Aarafumwa Iṛuva akee Nde wa Nndumi weru Yesu Kristo andetililia na ililia lyamwi iingi katiira lya kavili tiware iverea linnde muu kiimba kya miṛukie ya Yesu Kristo kwa vafu.

Barua ya Vakolosai 1:18

Nae yye akee nrwe wa wili, nto siṛi. Nae yye wa mbele kava ndute wa mbele kari ka vafu, amu ye ave wa mbooko kari ka findo foose.

Barua ya Varome 8:11

Kake kwakooya Mumuyo wa ito andeṛuta Yesu kwa vafu akee kari kanu, ito andeṛuta Kristo kwa vafu aṛutaa na mivili yanu ikee mikaeń ya ufu kwa finya ya Mumuyo wamwi akee kari kanu.

Barua ya Vakorinto ya mbele 15:6

Numa andekworusa vanavamae kilanya ya mayana araanu andu emwi. Na kari kawo veengi veefo na muu kumande alli kita kiindi kari kawo vamiimuruswa.

Mitanie ya varumi 2:24

Nae Iṛuva kanduta eeboṛomuaa kivawwo kya ufu, fulya kiteevaa luwware.

Barua ya Vatesalonike ya mbele 4:16

Amu Nndumi muni aolokaa iṛuvewu na kiṛoṛongyo kinini na ununga lwa mmalaika nnini, na wembe lwa Iṛuva lwivilio̱o̱ na valya veemfwaa veenkusuraa Kristo vabookaa iṛuka.

Urambuyo lwa Yohane 14:13

Naita ununga luuka iṛuvewu lwishiia: ”Tisiṛa: Vva ngoma vafu va vafwa veekusuraa Nndumi kuuka alli. Mumuyo anumbua: Ee vaimuye ngatara tawo. Fulya mitanie yawo iriani nawo“.