Barua ya Vakorinto ya mbele 15:19 - MMA SHIYYA

¹⁹ Kwakooya tikusuraa Kristo muuń uu tiurie alli tubu, tikee vakiva kita vandu woose.

Barua ya Vakorinto ya mbele 15:19 ပူးပေါင်းရင်းမြစ်များ

Urambuyo lwa Yohane 14:13

Naita ununga luuka iṛuvewu lwishiia: ”Tisiṛa: Vva ngoma vafu va vafwa veekusuraa Nndumi kuuka alli. Mumuyo anumbua: Ee vaimuye ngatara tawo. Fulya mitanie yawo iriani nawo“.

Barua ya Petiro ya mbele 1:21

Amu yye andemwaṛua muve vakusura Iṛuva uu andenduta kwa vafu na inniinga unini. Nkyo kiimba ikusura ifi lyanu lirie na iverea lya iverea Iṛuva.

Barua ya Timoteo ya kavili 1:12

Nkyo kiteveto naliswa ngyukiva ti. Kake nta niilashaa ndi, fulya niishi ulya ninkusurie na imanya sheeli awore finya ya iringa kilya nndeavio̱ kumande nkonu ulya ufikaa.

Mitanie ya varumi 14:22

veekaarisaa mirima ya vanalosho, amu vakaa ikusureń lia na ivaikimba sheeli kyatiwara yaka umangiń lwa Iṛuva na ngatara shiingi.

Barua ya Timoteo ya kavili 3:12

Nkya dede iva vafurie isumanisa muu wawo veeindiaa Kristo Yesu vakooyaa ngatara woose.

Yohane 16:33

Ifi namuia amu mukooye unambwe mukulungie nań. Kunu isangeń mukooyaa ngatara. Kake kuwareń tabu! Niń nawinga isanga li.

Luka 21:34

Neeni kulleń ninsha kaaṛa mirima yanu itatanyaṛiswa mfindo fa ndewu sha ilafuka na findo ana inangwa wwari ana ikwareesa na findo fa isanga li, kaaṛa nkonu to utamushee kibashuka.

Barua ya Vatesalonike ya mbele 1:3

Amu tilemwaa ikumbua mbele ya Iṛuva Nde yeru mashoṛa anu a ikusura ndi na ngatara tanu ta ikunda na isisiria lyanu lya iverea isha lya Nndumi weru Yesu Kristo.

Luka 8:14

Na mbeu ilya indewa kari ka miinga nkimwi na valya vaaranyaa kirero kilya vakaenda vakaimwa nngatara tawo ana masaa awo na ngyukesi tawo ta isanga li veeiraa weendo usha.

Matayo 24:9

Numa llyo vamurambikyaa muliswa ukiva na imuwaa. Na lingi musulwaa vvandu woose kiimba kyakwa.

Barua ya Timoteo ya kavili 2:4

Eefo nkabana fira akwatariaa findo fa iluya muu ndi, amu asenye ito anrwaa mashoṛeń a nseṛo wa fira.

Yohane 16:2

Na kita ifi kyeeri kishaa na ulya woose amuwaa akusaṛe, sheeli kuro llyo iṛundia Iṛuva.