Barua ya Vakorinto ya mbele 15:2 - MMA SHIYYA

² Na ikiṛwa mukiṛwaa yyo, kwakooya mukuwore deń na mboni tilya nndemukwanisia. Ili kiikooyaa kitaare mundekusura kya ruu.

Barua ya Vakorinto ya mbele 15:2 ပူးပေါင်းရင်းမြစ်များ

Barua ya Vaebrania 3:6

Kake Kristo mMwana eetoṛio numba ii yamwi. Amu numba ii yamwi ni ise, kwakooya tikuwaraa na finya ya nrima na iṅinisa iverea lyeru kumande ifurumia.

Barua ya Vaebrania 2:1

Kwa ikyo kyatiwara tille mmwasi filya tindefiita, kaaṛa titafituṛe.

Barua ya Vaebrania 3:14

Amu tavva va kyama kimwi na Kristo, kwakooya tikuwaraa na ikusura kumande ifurumia lia lindebooka kweru.

Barua ya Timoteo ya kavili 1:9

Yye uu andetikiṛa kativaangia fuva shisongori kitaare nkwa mitanie yeru ise, kake nkwa kiṛengo kya wafio lwamwi muni na uwoo lwamwi. Uwoo lo tindeniingwa nKristo Yesu kuuka mbooko.

Barua ya Vakolosai 1:23

kwakooya mukaa na inkusura na iwara tabu iverea lia nrumi shisha indemwendee. Nrumi ii mwamiita, nayo yankwanisio̱ fitani foose fikee kwa si ya iṛuvewu. Nań Paulo nawa ndundi wayo.

Barua ya Vaefeso 2:8

Amu mundekiṛwa ni uwoo lwa Iṛuva kwa shia ya inkusura. Na ikiṛwa li nkwanu lyukie ndi, wwavi lwa Iṛuva muni.

Barua ya Vakorinto ya mbele 1:18

Amu kirero kya nsalaba kwa valya vakee yenda ireka ni utondo, kake kweru ise tikee ikiṛwa mfinya ya Iṛuva.

Barua ya Yakobo 2:26

Amu sheeli wili utawore mumuyo ukee mfu, mfo kuro na ikusura lituṛie mitanie ni ifu.

Barua ya Yakobo 2:14

Kyelekaa ki, vanavamae vakwa, kwakooya nndu anumbua: Nkusurie Iṛuva atawore mitanie? Ikusura lya mikae ii limakii inkiṛa?

Barua ya Vaebrania 10:23

Manya titaaraa irambua iverea lyeru, amu ulya andetiniinga kirekio ki wwa mma.

Luka 8:13

Na mbeu ilya indewa kundo kuwore mawe nkimwi na valya vaaranyaa kirero kilya na ikiwaria na ifura. Kake vawore mirarii ndi. Kyeeri kyaangu vatairikie, kake kyeeri kya yelelio̱ vakaiwukana.

Barua ya Yakobo 2:17

Mfo kuro ikusura fitawore mitanie ni ifu, fulya fikee lyo yeni.

Barua ya Vaebrania 4:14

Kyasia toore nrasia weru nnini akilie vengi anderwa iṛuvewu yye Yesu Mwana wa Iṛuva, kwa ikyo tikuware nnu na inrambua lyeru.

Barua ya Vatesalonike ya kavili 2:15

Kyasia vanavama, salaleń na utomari na iwara miloshie ilya mundeloshwa ni ise kwa firero ana kwa mitisiṛie yeru.

Barua ya Vagalatia 3:4

Findo ifi foose fa maṛiikiso mwamooruswa mwafiwaria kya ruu dede? Kwakooya nkuro nkya ruu.

Barua ya Vakorinto ya kavili 6:1

Kake ili ise tikee uṛundiń ilu lwa iṛundia Iṛuva, tikee imufunda: Manya mutawarie ililia lya Iṛuva kya ruu.

Barua ya Varome 1:16

Amu noore sonu ya nrumi yo ya Kristo ndi, fulya ikee finya ya Iṛuva ya ikiṛa valya woose vaikusuraa, lya mbele Vayuda na akwaa vVagiriki nawo.

Barua ya Vakorinto ya kavili 2:15

Amu ise tavia Iṛuva kisaamu kya Kristo kwa valya vakee ikiṛwa na kwa valya vakee ireka.

Barua ya Vakorinto ya mbele 15:14

Kwakooya atanika, mboni teru teelekaa ndi na ikusura lyanu nkindo ndi.

Barua ya Vakorinto ya mbele 1:21

Amu kwa uṛango lo lwayo isanga li lindemanya Iniva na uṛango lwamwi lwa kiiṛuvewu lukee lwa dede ndi. Kwa ikyo Iṛuva andekunda ikiṛa valya vankusurie na mboni ikee ilolio̱ ni isanga sheeli yya uṛiṅani.

Barua ya Varome 11:22

Alli manya sheeli lwifo uwoo lwa Iṛuva na uvaave lwamwi! Kwa valya vandewa luvaa uvaave, kake kwafo luvaa uwoo kwakooya kukuwaraa na uwoo ilo. Kwakooya kitaare nkuro, iwe nawe kuminywaa.

Mitanie ya varumi 8:13

Nae Simon muni akusura kabatiswa kalungana na Filipo. Ili andelolia firingisio na maṛiikiso manini fitanikaa kaṛiika.

Mitanie ya varumi 2:47

Vakaitikisa Iṛuva na isenya vandu woose. Na Nndumi kafumbuta siṛi mikonu yoose na valya woose veekee ikiṛwa.

Barua ya Vakorinto ya mbele 11:2

Kyasia nkee imwitikisa, fulya mushikumbue kya findo foose, neeni mukawara mavavaso akwa alya nndemuniingia.